उदुःतो कताकून 12:1 - Korwa Bible

¹ हनते सेरमो देसरे मीटोंग मरंग चिनहायिंग ञेलतेरा। मी होड़ अइमी बेरे ओयोकातेरा। बांगो हाँयराः काट पेंदा दोहोना अरू हाँयराः बोःरे बारहगोटोंग इपीलकूते सिंगारतो पगरी दोहोना।

उदुःतो कताकून 12:1 Σταυροειδείς Αναφορές

मती ओजाःतेरा भगवानराः नपाय सरवन 12:38

हनते अदोम नियम चेडदार होड़कू अरू फरीसी होड़कू ईसू एचेरेकू कतातेड, “ने गुरुजी, आम अते मीटोंग चिनहा ञेल लगाले चहाःतना।”

मती ओजाःतेरा भगवानराः नपाय सरवन 24:30

हनते मनुवारीग बेटातराः चिनहा सेरमोरे होयाःता। अरू चउंदीसरिकुःआ जमा जइत होड़कू फिकीर घड़ीनकू इयामता। अरू हनमेला हँकू मनुवारीग बेटात मुरुक जंगर अरू विड़चेड़तो मरसल इया बदरीरे वेगतोकू ञेलेयता।

मरकूस 13:25

अरू सेरमो अते इपीलकू लुजुरुःता अरू सेरमोरे विड़चेड़ता हना जंगरकून डोलाव जुवाःता।

लूका 21:11

ओत मुरुक डोलाःता अरू एटाः एटाः ततेररे कतकाल अरू हइजाकून होयाःता। होड़कू मुरुक बोरो जुवाः इयाःआ कताकून अरू मरंग चिनहाकून सेरमोरेकू ञेलता।

लूका 21:25

“बेर, बांगो अरू इपीलकूरे तोनोंग तोनोंग चिनहाकून ञिलुःता। समुंदर अरू हनाराः हचकाः मुरुक गड़रा-गुड़रू इया विरीनता अरू नाःआ जमाते एटाः एटाः देसरिकुःआ होड़कू मुरुककू बोरता अरू हँकूराः जीव कटसिया जुवाःता।

एहुना 3:29

कनियानुनी बरवारीग हवे मनदो बरवारीग सउंगता सपड़ावकेडखन बरवाय तंगीता अरू हाँय बरवाराः अरो अयूमकेडखने बहाल जुवाःता। हनन इया नुँहू ईंग हों मुरुकिंग बहालयना।

मूक चेलाकू 2:19

ईंग सेरमोरे बयाव जुवाः इयाःआ चिहनाकूनिंग उदुःवाकूता अरू ओतरे चिनहाकूनिंग उदुःवाकूता, दो बलंगी, सेंगेल अरू मुरुक सोकोल होया जुवाःता।

रूमी 13:14

अपेराः इंदरी कसूर लूर-नेवन इया जियाः लगा चहाःता, मनदो अपे हनानाः ओंगोल इया अलोपे सलाः अरू नँवा सोनहेपे तुसिंगता हनन इया ईसू मसीपे तुसिंगका।

रूमी 3:22

अरू ईसू मसी एचेरेकू बिसवासगेता हँकुःआ जमा होड़कू भगवान बेगर पाचपटीते आँयगराः ओंगोल इया बेगर गारबार होड़कूय बड़ाँवकूता।

2 कुरिंती 11:2

भगवान अपे बदीरेय ओंगलेता हनन इया ईंग अपे बदीरेयिंग ओंगलेतना। ईंग अपे मिनीटोंग मरद, मसी सुदायिंग मंगा-बरागोतेडपेःआ, जेमहा अपे सुद डिंडा धंगड़ी इया मसी एचेरेयिंग जिमा अवेपे।

गलातिया 3:27

अरू अपे बतिसमाते ईसू मसी सुदापे मिनीयना अरू नँवा सोनहेपे तुसिंगतान इया अपेराः लूर-नेवन ईसू मसीराः इया होयायना।

गलातिया 4:26

मनदो सेरमो देसराः एरुसलेमते अउल-तउलतो इदानिया हाँयग साराह अजइत इदानिया अरू हाँय अबूरीग एंगाबू हवे।

गलातिया 6:14

मनदो ईंग तोनोंग इयायिंग भल-भलायगुः दो, ईसू मसीराः कुनुरूस बदीरे एकलायिंग भल-भलायगुःता। ईसू मसी कुरूसरेय गोएगनेना, हनालगा ईंग चउंदीसराः ओंगोलकून लगा गोएगतो इदानिंगा अरू चउंदीसराः ओंगोलकून ईंग जीवरे गोएगतो इदा।

इपीसी 5:32

नाःआ कता बुझाः लगा रिता कोवानेःआ। मनदो ईंग नाःआरे मसी अरू कलसियाराः बदीरेयिंग अउल-तउलगेतना।

उदुःतो कताकून 1:20

आम ईंगराः खउना तिःईरे सातगोटोंग इपीलकू अरू सोनाराः सातगोटोंग ढिबरीकूनमे ञेलतेरा। हँकुःआ सातगोटोंग इपीलकू सातगोटोंग कलसियारिकुःआ बराहीलकू हवे अरू सातगोटोंग ढिबरीकून सातगोटोंग कलसियाकून हवे।”

उदुःतो कताकून 11:19

हनते सेरमो देसरे इदा हना भगवानराः ओड़ाःकू गीगतेरा। अरू हना ओड़ाः पेंदारे भगवानराः कता-जमकावतोराः बकसा ञिलुःआ। हनमेला ठेड़ररे विड़चेड़ा अरू बदरी हदूड़ा अरू ओत डोलाःआ अरू मरंग मरंग अरील लोजोरनेना।

उदुःतो कताकून 12:3

हना तयोमरे सेरमो देसरे अरू मीटोंग चिनहायिंग ञेलतेरा। मीटोंग लाल मरंग बींग दोहोना। हाँयराः सातगोटोंग बोः अरू दसगोटोंग देरेंग दोहोना। हाँयराः सातगोटोंग बोःरे मेमेडटोंग मेमेडटोंग राजाराः पगरी दोहोना।

उदुःतो कताकून 15:1

हनते सेरमो देसरे मीटोंग मरंग अरू बयाव जुवाः इया चिनहायिंग ञेलतेरा। हंडा सातगोटोंग बराहीलकू दोहोना अरू हँकू एचेरे सातगोटोंग हइजा दोहोना। नाःआ टुटीग हइजाते भगवानराः रीस चबायान।

उदुःतो कताकून 21:14

हना सहरराः हता बारहगोटोंग नेवरे तुलात दोहोना। अरू हना मेमेडटोंग नेवरे हाँयग भेड़ा होनरिकुःआ बारहगोटोंग मूक चेलाकूराः ञाव ओजाःतो दोहोना।

उदुःतो कताकून 21:23

भनगवान विड़चेड़तना हनालगा बेर अरू बांगोते हना सहर मरसलगे लगा कोवानेःआ। अरू नाःआ सहरराः ढिबरी, भेड़ा होन दोहोना।