उदुःतो कताकून 13:17 - Korwa Bible

¹⁷ निही दो तोनोंगीग तोनोंगाः जिनिस ओरोकू किजा अवेतेरा सहे ओरोकू अकिरिंग अवेतेरा। हना चिनहा हाँयग जानरराः ञाव अरू हाँयराः ञावराः नमार उदुःता।

उदुःतो कताकून 13:17 Σταυροειδείς Αναφορές

गलातिया 6:17

ईंग ईसूरीग मूक चेला हवे अरू हनाराः चिनहा इया ईंग इनिंग देहरे कटसियाराः जोरोडिंग गोः चुवेरगेता। हनालगा अपे तोनोंगीग नुँहू वरीते ईंग अहापे हलकइनगींग।

उदुःतो कताकून 13:16

हाँय जमा होड़कूराः खउना तिःईरे सहे समांगरे मेमेडटोंग चिनहा लगावगे लगाय रेनहातेडकुःआ। मरंग होड़कू अरू हुडिंग होड़कू, गिरहत होड़कू अरू गरीब होड़कू, सेवकियाकू अरू मालिकूतुकू, हँकू जमाकू हना चिनहा गोःगो पराःता।

उदुःतो कताकून 13:18

नाःआ सुदीगे लगा अपेके कनहूनदारकू बड़ाँः लगा इदा। अपे हना नमार चिला हवे माःआनपे ओंगोलगे। हना नमार मी होड़ होड़राः नमार हवे। अरू हाँयराः नमार 666 हवे।

उदुःतो कताकून 14:11

हँकूराः पीरा सेंगेलते होयाःता अरू हना सेंगेलराः सोकोल सगर दिन सोकोलगोड ञवनता। हाँयग जानर अरू आँयगराः मुरतीकू जाग, अरू अनँयग समांगरे सहे तिःईरे जानरराः चिनहाकू गोः, हँकुःआ होड़कू दिनरे सहे रइतरे हों ओरोकू लोड़ो अवेनेना।”

उदुःतो कताकून 14:9

हनते पेय नमारीग सेरमो देसरीग बराहील वेजेडखन मुरुक सटीतेय कतातेड, “तोनोंगीग होड़ हाँयग जानर अरू आँयगराः मुरतीय जाग, अरू अनँयग समांगरे सहे तिःईरे जानरराः चिनहाय गोः,

उदुःतो कताकून 15:2

हनते सेंगेल मेसातो काँचराः समुंदर इया तोनोंगाः ईंग ञेलतेरा। अरू हना समुंदर धरीरे मुरुक होड़कू चड़ाँयान। हँकू जानर एचेरेकू जितावनेना। हँकू हाँयग जानर अरू हाँयराः मुरती मेरकू जागगाड, अरू हँकू हाँयग जानरराः नमार हों मेरकू गोःगाड। अरू भगवान एमेवातेडकुःआ हना तंबुरराकूनकू साबकातेरा,

उदुःतो कताकून 17:5

अरू हाँयराः समांगरे नाःआ ओकोत इयाःआ ञाव ओजाःतो दोहोना, मरंग सहर बाबील, जमा चउंदीसरिकुःआ सनही अइमीकूरीग एंगात अरू जमा बरानाः एरंगवाताकू हना जिनिसकूनराः सूती।

उदुःतो कताकून 20:4

हनते ईंग गदीकूनिंग ञेलतेरा। अदोम होड़कू हना गदीकूनरेकू दुड़ुःकिया अरू हँकू फड़ियावगे लगा हातपातकू पवावकिया। ईसूराः सताय कता अरू भगवानराः सरवन उदुः अते पुजा ञेड एंडाकुःआ हँकुःआ होड़कूराः बिरुवा ईंग ञेलतेरा। हँकुःआ होड़कू जानर अरू हाँयराः मुरती मेरकू सेवागाड, अरू हाँयग जानरराः चिनहा अँकूराः समांगरे सहे तिःईरे मेरकू गोःगाड। हँकू जियाव रेमनेनखन मसी सुदा हजार बरिस वरीकू राइजगोड ञवना।

उदुःतो कताकून 22:4

हँकू भगवानराः मुरइतकू ञेलता अरू हाँयराः ञाव हँकूराः समांगरे ओजाःतो दोहोनता।

उदुःतो कताकून 3:12

जितावबाः जुवाः हाँयग होड़ ईंग भगवानराः ओड़ाःराः मीटोंग खुंटायिंग बड़ाँवगेयता, अरू हाँय हना ओड़ाः अड़ाःकेडखन कहियो ओरोय सेनेडा। ईंग ईंगरीग भगवानराः ञाव हाँय इंदरीरेयिंग ओजाःगेता। अरू हाँय इंदरीरे भगवानराः सहरराः ञाव होयिंग ओजाःगेता। हना सहरराः ञाव, नँवा एरुसलेम हवे अरू हन ईंगरीग भगवान अगीते सेरमो देस अते उतराव वेगता। अरू ईंगराः नँवा ञाव हाँय चोटरेयिंग ओजाःगेता।

उदुःतो कताकून 7:3

“अबूरीग भगवानरिकुःआ सेवकियाकूराः समांगरे मोहर अरीनबू लगावगे वरी, ओत अरू समुंदर अरू सींगकून अहापे लायगे।”