उदुःतो कताकून 1:8 - Korwa Bible

⁸ जूग परियातेय दोहोना, अरू नुँहू इदानिया, अरूय कुदा वेगता, हाँयग अगम जंगरदार परबू भगवान ननाःय कतायतना, “ईंग अलपा अरू ओमेगा हवे।”

उदुःतो कताकून 1:8 Σταυροειδείς Αναφορές

2 कुरिंती 6:18

अरू, “ईंग अपेरीग अपांगिंग होयाःता, अरू अपे ईंगरिकुःआ बेटा बिटीकूपे होयाःता।” नाःआ अगम जंगरदार परबू भगवानराः सरवन हवे।

उदुःतो कताकून 1:11

“आम ञेलता हना मीटोंग कागदरेम ओजाःगे अरू सातगोटोंग कलसियारिकुःआ होड़कू एचेरेम इदीगोड। इपीसी सहर, इसमुरना सहर, पिरगामून सहर, थायतिरा सहर, सरदीस सहर, पिलादिलपिया सहर अरू लउदिकिया सहररे इदानकुःआ हँकुःआ कलसियारिकुःआ होड़कू एचेरे नाःआ सरवनमे इदीगोड।”

उदुःतो कताकून 1:17

ईंग हाँयिंग ञेलतेड दो, हाँय काट कुटीरे गोएगतो इयायिंग लेबदायान। मनदो हाँय आँयगराः खउना तिःई ईंग बोःरेय खेपातेडखने कतातेरा, “अलोम बोर। मनाड़ंगते इदानिंगा अरू टुटीग वरीयिंग दोनोहोनता। ईंग जिनियत इदानिंगा।

उदुःतो कताकून 1:4

ईंग एहुना, आसिया राइजराः सातगोटोंग कलसियारिकुःआ होड़कू लगायिंग ओजाःगेतना। जूग परियातेय दोहोना, अरू नुँहू इदानिया अरू अरूय कुदा वेगता हाँयग भगवान अपे मयावाडपेखन सलसत एमेवापे लगायिंग अरजीतना। अरू भगवानराः गदी मड़ंगरे इदा हना सातगोटोंग बिरुवा,

उदुःतो कताकून 11:17

हँकू कतातेरा, “ने अगम जंगरदार परबू भगवान, आम दोहोना अरू नुँहू इदानमेःआ। आम आमराः अगामाः जंगरते राइजगे लगाम बुँहड़ीकेरा, हनालगा अले आमले धनियाबादतना।

उदुःतो कताकून 15:3

अरू भगवानरीग सेवकिया मोसेसराः सेरेंग अरू भेड़ा होनराः सेरेंगकू सेरेंगा, “ने अगम जंगरदार परबू भगवान, आमराः बुता मरंग अरू बयाव जुवाः इया इदा। ने जूग परिया वरीयीग राजा, आमराः दूर नपाय अरू सताय हवे।

उदुःतो कताकून 16:14

नँकुःआ पेनेय भूतकू एचेरे बयाव जुवाः इयाःआ चिनहाकून उदुः लगा जंगर दोहोना। हँकू चउंदीसरिकुःआ जमा राजाकू एचेरे सेनेकियानखन अगम जंगरदार भगवानराः मरंग दिनरे हाँय सुदा लड़ाइ लगाकू एचे जुमावकुःआ।

उदुःतो कताकून 16:7

हनते ईंग धाम अगीते मीटोंग अरोयिंग अयूमतेरा, “हाव, ने अगम जंगरदार परबू भाबी भगवान, आमराः फनड़ियाव जनामा सताय अरू नपाय इदा।”

उदुःतो कताकून 19:15

राइज राइजरिकुःआ होड़कू ञेड लगा हाँयराः आहते मीटोंग लसेर तलवइर उडुंगगुःतना। हाँय लोहाराः बोंग साबकेडखन हँकू एचेरेय राइजगेता। हाँय अंगूरराः रस उडुंग लगा डोडहारे अनँयग आँयग धड़ियावगेता। हना डोडहा अगम जंगरदार भगवानराः रंजावतो रीस उदुःता।

उदुःतो कताकून 19:6

हनते ईंग मुरुक बगरा होड़कूराः अरोयिंग अयूमतेरा। हना अरो दाः हचकाःता इया अरू बदरीराः मुरुक सटी हदूड़ इया दोहोना। हँकू सेरेंगा, “हालेलुयाह, अबूरीग परबू भगवान अगम जंगरदार इदानिया, अरू हाँय राइजगेतना।

उदुःतो कताकून 2:8

इसमुरना सहरराः कलसियारीग बराहील लगा नाःआ चिठीम ओजाः मनाड़ंगते इदानिया अरू टुटीग वरीय दोनोहोनता, अरू गोएगनेनखन जियाव रेमतो इदानीग नाःआ इयाय कतायता,

उदुःतो कताकून 21:22

अगम जंगरदार परबू भगवान अरू भेड़ा होन हंडा दोहोना। हनालगा हना सहररे जाग ओड़ाःराः जरूरइत मेर दोहोगान।

उदुःतो कताकून 21:6

हनते हाँय ईंग एचेरेय कतातेरा, “नाःआ कता पुरावयना। ईंग अलपा अरू ओमेगा हवे। जमाकून ईंग अते रेःएनता अरू लुलिग जुवाःता। ईंग जमा ततंगतो होड़कू जीवराः दाः सूती अते, ञूय लगा बेगर दामतेयिंग एमेवाकूता।

उदुःतो कताकून 22:13

ईंग अलपा अरू ओमेगा, ईंग अते जमाकून रेःएनता अरू इनिंग अते जमाकून लुलिग जुवाःता, ईंग मड़ंगीग अरू टुटीगीग हवे।

उदुःतो कताकून 4:8

चइरो जीव-जंतूकूराः छो छोगोटोंग पंकी दोहोना, अरू हँकूराः जमा देह दगलीरे, भितरी अरू बहरी, मेनेड मेड दोहोना। हँकू बेगर लोड़ोनते दिन रइत कता ञवना, “सुद इदानिया, सुद इदानिया, परबू भगवान सुद इदानिया, अगम जंगरदार भाबी भगवान, हाँय दोहोना, अरू नुँहू इदानिया, अरू कुदा वेग लगा इदानिया।”