उदुःतो कताकून 14:10 - Korwa Bible

¹⁰ भगवान हँकू सुदा मुरुके रीस रंजाव जुवाःता। अरू हाँय सेरमो देसरिकुःआ सुद बराहीलकू अरू भेड़ा होन मड़ंगरे हितकाःतो लेटे दिरि गुंडा अरू सेंगेलते हँकुःआ होड़कू मुरुक पीरारेय एचे परावकूता।

उदुःतो कताकून 14:10 Σταυροειδείς Αναφορές

मती ओजाःतेरा भगवानराः नपाय सरवन 20:22

दो ईसू हँकिनाः चेलाकिनतेने कतावातेड, “अबा मेरबा सुसुदीतना अबा चिलाबा असेतना। ईंगके ञूय लगा इदा हना कटसियाराः डुबहातेबा ञू अवेयता जा?” दो हँकिन कतातेड, “अलिंग ञू अवेयता।”

मती ओजाःतेरा भगवानराः नपाय सरवन 25:41

हनते दिरही तिःई गतररिकुःआ होड़कू एचेरेय कतायता, ने सती-सरापतो होड़कू, मड़ंग वरीते कलउ अरू हाँयरिकुःआ बराहीलकू लगा संजोड़तो इदा अरू कहियो ओरो इड़ीगनेना हना संगेलरेपे सलाव जुवाः।

मती ओजाःतेरा भगवानराः नपाय सरवन 26:39

हनते हाँय गुनमिन तोरेय सेनेडा अरू ओतरे तबेरनेनखन भगवान एचेरेय अरजीःआ, “ने अपांग, होया अवेन दो, नाःआ कटसियाराः दूर ईंग अतेम चलाःगोड। नान दो ईंगराः हिछा इया कोवान, मनदो अनमराः हिछा इया होयाः।”

मरकूस 8:38

नाःआ बेलारिकुःआ बेलूर ओंगोल होड़कू अरू कसूर होड़कूराः तलारे ईंग लगा अरू ईंगराः सरवन लगाकू गियुःता हँकुःआ होड़कू सुदा मनुवारीग बेटात, सेरमो देसरिकुःआ सुद बराहीलकू सुदा आँयग अपांगराः जंगरतेय वेगता हनमेला, हँकू एचेरे आँयग होंय गियुःता।”

मरकूस 9:44

[नरगरिकुःआ पिलवाकू मेरकू गुजुःता अरू हना सेंगेल मेर इड़ीगगुःता।]

मूक चेलाकू 10:22

दो हँकू कताया, “कुरनेलियूस ञावीग रूमी देसराः सइना होड़कूरीग हातपात होड़ अले आम एचेरेय वारकेडलेःआ। हाँय भगवाने बोरोवाता अरू हाँयराः कताय मनाःता। एहूदाकू हाँय नपायतेकू मान मरजइतगेयता। आँयग ओड़ाःरे आम राःमे लगा अरू आम कतायता हना जमा कताकून मनावगे लगा हाँय एचेरे भगवानरीग सुद बराहील कतातेरा।”

2 तिसलूनिका 1:7

ईसू मसी हितकाःतो सेंगेलरे भगवानरिकुःआ जंगरदार बराहीलकू सुदा सेरमो देस अते वेग मेला, अले सुदा सिकिसतारे इदानपेःआ अपे लोड़ोन लगाय एमेवापेता।

जूदा 1:7

नाःआ इया सोदोम, आमोरा अरू हना सहरकूनराः लेसानाः एटाः एटाः सहरकूनरिकुःआ होड़कू सनहा-सनही अरू जपाल होड़ेंग लगा अँननकू अँकू एमे होड़ेंगा। दो हँकुःआ होड़कू अरू हना सहरकून भगवान सेंगेलतेय बाल लो एंडागोतेडा अरू हँकुःआ होड़कू भगवान कसूर होड़कू ओरो टुटीगनेना हना सेंगेलतेय डंडियावकूता हनाराः चिनहाकू होयाकिया।

उदुःतो कताकून 15:7

हनते चइरो जीव-जंतूकू अते मीटोंग जीव-जंतू हँकुःआ सातो बराहीलकू एचेरे मेमेडटोंग मेमेडटोंग सोनाराः डुभाय एमेवातेडकुःआ। सगर सइट वरी दोहोनता हाँयग भगवानराः रीस हना डुभाकूनरे पेरेगतो दोहोना।

उदुःतो कताकून 16:19

हना ओत डोलाःते मरंग सहर बाबील पेय फड़ायान, अरू एटाः एटाः राइजकूनराः सहरकून वाः बोलोयान। हनन इया भगवान मरंग सहर बाबीलरिकुःआ होड़कू आँयगराः रीसराः डुभाय एचे ञूतेडकुःआ।

उदुःतो कताकून 18:3

जमा जइत होड़कू गोड़ावयान, हँकू नाःआ सहररिकुःआ होड़कूराः सनहा बुतातेकू गोड़ावयान। चउंदीसरिकुःआ राजाकू हँकू सुदाकू सनहानेना, अरू चउंदीसरिकुःआ फेरवइत होड़कू हँकूराः बेलूर बुताराः ओंगोलतेकू गिरहतनेना।”

उदुःतो कताकून 18:6

हँकू एटाःकू सुदाकू एचेकेरा हनन इया हँकू सुदापे एचेय, अरू बार गुना बदलापे कुदागोड।

उदुःतो कताकून 19:15

राइज राइजरिकुःआ होड़कू ञेड लगा हाँयराः आहते मीटोंग लसेर तलवइर उडुंगगुःतना। हाँय लोहाराः बोंग साबकेडखन हँकू एचेरेय राइजगेता। हाँय अंगूरराः रस उडुंग लगा डोडहारे अनँयग आँयग धड़ियावगेता। हना डोडहा अगम जंगरदार भगवानराः रंजावतो रीस उदुःता।

उदुःतो कताकून 19:20

मनदो हँकू हाँयग जानर अरू हाँय सुदा भगवानराः बड़रा लबराते कतायीग होड़ होंकू साबतेरा। भगवानराः बड़रा लबराते कतायीग होड़ जानर मड़ंगरे बयाव जुवाः इयाःआ चिनहाकूने एचेया। मड़ंगरे हाँय हना बयाव जुवाः इयाःआ चिनहाकूनते, हाँयग जानरराः चिनहाकू गोःतेरा अरू हाँयग जानरराः मुरतीकू सेवाःआ हँकुःआ होड़कूय अडिगतेडकुःआ। हँकिनकू साबतेरा हना तयोमरे, हँकिन बनर जिनियत जीयत सेंगेलराः हुडिंग समुंदररेकू रेमगे बोलोगोतेडकिन। हना सेंगेलराः हुडिंग समुंदररे लेटे दिरि हितकाःआ।

उदुःतो कताकून 20:10

हनते हँकुःआ होड़कू अडिगता हाँयग कलउ, सेंगेल अरू हितकाःतो लेटे दिरिराः हुडिंग समुंदररेय तेके बोलोगोडेयता। हंडा हाँयग जानर अरू भगवानराः बड़रा लबराते कतायीग होड़ हों दोहोनता। हँकू सगर सइट दिन रइत पीरारेकू पिड़ियाः पिड़ियाः ञवनता।

उदुःतो कताकून 20:14

हनते हाँय गुजुः अरू पतालपूर सेंगेलराः हुडिंग समुंदररेय सोलोंगगोतेड। नाःआ सेंगेलराः हुडिंग समुंदर बार नमार गुजुः हवे।

उदुःतो कताकून 21:8

मनदो पोंकाहा होड़कू, अरू बेगर बिसवासी होड़कू, अरू एरंग होड़कू, अरू ञेड एएंडा होड़कू, अरू सनहा-सनही होड़कू, अरू पपंगाड़ होड़कू अरू मुरती सेवा होड़कू अरू जमा लबरा होड़कू, हँकू जमाकू हना सेंगेल अरू हितकाःतो लेटे दिरिराः हुडिंग समुंदररेकू रेमगे बोलोगोडकूता। अरू ननानाः हवे बार नमार गुजुः।”