उदुःतो कताकून 12:17 - Korwa Bible

¹⁷ हना अते लाल मरंग बींग हाँयग अइमी सुदा मुरुके रीस भीकयान, अरू हाँयग बींग भगवानराः हुकुमकू मनाःता हाँयग अइमीरिकुःआ एटाः लइंकू एचेरे, अरू ईसूराः सताय कताकू मनावगोड ञवनतना, हँकू एचेरे लड़ाइ लगा तोराया।

उदुःतो कताकून 12:17 Σταυροειδείς Αναφορές

मती ओजाःतेरा भगवानराः नपाय सरवन 28:20

ईंग अपेयिंग हुकुमवारा हना जमा कताकून मनाः लगा हँकूपे चेडकू। अयुमेपे, नाःआ जूग अरीन टुटीगगुः वरी, ईंग सगर सइट अपे सुदायिंग दोहोनता।”

एहुना 8:44

कलउ अपेरीग अपांग हवे अरू हाँयराः ओंगोल इया एचेय लगापे चहाःता। हाँय मनाड़ंग वरीते होड़कूय ञेड गोएगता अरू तोनोंग इयाःआ सताय हाँय एचेरे कोवानेःआ। हनालगा हाँय भगवानराः सताय सरवने हिनइस-बिनइसवाता। हाँय लबरा इदानिया अरू जमा बरानाः लबरा हनाँय अगीते उडुंगगुःता। हनालगा हाँय अनँयगराः लूर-नेवन इया लबरा बड़राय कतागोड ञवनता।

1 कुरिंती 2:1

ने अजी बोपोहकूतिंग, ईंग अपे एचेरे मड़ंगिंग सेनेड दो मरंग मरंग बुतुड़ुते भगवानराः ओकोत बुइद बदीरे मेरिंग कतागाड सहे मनुवाकूराः कनहून इया मेरिंग परसार उदुःगाड।

1 पतरस 5:8

अपेरीग मुदइ कलउ, नरराःता हाँयग कूल इया तोनोंगीग ऊड जोम लगाय लबड हड़ाःता। हनालगा अपेराः जीव ओंगोल समझाव घड़ीनपे दोहोगे अरू सवासितीपे दोहोन।

1 एहुना 2:3

अबू हाँयराः नियमकूनबू मनाःता दो अबू सनातायरेबू सुदी अवेयता अबू भगवानबू सुदीयतना, माःआन।

1 एहुना 5:10

भगवानरीग बेटात एचेरेय बिसवासगेतना हाँयग होड़ अनँयग जीवरेय सुनुदीयतना भगवानराः हिदइत सताय हवे माःआन। भगवानराः कता मेरेय मनाःता हाँयग होड़ ओंगलेता, भगवान लबरातना, माःआन अरू भगवान आँयग बेटात बदीरेय कताकेरा हना कता हँकू मेरकू बिसवासगेतना।

1 एहुना 5:2

अबू भगवानबू अलार-दुलारता अरू हाँयराः हुकुमकूनबू मनाःता दो अबू सुसुदीता अबू भगवानरिकुःआ लइंकू हों अलार-दुलारताबू।

उदुःतो कताकून 1:2

भगवानराः सरवन अरू ईसू मसी उदुःवातेरिंगा हना जमाकूनिंग ञेलतेरा अरू हना कताकूनराः हिदइतदार इदानिंगा।

उदुःतो कताकून 1:9

ईंग एहुना, ईसू मसी एचेरे बिसवासगे अते अपेरीग वगापे हवे। भगवान अबूरीग राजा हवे अरू अपे इया ईंग हों ईसू मसीराः राइज बदीरे संतावतो इदानिंगा अरू कटसियायिंग सहावतना। मड़ंगरे भगवानराः सरवनिंग परसारतेड अते अरू ईसू बदीरे ईंग चेडतेडकू अते हँकू ईंग पतमोस डुगुरेकू उडुंग एंडागोतेडिंग।

उदुःतो कताकून 11:7

हँकिनाः हिदइतदारकिन भगवानराः सरवनकिन परसार उरियाव जुवाः दो, पतालपूरते उडुंगगुःता हाँयग जानर हँकिन सुदा लड़ाइकियानखन हाँय जिताःता अरू हँकिने ञेड एंडाता।

उदुःतो कताकून 12:16

मनदो लाल मरंग बींग दाः नई इयाय पुरकावतेरा दो, ओत पड़ाःनेना अरू हना दाः ओर अंजेडगोतेड। नाःआ इया ओत हाँयग अइमी संघरावातेरा।

उदुःतो कताकून 13:7

भगवानरिकुःआ सुद होड़कू एचेरे लड़ाइ लगा अरू हँकू सुदा जीताः लगा हातपाते पवावनेना। जमा जइत होड़कू, अरू जमा गोतोररिकुःआ होड़कू, अरू जमा राइजरिकुःआ होड़कू अरू जमा भासीरिकुःआ होड़कू एचेरे हातपाते पवावनेना।

उदुःतो कताकून 14:12

नाःआते भगवानराः हुकुमकू मनाःता अरू ईसू मसी एचेरेकू बिसवासगोड ञवनता, हँकुःआ भगवानरिकुःआ सुद होड़कू सहाव घड़ीन दोहोन लगा इदा।

उदुःतो कताकून 17:14

हँकू भेड़ा होन सुदाकू लड़ाइता। मनदो हाँयग भेड़ा होन राजाकूरीग राजा अरू परबूकूरीग परबू हवे। हनालगा हाँय हँकूय हरुवावगोडकूता। हाँय सुदा इदानकुःआ हँकुःआ होड़कू हों हाँय सुदाकू जीताव जुवाःता। हँकू राःतो, अरू सुनावतो, अरू बिसवासगे इयाकुःआ हवे।”

उदुःतो कताकून 17:6

हाँयग अइमी, ईसूराः सताय कताकू कताया, हँकुःआ भगवानरिकुःआ सुद होड़कूय ञेड एंडातेरा अरू हँकूराः बलंगी ञूतेडखन बुनूलतोयिंग ञेलतिरिया। ईंग हाँयिंग ञेलतेड दो मुरुकिंग बयावयान।

उदुःतो कताकून 18:20

ने सेरमो देसरिकुःआ, अरू भगवानरिकुःआ सुद होड़कू, ईसूरिकुःआ मूक चेलाकू अरू भगवानराः बड़रा कता होड़कू, हाँय अपे सुदाय एचेतेरा, हनन इया भगवान हँकूय एमे बदलावारा। हनालगा अपे बनाहालतेपे दोहोन।”

उदुःतो कताकून 19:10

हनते ईंग हाँय जाग लगा हाँयराः काट कुटीरेयिंग तबेरनेना। मनदो हाँय ईंग एचेरेय कतातेड, “नाःआ इया अलोम एचेय। आम अरू एटाः बिसवासी होड़कू इया, ईंग हों ईसूरीग सेवकिया हवे। आम इया ईंग हों ईसूराः हिदइतिंग उदुःता। अरू भगवानराः बड़रा कता होड़कू हों ईसूराः हिदइतकू उदुःता। हनालगा भनगवानमे जाग।”

उदुःतो कताकून 19:19

हनते हाँयग जानर अरू चउंदीसरिकुःआ राजाकू अरू अँकूरिकुःआ सइनाकू मिनीरे जुमावतो ईंग ञेलतेडकुःआ। हँकू उजड़ घोड़ा चोटरे दुड़ुःतो होड़ अरू हाँयरिकुःआ सइनाकू सुदा लड़ाइ लगाकू जुमावनेना।

उदुःतो कताकून 20:4

हनते ईंग गदीकूनिंग ञेलतेरा। अदोम होड़कू हना गदीकूनरेकू दुड़ुःकिया अरू हँकू फड़ियावगे लगा हातपातकू पवावकिया। ईसूराः सताय कता अरू भगवानराः सरवन उदुः अते पुजा ञेड एंडाकुःआ हँकुःआ होड़कूराः बिरुवा ईंग ञेलतेरा। हँकुःआ होड़कू जानर अरू हाँयराः मुरती मेरकू सेवागाड, अरू हाँयग जानरराः चिनहा अँकूराः समांगरे सहे तिःईरे मेरकू गोःगाड। हँकू जियाव रेमनेनखन मसी सुदा हजार बरिस वरीकू राइजगोड ञवना।

उदुःतो कताकून 22:14

अँनकूराः सोनहेकू बुहाल अमिंगेता हँकुःआ होड़कूराः जीव भगवान नपायगेता। हँकू हना सहरराः हता दुवारतेकू बोलो अवेनता अरू हँकू जीव एमेता हना सींगराः जोःओ जोम लगाकू पवाःता।

उदुःतो कताकून 6:9

हनते भेड़ा होन पाँच नमारराः मोहरे उघाड़तेरा दो, भगवानराः सरवन लगा अरू हना सरवन होड़कू एचेरे कता उदुः अतेकू ञेड गोएगतेडकुःआ, हँकुःआ होड़कूराः हनसा ईंग धाम पेंदारेयिंग ञेलतेरा।