पिलिपी 4:19 - Korwa Bible

¹⁹ ईसू मसी अबू लगाय एचेकेरा हना अते भगवान अपेराः जनामालेःआ हुडिंग बगरा, अनँयगराः आन-धान अतेय एमे पुरावगोडता।

पिलिपी 4:19 Σταυροειδείς Αναφορές

मती ओजाःतेरा भगवानराः नपाय सरवन 6:32

मनदो भगवान मेरकू सुदीयता, हँकुःआ होड़कू नाःआ इयाःआ कताकूनकू ञामता अरू अपेरीग सेरमो देसरीग अपांग भगवान सुदीयतना अपेके नाःआ जमाकूनराः जरूरी इदा, माःआन।

एहुना 20:17

हनते ईसू कतातेड, “ईंग अपांग भगवान एचेरे अरीनिंग सेना। हनालगा आम ईंग अहम साब रहावकायिंग। मनदो आम ईंगरिकुःआ वपक बोपोहकूतिंग एचेरे सेनेकियानखन हँकू एचेरेम कता उदुःगोड, ईंगरीग अरू अपेरीग अपांग अरू ईंगरीग अरू अपेरीग भगवान एचेरे सेरमोयिंग सलाःतना, माःआन।”

एहुना 20:27

हनते हाँय तोमा एचेरेय कतातेरा, “आमराः अंगरी ईंग तिःईरे सोलोंग सोयमे अरू आमराः तिःई ईंग पंजररेम सोलोंगगे। आम बार जीव ओंगोल होड़ अहम होयाः अरू ईंग एचेरेम बिसवासगे।”

रूमी 1:8

अपेराः बिसवास बदीरे, चउंदीसरिकुःआ मुरुक होड़कू नपायकू कतायतना। हनालगा ईंग ईसू मसीते, मड़ंगरे अपे लगा अबूरीग भगवानिंग धनियाबादगेयतना।

रूमी 11:33

अजंग, भगवानराः कनहून अरू मया तुमिन अगम इदा! हाँयराः ओंगोल अरू बुइद तोनोंगीग मेरबू सुदी अवेयता।

रूमी 2:4

भगवान आम सहाव घड़ीने मयावामतना दो हना आम हुनुडिंगमे ओंगलेतना जा? भगवान ईंग मयावाडखन ईंगराः कसूर अते जीव कुदागे लगा दोंगे ओवायिंगतना, माःआन आम मेरेम बुझाःता जा?

रूमी 8:18

ईंग सुदीबाःगोतेडिंग, अबू तयोमरे भगवान एचेरेबू पवाःता हना मान मरजइत अते नुँहूबू सहाव पारता हना कटसिया तोहोड घाव मिन हों कोवानेःआ।

रूमी 9:23

जेमहा हाँय मान मरजइतकू लगा मनाड़ंगतेय सपड़ाव दोहोतेडकुःआ हँकुःआ होड़कू हाँय तुमिन मरंग इदानिया, हनाय एचे सुदी अवेकू।

2 कुरिंती 12:21

ईंग बोरतना, अपे एचेरे अरूयिंग सेन दो होयाःकून करे अपे मड़ंगरे भगवान ईंगे एचे गियूगोडिंग। अपे अते मुरुक होड़कू मड़ंगरेकू एचेया हना सनहा-सनही, लमचोर-लिमचोर अरू बेलूर बुताकून अड़ाःकेडखन भगवान अगी जीव मेरकू कुदागरा। अरू हँकुःआ होड़कू हनानाः बुताकून एचे घड़ीनकू जियाःतना। दो ईंग हँकुःआ होड़कू लगा मुरुक फिकिराः पराःता करे?

2 कुरिंती 4:17

अलेराः निःई मिनाः गुनुनहोन कटसिया अते अले ओरोले अउल-तउल अवेतेरा हना इयाःआ मान मरजइत सगर सइट लगाले पवाव जुवाःता।

इपीसी 1:18

नाःआते भगवान चिला असराय एमेवापे लगाय राःकेडपेःआ हना नपायतेपे सुदी अवेय अरू भगवानके आँयगरिकुःआ सुद होड़कू एचेरे तुमिनाः मरंग इताड इदा, हना होँपे सुदी अवेय।

इपीसी 1:7

भगवानराः अगम मयाते ईसू मसीराः बलंगीते अबू अजइतयना अरू अबूराः कसूरे बराव एंडाकेरा।

इपीसी 2:7

जेमहा दरवाःआ हना जूगरिकुःआ होड़कू एचेरे, ईसू मसीते अबू लगा इदा अरू ओरोबू अउल-तउल अवेतेरा भगवानराः हना अलबइद मया बदीरेय एचे उदुःवाकू।

इपीसी 3:16

भगवान एचेरे अगम नपाय मरंग धन इदा। अरू हाँय हना धन अते सुद बिरुवाते अपेराः इंदरीरे अनँयगराः जंगर एमेकेडखन अपेराः जीवे बनड़ियाड़ ञवन लगायिंग अरजीतना।

इपीसी 3:8

भगवानरिकुःआ जमा सुद होड़कू अते ईंग हुडिंगीग हवे। हनते हों बेगर एहूदाकू एचेरे मसीराः अगामाः आन-धान बदीरे कता उदुःगे लगा भगवान ईंगे मयावारा।

पिलिपी 4:7

हनन इयापे एचेय दो ईसू मसी सुदा मिनीयान अते भगवान अपेराः जीव अरू ओंगोल सलसतरेय दोनोहोगोडता। अबू मनुवाकू नाःआ सलसत, कहियो ओरोबू सुदी तजाः अवेतेरा।

कुलूसी 1:27

अरू बेगर एहूदाकू एचेरे हों भगवानराः अगम नपाय बुइद, उदुःवाकू लगा भगवान ओंगोल दोहोतेरा। हना बुइद नाःआ हवे; मसी अबू जीवरेय दोहोनता अरू हनाते ओरो टुटीगनेना हना जीवराः असराबू पनावावकिया।

कुलूसी 3:16

मसीराः सरवन अपेराः जीवरे नपायतेपे दोहोगे। अरू जमालेःआ कनहूनते अँननपे अपे सेताव होड़ेंग घड़ीनपे चेड होड़ेंग। अरू अँननपेराः इंदरीरे भगवान धनियाबाद घड़ीन जाग सेरेंगकून, लंबी लंबी मसी सेरेंगकून, अरू सुद बिरुवा अगुवाइवापेता हना सेरेंगकूनपे सेरेंगगोड ञवन।

1 तिसलूनिका 2:12

जेमहा आँयगरिकुःआ होड़कू सुदा दोहोन लगा अरू आँयग सुदा मान मरजइतते राइजगे लगाय राःपेतना हाँयग भगवानराः ओंगोल इया अपेराः लूर नेवन होया जुवाः।

1 तिमुतियूस 6:17

नाःआ चउंदीसरिकुःआ गिरहत होड़कू एचेरे नाःआ कताम हुकुमवाकू, अहापे बड़वार अरू चबा जुवाःता हना ढिबुवारे अहापे असरा। मनदो अबू बहालरे दोहोन लगा जमा जिनिसकून मिनी जीवकेडखने एमेवाबूता हाँयग भगवान एचेरेपे असरा।

पिलेमोन 1:4

ने पिलेमोन, ईंग अरजीतान मेला आमिंग उहियार घड़ीन आम लगा जमा बेला ईंगरीग भगवानिंग धनियाबादता।

1 पतरस 5:1

ईंग कलसियारीग मी होड़ अगुवा होड़ इदानिंगा अरू ईसू मसीराः कटसिया इनिंग ईंग ञेलतेरा। अरू दरवाःआ हना दिनरे भगवान जमाकू मड़ंगरेय एचे ञेलेयता हना मान मरजइत हाँय सुदा ईंग होयिंग पवाःता। दो ईंग कलसियारिकुःआ अगुवा होड़कू समझाव घड़ीनिंग कतावाकूतना,

1 पतरस 5:10

अपे तोनोंग बेला वरी कटसियापे सहाव दो, मुरुक मयादार इदानिया हाँयग भगवान, अपेराः जीव जमालेःआतेय नपायगोडता। नाःआते अपेराः जीवरे तोनोंग इयाःआ गारबार ओरो दोहोनेना अरू अपेराः जीव बड़ियाड़कियानखन तोनोंगाः हुडिंग बगरा ओरो होयानेना। हनाँयग भगवान अपे ईसू मसीते कहियो ओरो टुटीगनेना हना मान मरजइतपे पवाः लगाय राःकेडपेःआ।