उदुःतो कताकून 11:19 - Korwa Bible

¹⁹ हनते सेरमो देसरे इदा हना भगवानराः ओड़ाःकू गीगतेरा। अरू हना ओड़ाः पेंदारे भगवानराः कता-जमकावतोराः बकसा ञिलुःआ। हनमेला ठेड़ररे विड़चेड़ा अरू बदरी हदूड़ा अरू ओत डोलाःआ अरू मरंग मरंग अरील लोजोरनेना।

उदुःतो कताकून 11:19 Σταυροειδείς Αναφορές

उदुःतो कताकून 11:13

हननमेला ओत मुरुक डोलावनेना अरू हना मरंग सहरराः दस बंटा अते मी बंटा वाः बोलोयान। अरू हना बिपइतरे सात हजार होड़कू गोएगयान। बनसावनेना हँकुःआ होड़कू बोरोयान अरू सेरमो देसरीग भगवानकू जागतेरा।

उदुःतो कताकून 11:15

हनते सात नमाररीग सेरमो देसरीग बराहील मरंग सोहनाईए ओंगतेड दो, सेरमो देसरे मुरुक सटी अरो अयमुःआ। हँकू कतातेरा, “चउंदीसराः राइजकून अबूरीग परबू भगवानराः अरू आँयगरीग मसीराः होयाकिया। अरू हाँय सगर जूग वरीय राइजगोड ञवनता।”

उदुःतो कताकून 12:1

हनते सेरमो देसरे मीटोंग मरंग चिनहायिंग ञेलतेरा। मी होड़ अइमी बेरे ओयोकातेरा। बांगो हाँयराः काट पेंदा दोहोना अरू हाँयराः बोःरे बारहगोटोंग इपीलकूते सिंगारतो पगरी दोहोना।

उदुःतो कताकून 16:1

हनते ईंग भगवानराः ओड़ाः अते सातगोटोंग सेरमो देसरिकुःआ बराहीलकू एचेरे तोनोंगीग कतातिंग अयूमतेरा, “दूपे, अरू भगवानराः रीसराः सातगोटोंग डुभाकून ओतरेपे दूलगोड।”

उदुःतो कताकून 16:18

अरू हनमेला ठेड़ररे विड़चेड़ा अरू बदरी हदूड़ा अरू ओत डोलाःआ। भगवान मनुवाकूय तुलातेरा हना वरीते नाःआ इयाःआ मरंग ओत डोलाः कहियो मेर होयागान।

उदुःतो कताकून 16:21

अरू मरंग मरंग अरील होड़कू सेरमो लोजोरनेना। हना अरील मेमेडटोंग पचास पचास किलो दोहोना। हना अरील मुरुक घान लुजरुःआ, हनालगा होड़कू भगवान मुरुककू सती-सरापगेया।

उदुःतो कताकून 19:11

हनते ईंग सेरमो देस गीगतोयिंग ञेलतेरा अरू हंडा मीटोंग उजड़ घोड़ा दोहोना। हाँयग घोड़ा चोटरे मी होड़ दुड़ुःतोय दोहोना। हाँयराः ञाव बिसवासगेयीग अरू सताय हवे माःआनकू कतावायता। हाँय सतायते फड़ियाव घड़ीने लड़ाइता।

उदुःतो कताकून 4:1

हना तयोमरे ईंग ञेलतेरा दो सेरमो देसराः मीटोंग दुवार गीगतो दोहोना। अरू मरंग सोहनाईराः अरो इया अरो मड़ंगरेयिंग अयूमतेरा, हनाराः अरो अरूयिंग अयूमकेरा। हाँय कतातेरा, “दबूमे सेरमो, अरू नाःआते तयोमते होनोयाः लगा इदा, हना कताकून जमायिंग उदुःवामता।”

उदुःतो कताकून 4:5

हना गदी अते बदरी विड़चेड़नेना अरू ठेड़ररेनेना, अरू हना गदी मड़ंगरे सातगोटोंग ढिबरीकून सलगावनेना। हना ढिबरीकून भगवानराः सातगोटोंग बिरुवा हवे।

उदुःतो कताकून 7:15

हनालगा, “नँकू भगवानराः गदी मड़ंगरे इदानकुःआ, अरू हाँयराः ओड़ाःरे दिन रइत हाँयकू सेवाता, अरू गदीरे दुड़ुःतो इदानिया हाँय, हँकूय संभाड़ता

उदुःतो कताकून 8:5

हनते हाँयग बराहील सकलाकू दोहोता हना सोनाराः डुबहा गोःतेडखन हना धामराः सेंगेले रेमतेरा अरू चउंदीसरेय गिरहागोतेड। हनमेला ठेड़ररे विड़चेड़नेना अरू बदरी हदूड़नेना अरू ओत डोलाःआ।

उदुःतो कताकून 8:7

मड़ंगीग बराहील अनँयग सोहनाईए ओंगतेरा दो, बलंगीते मेसात अरील अरू सेंगेल, दाः झड़ियाव उयुःता इया ओतरे लोजोरनेना। हनमेला ओत अरू सींग दूबकून अरू जमा हड़ियड़ बीरकून पेय बंटारे मेमेड बंटा लो एंडायान।