पिलिपी 3:5 - Korwa Bible

⁵ नाःआ कता अयुमेपे, ईंग जनमावनेनते आठ दिनरे ईंगराः खतना होयानेना, अरू ईंग इसराएलरीग नइड़-बाँस होड़ हवे, अरू बिनियामीन गोतोर अतेयिंग जनमावकिया, अरू ईंग सताय एहूदा होड़ हवे, अरू एहूदाकूराः नियमकून नपायतेकू मनाःता हँकुःआ फरीसी गउदारीग होड़ हवे,

पिलिपी 3:5 Σταυροειδείς Αναφορές

लूका 1:59

आठ दिनरे एहूदाकूराः रिवाज इया लँइगराः खतनारे जमाकू वेगनेना। दो हँकुःआ होड़कू हाँयग लँइगराः ञाव अपात जकरियाराः ञाव इया ञावगेय लगाकू ओंगलेःआ।

लूका 2:21

मरियम भरी-पावगुः अते मड़ंग, सेरमो देसरीग बराहील लँइगराः ञाव ईसू माःआन साब लगाय कतातेरा। दो हाँयग लँइग आठ दिनरे एहूदाकूराः रिती-बिधी इयाकू खतनातिरिया। दो हाँयराः ञाव, ईसू माःआनकू साबतेरा।

लूका 5:38

हनालगा नँवा रस नँवा बगलीरे सोसोलोंग इदा।

मूक चेलाकू 22:3

हनते पउलूस कताया, “ईंग किलिकिया देसराः तरसूस सहररीग एहूदा होड़ हवे। मनदो ईंगराः पला दरी ननानाः सहररे होयानेना। अबू खुटिपरिया होड़कूराः नियम बदीरे ईंग गमालिएल एचेरेयिंग चिडुःआ। अपे भगवान जमालेःआ मान मरजइतगेय लगा सपड़ावतो इदानपेःआ, हना इया ईंग होयिंग दोहोना।

मूक चेलाकू 23:6

दो पउलूस सुदीगोतेड हँकुःआ होड़कू अते अदोम होड़कू सदूकी होड़कू अरू अदोम होड़कू फरीसी होड़कू हवे माःआन अरू हाँय हुमइसके कताया, “ईंग वपक बोपोहकूतिंग, ईंग इनिंग फरीसी होड़ इदानिंगा, अरू मी होड़ फरीसी होड़रीग बेटात हवे। ईंग असरागेतना गोएग गुराः तयोमरे होड़कू जियाव रिमुःता अरू हना असरा बदीरे फड़ियाव लगा नंडा ईंगकू एचे चड़ाँतिरिंगा।”

मूक चेलाकू 6:1

दो हनानाः दिनरे बिसवासी होड़कू मुरुककू बगरागोड ञवना। दो उनानी भासीकू बड़राता हँकुःआ बिसवासी होड़कू इबरानी भासीकू बड़राता हँकुःआ बिसवासी होड़कू बदीरेकू कुरबुराःआ, सगर दिनराः जोजोम जिनिसकूनराः हटिंगरे अलेरिकुःआ रंडियाहीनकू लगा गुन लकनकू हटिंगवाकूतना, माःआन।

रूमी 11:1

दो ईंग होंबरेतना, अनँयगरिकुःआ इसराएल होड़कू भगवान अड़ाः एंडागोतेडकुःआ जा? मेरेय अड़ाः एंडागाडकुःआ। ईंग हों इबराहीमरीग नइड़-बाँस होड़ हवे अरू बिनियामीन गोतोर अते मी होड़ इसराएल होड़ इदानिंगा।

2 कुरिंती 11:22

हँकू इबरानी होड़कू हवे दो, ईंग हों हवे। हँकू इसराएल होड़कू हवे दो, ईंग हों हवे। हँकू इबराहीमरिकुःआ नइड़-बाँस होड़कू हवे दो, ईंग हों हवे।