उदुःतो कताकून 13:10 - Korwa Bible

¹⁰ बिसवास बदीरे सींगगेय लगा इदानिया, हाँयग होड़ सिनिंगगुःता। अरू बिसवास बदीरे तलवइरते ञेड एंडागेय लगा इदानिया हाँयग होड़ तनलवइरतेय ञेड एंडनता। हनालगा नाःआ जमाकून होयाः हों भगवानरिकुःआ सुद होड़कू सहाव घड़ीन बिसवासगोड ञवन लगा इदा।”

उदुःतो कताकून 13:10 Σταυροειδείς Αναφορές

मती ओजाःतेरा भगवानराः नपाय सरवन 26:52

दो ईसू हाँय एचेरेय कतातेड, “तोनोंगीग एटाः होड़ एचेरे अनँयगराः तलवइरे सलाव, हाँय तनलवइरतेय लाय जुवाःता। हनालगा आमराः तलवइरमे दोहोयता हना थुइलारेम सोलोंगगोड।

मती ओजाःतेरा भगवानराः नपाय सरवन 7:2

एटाःकूपे फड़ियावता हनन इया, भगवान अपे होंय फड़ियावपेता अरू अपे सोंगगेता हनानाः तंबीते अपे लगा हों भगवान सोंगगेता।

लूका 21:19

कटसिया सहाव घड़ीन अपेराः जीवपे बनसाव दोहोगोडता।

कुलूसी 1:11

अपे भगवानराः अगामाः जंगरते, अपेराः जीव जमालेःआते बड़ियाड़कियानखन बहालगुः घड़ीन जमा बरानाः कटसियापे सहाव अवेय।

इबरानी 6:12

अरू सुखवार अलोपे होयाः, मनदो बिसवास अरू सहाव घड़ीन भगवानराः जबानरे इताडदारकू इदानकुःआ हँकुःआ होड़कू इया अपे होँपे एचेय।

उदुःतो कताकून 1:9

ईंग एहुना, ईसू मसी एचेरे बिसवासगे अते अपेरीग वगापे हवे। भगवान अबूरीग राजा हवे अरू अपे इया ईंग हों ईसू मसीराः राइज बदीरे संतावतो इदानिंगा अरू कटसियायिंग सहावतना। मड़ंगरे भगवानराः सरवनिंग परसारतेड अते अरू ईसू बदीरे ईंग चेडतेडकू अते हँकू ईंग पतमोस डुगुरेकू उडुंग एंडागोतेडिंग।

उदुःतो कताकून 11:18

जमा जइत होड़कू रीसयना अरू आम रीस भीकयानमे। दो गोएगतो होड़कू फड़ियाव लगा नुँहू बेला सोदोरयना, आमरिकुःआ सेवकियाकू अरू आमराः बड़रा कता होड़कू, अरू आमरिकुःआ सुद होड़कू, अरू आम सुदा अकूसकू मनाःता हँकुःआ मरंग अरू हुडिंग होड़कू, हँकू इमानमे एमेवा लगा हों बेला सोदोरयना, अरू चउंदीसकू लायतना, हँकुःआ होड़कूम लाय एंडाकूता।”

उदुःतो कताकून 14:12

नाःआते भगवानराः हुकुमकू मनाःता अरू ईसू मसी एचेरेकू बिसवासगोड ञवनता, हँकुःआ भगवानरिकुःआ सुद होड़कू सहाव घड़ीन दोहोन लगा इदा।

उदुःतो कताकून 16:6

मुदइ होड़कू आमराः बड़रा कता होड़कू अरू आमरिकुःआ सुद होड़कूराः बलंगीकू एचे तूतेरा, हनालगा आम, हँकूके पवाः लगा दोहोना हनन इया हँकू बलंगीम एचे ञूतेडकुःआ।”

उदुःतो कताकून 17:11

मड़ंगे दोहोना हाँयग जानर, अरू नुँहू गोएगतो इदानिया, हाँय जियाव रेमकियानखन आठ नमारीग राजाय बड़ाँःता। हनते हों हाँय सातगोटोंग राजाकू अते मी होड़े दोहोना अरू हाँय लाय एंडन लगा इदानिया।

उदुःतो कताकून 17:8

आम ञेलतिरिया हाँयग जानर, मड़ंगे दोहोना, अरू नुँहू गोएगतो इदानिया, अरू अनँयग एचे लाय एंडन लगा, पतालपूर अतेय उडुंग वेगता। चउंदीसराः बुँहड़ी अते, जीवराः कागदरे ञाव ओजाःतो कोवानेःआ, हँकुःआ होड़कू हाँयग जानर ञेलकेडखनकू बयाव जुवाःता। हाँयग जानर मड़ंगे दोहोना, अरू नुँहू गोएगतो इदानिया, अरू कुदा तयोमगुःताय। हनालगा हँकू हाँय ञेलकेडखनकू बयाव जुवाःता।

उदुःतो कताकून 2:19

“ईंग अपेराः बुता, बिसवास अरू सेवायिंग सुसुदीतना। अपे एटाःकू सुदा करा इया अलार-दुलाररे अरू सहाव घड़ीनपे दोहोनता, हना होयिंग सुसुदीतना। अरू नुँहू अपे मड़ंग अते, अरू बगरा नपाय बुतापे बुतातना।

उदुःतो कताकून 2:2

“अपेराः बुतायिंग सुसुदीता। अपे मिहनइत घड़ीनपे बुताता अरू सहाव घड़ीनपे दोहोनता। अपे बेनेलूर होड़कू मेरपे सहाव अवेकूता। अपे हँकुःआ होड़कू जासतेडकूखन सुदीगोतेडकुःआ, नँकू अडिग होड़कू इदानकुःआ, माःआन। हँकू सतायरे मूक चेलाकू ना लवे, मनदो हँकू अँननकू अँकू कतनता, अले ईसूरिकुःआ मूक चेलाकू हवे, माःआन।

उदुःतो कताकून 3:10

ईंग कतातेरा, अपे सहाव घड़ीन ईंग एचेरेपे बिसवासगोड ञवन अरू ईंगराः हना कता अपे मनावनेना। हनालगा जमा चउंदीसरिकुःआ होड़कू अंदजावकू लगा कटसिया होयाःतान मेला अपे हना अंदजावरेयिंग बनसाव दोहोपेता।

उदुःतो कताकून 3:3

दो अपे अयूमकेरा अरूपे चेडकिया हना कताकून उहियार घड़ीनपे मनाः अरू कसूर अते भगवान अगी जीवपे कुदा। अपे बेरेडतो मेरपे दोहोन दो ईंग इनिग होड़ इयायिंग सोदोर जुवाःता, अरू अपे कहियो ओरोपे सुदी अवेतेरा, ईंग तुमिस अपे एचेरेयिंग सोदोर जुवाःता।