उदुःतो कताकून 11:3 - Korwa Bible3 अरू ईंगरिकिनाः बार होड़ हिदइतदारकिन हातपातिंग ओवाकिनता। हँकिन बोराराः सोनहे तुसिंगकेडखन 1,260 दिन वरी भगवानराः बड़राकिन कतागोड ञवनता।” Δείτε το κεφάλαιο |
उदुःतो कताकून 11:3
43 Σταυροειδείς Αναφορές
ईसू अरूय कताया, “ने, कोरेसीन सहररिकुःआ होड़कू, अरू ने बेतसइदा सहररिकुःआ होड़कू, अपे दोपे ठीकयना, अपेराः जीव नपाय ओरो दोहोनेना। अपे तलारे भगवान बुतातेरा हना जंगरराः बुता, सूर अरू सइदा सहररिकुःआ होड़कू तलारे होयाःकुः दो हँकू ओहेन बोराराः सोनहेकू तुसिंगकेःआ अरू ओबरे दुड़ुःवाडखन कसूर अते जीवकू कुदाकेःआ।
अरू भगवान कलसियारे एटाः एटाः इयाकुःआ होड़कूय सुनाव दोहोकेडकुःआ। मड़ंगरे ईसूरिकुःआ मूक चेलाकू, अरू भगवानराः बड़रा कता होड़कू, अरू चेडदार होड़कूय सुनाव दोहोकेरा। अरू हाँय अरू एटाः होड़कूय सुनाव दोहोकेरा। हँकू बयाव जुवाः इयाःआ बुता एचे लगा, अरू बेमरियाकू नपायकू लगा, अरू संघरावाकू लगा, अरू अगुवाइवाकू लगा, अरू अनबुझ भासी बड़रा होड़कू होयाः लगाय सुनाव दोहोकेडकुःआ।
दो मसी, कलसियारिकुःआ होड़कू सेवा लगाय एमेकेरा हना दहिनकून नाःआ इया इदा। तोनोंग तोनोंग होड़कू ईसूरिकुःआ मूक चेलाकू होयाः लगा, तोनोंग तोनोंग होड़कू भगवानराः बड़रा कता होड़कू होयाः लगा, तोनोंग तोनोंग होड़कू नपाय सरवन परसार उदुः होड़कू होयाः लगा, तोनोंग तोनोंग होड़कू कलसियारिकुःआ अगुवा होड़कू बड़ाँः लगा अरू तोनोंग तोनोंग होड़कू चेडदार होड़कू होयाः लगाय जिमाकेडकुःआ।
अरू ईसू मसी हों अपे मयावाडपेखन सलसत एमेवापे लगायिंग अरजीतना। हाँय बिसवासगेयीग दोहोकियानखन होड़कू एचेरे सताय भगवाने उदुःवातेडकुःआ। हाँय गोएगनेनखन जियाव रेमतो होड़कू अते मड़ंगीगे दोहोना अरू चउंदीसरिकुःआ जमा राजाकूरीग मनारंग राजा हवे। ईसू अबूय दुलारकेडबुःआ अरू कुरूसरे अनँयग बलंगीय तूतेड अते हाँय अबू कसूरराः बोझातेय अजइतकेडबुःआ।
हनते ईंग गदीकूनिंग ञेलतेरा। अदोम होड़कू हना गदीकूनरेकू दुड़ुःकिया अरू हँकू फड़ियावगे लगा हातपातकू पवावकिया। ईसूराः सताय कता अरू भगवानराः सरवन उदुः अते पुजा ञेड एंडाकुःआ हँकुःआ होड़कूराः बिरुवा ईंग ञेलतेरा। हँकुःआ होड़कू जानर अरू हाँयराः मुरती मेरकू सेवागाड, अरू हाँयग जानरराः चिनहा अँकूराः समांगरे सहे तिःईरे मेरकू गोःगाड। हँकू जियाव रेमनेनखन मसी सुदा हजार बरिस वरीकू राइजगोड ञवना।
Διαφημίσεις