उदुःतो कताकून 10:5 - Korwa Bible

⁵ ईंग समुंदररे अरू ओतरे चड़ाँ रोपावतोयिंग ञेलतिरिया हाँयग बराहील, आँयगराः खउना तिःई सेरमो होरे रेमतेरा।

उदुःतो कताकून 10:5 Σταυροειδείς Αναφορές

मूक चेलाकू 14:15

“ने अजी बोपोहकूतालिंग, अपे चिला लगा नाःआ इयापे एचेयतना? अपे इया अलिंग हों मनुवाकिन हवे। नाःआ इया बेलूर बेलूर कताकून अते अपेराः जीव, सेरमो, ओत, समुंदर अरू जे हों सकालाः हनारे इदा हना जमाकूने तुलाकेरा हाँयग भगवान अगीपे कुदान लगा नपाय सरवनलिंग कता उदुःवापेतना।

मूक चेलाकू 17:23

ईंग नाःआ सहररेयिंग दँड़ा मेला अपेराः मुरतीकून तिंगीड घड़ीनिंग ञेलतेरा। हनमेला ईंग मीटोंग धामिंग ञेलतेरा अरू हना चोटरे नाःआ इया ओजाःतो इदा; होड़कू मेरकू सुदीयता हाँयग भगवान लगा। अपे बेगर सुदीतेपे जागगेयतना हनाँयग भगवानिंग परसार उदुःतना।

रूमी 1:20

भगवानराः लूर तोनोंगीग कहियो मेरकू ञेलगडा। मनदो भगवान चउंदीसे तुलाकेरा हना वरीते होड़कू हाँय तुलाकेरा हना जमाकूनकू ञेञेलतना। नाःआ ञेलकेडखन होड़कू सुदी अवेयता भगवानराः जंगर कहियो ओरो ओहरावनेना। हनालगा तोनोंगीग ओरोकू कता अवेतेरा, भगवान ईंग मेरिंग सुदीयतना, माःआन।

इबरानी 6:13

भगवान इबराहीम एचेरेय जबानगेःआ हनमेला किरियाय जोमतेरा। मनदो हाँय किरियाय जोम मेला, आँयग अते मरंग तोनोंगीग मेरकू दोहोगान। हनालगा हाँय अनँयग आँयग अते किरिया जोमकेडखने कतातेरा,

उदुःतो कताकून 1:18

ईंग गोएगनेना, मनदो अयुमेमे सनागर सइट जिनियतिंग दोहोनता। अरू गुजुः अरू पतालपूरराः चभी इनिंग एचेरे इदा।”

उदुःतो कताकून 10:2

हाँयराः तिःईरे मीटोंग हुडिंगाः कोंडोड़तो कागद लड़ात दोहोना। हाँय आँयगराः खउना काट समुंदररे अरू डिरहिया काट ओतरेय चोड रोपावतेरा।

उदुःतो कताकून 14:7

हाँय मुरुक सटीतेय कतातेरा, “भगवान जमाकू फड़ियावकू लगा बेला सोदोरयना। हनालगा अपे बोर घड़ीन हाँयपे मान मरजइत। सेरमो अरू ओत अरू समुंदर अरू दाः सूतीकूने तुलाकेरा, हाँयग भगवानपे जाग।”

उदुःतो कताकून 16:17

सात नमारीग सेरमो देसरीग बराहील अनँयगराः डुभा होयरेय दूलगोतेड। दो भगवानराः ओड़ाःराः गदी अते मीटोंग मुरुक सटी अरोयिंग अयूमतेरा, “होनोयायना!”

उदुःतो कताकून 4:11

“ने अलेरीग परबू अरू भगवान, आम अनमराः ओंगोल इया जमा जिनिसकूनमे तुलाकेरा। अरू आम ओंगोल इया हना जमा नुँहू इदा, हान अनम हमा जमालेःआम तुलाकेरा। हनालगा आम जागगे इया अरू मान मरजइतगे इया अरू जंगरदार इदानमेःआ।”

उदुःतो कताकून 4:9

तलाराः गदीरेय दुड़ुःकिया हाँय सगर सइट लगा जिनियते दोहोनता। दो हँकू जीव-जंतूकू हाँयकू जागता, अरूकू मान मरजइतगेयता अरूकू धनियाबादगेयता,