Biblia Todo Logo
Διαδικτυακή Βίβλος

- Διαφημίσεις -




उदुःतो कताकून 13:7 - Korwa Bible

7 भगवानरिकुःआ सुद होड़कू एचेरे लड़ाइ लगा अरू हँकू सुदा जीताः लगा हातपाते पवावनेना। जमा जइत होड़कू, अरू जमा गोतोररिकुःआ होड़कू, अरू जमा राइजरिकुःआ होड़कू अरू जमा भासीरिकुःआ होड़कू एचेरे हातपाते पवावनेना।

Δείτε το κεφάλαιο αντίγραφο




उदुःतो कताकून 13:7
20 Σταυροειδείς Αναφορές  

अरू ईसू एचेरेय कताया, “नाःआ जमा देसकूनराः हातपात ईंग लगा जिमात इदा। अरू ईंग चहाःता हनाँयग होड़ लगा नाःआ जमाकूनराः हातपातिंग एमेयता।


दो ईसू कता कुदातेरा, “भगवान आम हातपात मेरेय ओवाकेःमे दो ईंग एचेरे आमराः कही हातपात ओरो होयाकुःआ। हनालगा आम एचेरे ईंगे जिमाकेरा, हाँयग होड़राः कसूर मुरुक बगरा इदा।”


हनते अदोम होड़कूराः अरो ईंग एचेरे कतातिंग अयूमतेरा, “आमके मुरुक जइत होड़कू अरू एटाः एटाः राइजरिकुःआ होड़कू बदीरे, अरू एटाः एटाः भासीरिकुःआ होड़कू अरू राजाकू बदीरे हों भगवानराः बड़रा ककता इदा।”


जमा जइत होड़कू रीसयना अरू आम रीस भीकयानमे। दो गोएगतो होड़कू फड़ियाव लगा नुँहू बेला सोदोरयना, आमरिकुःआ सेवकियाकू अरू आमराः बड़रा कता होड़कू, अरू आमरिकुःआ सुद होड़कू, अरू आम सुदा अकूसकू मनाःता हँकुःआ मरंग अरू हुडिंग होड़कू, हँकू इमानमे एमेवा लगा हों बेला सोदोरयना, अरू चउंदीसकू लायतना, हँकुःआ होड़कूम लाय एंडाकूता।”


हँकिनाः हिदइतदारकिन भगवानराः सरवनकिन परसार उरियाव जुवाः दो, पतालपूरते उडुंगगुःता हाँयग जानर हँकिन सुदा लड़ाइकियानखन हाँय जिताःता अरू हँकिने ञेड एंडाता।


हना अते लाल मरंग बींग हाँयग अइमी सुदा मुरुके रीस भीकयान, अरू हाँयग बींग भगवानराः हुकुमकू मनाःता हाँयग अइमीरिकुःआ एटाः लइंकू एचेरे, अरू ईसूराः सताय कताकू मनावगोड ञवनतना, हँकू एचेरे लड़ाइ लगा तोराया।


हनते हाँयग बराहील ईंग एचेरेय कतातेरा, “हाँयग अइमी दाःरे दुड़ुःतोम ञेलतिरिया, हना दाः मुरुक बगरा होड़कू हवे। हँकुःआ होड़कू एटाः एटाः जइतरिकुःआ, अरू एटाः एटाः भासीरिकुःआ अरू एटाः एटाः राइजरिकुःआ होड़कू हवे।


हनते हँकुःआ चूबीसगोटोंग जीव-जंतूकू अरू मी कुड़ी चइरगोटोंग मूक होड़कू, नाःआ नँवा सेरेंगकू सेरेंगा; “ने परबू, आमकू ञेड गोएगतेरा, अरू आमराः बलंगीते जमा देसरिकुःआ होड़कू, अरू एटाः एटाः भासीरिकुःआ होड़कू, अरू जमा जइत होड़कू अरू जमा खमदानरिकुःआ होड़कू, हँकुःआ जमा होड़कू भगवान लगाम सडावगोतेडकुःआ। हनालगा आम नाःआ कोंडोड़तो कागद अरू मोहर लड़ा जुकूर इदानमेःआ।


Ακολουθησε μας:

Διαφημίσεις


Διαφημίσεις