पिलिपी 3:2 - Korwa Bible

² खखतना लगाकू कतायता हँकुःआ कुतुकू इया बेलूर होड़कू अते सवासितीपे दोहोन।

पिलिपी 3:2 Σταυροειδείς Αναφορές

मती ओजाःतेरा भगवानराः नपाय सरवन 24:10

हना कटसिया मेला मुरुक होड़कू बिसवास अड़ाःकेडखनकू कुदा जुवाःता। मुरुक होड़कू एटाः होड़कूकू एचे साबता अरूकू हिनइस-बिनइस होड़ेंगता।

मती ओजाःतेरा भगवानराः नपाय सरवन 7:15

भगवानराः बड़रा लबरातेकू कतायता हँकुःआ होड़कू अते सवासितीपे दोहोन। हँकुःआ होड़कू अपे एचेरे भेड़ाकूराः भेसरेकू वेगता। मनदो हँकू सतायरे रमू बुःआकू इया इदानकुःआ।

मती ओजाःतेरा भगवानराः नपाय सरवन 7:6

सुद इदा हना जिनिसकून कुतुकू एचेरे अलोपे एमेय। हँकुःआ कुतुकू तयोमरे आमकू हवाःगोडता। अरू मुतीकून सुकरीकू मड़ंगरे अलोपे तेकेगे। नाःआ इयापे एचेय दो, सुकरीकू हना मुतीकूनकू चोडगोडता।

रूमी 2:28

एहूदाकूराः नइड़-बाँसते जनमावतो होड़ सहे देहरे खतनात होड़ सतायरे एहूदा होड़ मेरेय बड़ाँःता।

2 कुरिंती 11:13

नाःआ इयाकुःआ होड़कू लबरा बराहीलकू हवे अरू मसीरिकुःआ मूक चेलाकूराः भेसरे बोबोनाव बुता होड़कू इदानकुःआ।

गलातिया 5:13

ने अजी बोपोहकूतिंग, अपे अजइत जीव जियाः लगा भगवान अपेय सुनावकेरा। हनालगा अपे मनबिदिया होड़ इया अहापे कसूरगे। मनदो अपे अँननपे अलार-दुलार होड़ेंग घड़ीन सेवा होड़ेंगपे।

गलातिया 5:15

मनदो अपे कुतुकू इयापे सोबाड़ होड़ेंग दो अपे अँननपे अपे लायगुः अते सवासितीपे दोहोन।

गलातिया 5:6

अबू ईसू मसी सुदा मिनी इदानबुःआ दो, खतनान सहे बेगर खतनातबू दोहोन, हनारे तोनोंगाः मतलोब कोवानेःआ। मनदो मइद कता ननानाः हवे, एटाःकू दुलार घड़ीन अबूराः बिसवास उउदुः लगा इदा।

पिलिपी 3:19

हँकुःआ होड़कू भगवान लाय एंडाकू लगाय ओंगोल दोहोकेरा। हँकू अँननकूराः नफा लगा अंदू घड़ीनकू दोहोनता अरू गियुः इयाःआ कताकूनरेकू बड़वारता। हँकूराः ओंगोल चउंदीसराः जिनिसकूनरे टक-टकित दोहोनता।

पिलिपी 3:3

मनदो अबू भगवानराः बिरुवाते हाँय जाग घड़ीन ईसू मसीबू मान मरजइतता। अरू होड़कूराः खतना इयाःआ रिती-बिधीरे मेरबू भरसाता। हनालगा सताय खतनात होड़कू अँननबू हवे।

1 तिमुतियूस 1:19

बिसवास अरू सताय ओंगोलते नपायमे लड़ाइगोड ञवन। अदोम होड़कू सताय ओंगोल अड़ाःकेडखन बिसवास दूर अतेकू बहकावयना।

तितूस 1:16

हँकू कतनता, अले भगवानले सुदीयतना, माःआन। मनदो हँकूराः बुताते भगवानकू आड-बेकारवायता। हँकू भगवानराः कता मेरकू मनवेता अरू एरांगवा इया इदानकुःआ अरू तोनोंगाः नपाय बुता जुकूर कोवाकुःआ।

2 पतरस 2:22

हँकू लगा मड़ंगराः कता सताय इदा, “कुतू अनँयगराः उलात अरूय जड़ाःगेता,” अरू “ऊमतो सुकरी हनानाः सिकलारे अरूय घोलंडाव लेटाःता।”

जूदा 1:4

सतायरे बिसवासी होड़कू ना लवे अरू डंडियावकू लगा मड़ंग वरीते भगवान एटाःकेडकुःआ, हँकुःआ तोनोंग तोनोंग होड़कू ओनोक दनंगते अपे सुदाकू मेसायना। हँकुःआ होड़कू भगवान मेरकू मनेवायता अरू भगवानराः मया हुडिंग ओंगोलवाडखन सनहा-सनहीकू एचेता अरू मिनीटोंग परबू भगवान इदानिया, अबूरीग परबू ईसू मसीकू आड-बेकारवायतना।

उदुःतो कताकून 2:9

“अपे कटसियारे इदानपेःआ अरू जोम ञूय लगा अपे एचेरे कहिसाः कोवानेःआ, माःआनिंग सुदीतना। मनदो अपे गिरहत इदानपेःआ। ईंग सुसुदीतना, अले भगवानरिकुःआ होड़कू हवे, माःआनकू कतनता हँकुःआ होड़कू, अपे मुरुककू ओपतावापेता। मनदो सतायरे हँकू भगवानरिकुःआ होड़कू ना लवे अरू हँकू कलउराः गउदारिकुःआ होड़कू हवे।

उदुःतो कताकून 21:8

मनदो पोंकाहा होड़कू, अरू बेगर बिसवासी होड़कू, अरू एरंग होड़कू, अरू ञेड एएंडा होड़कू, अरू सनहा-सनही होड़कू, अरू पपंगाड़ होड़कू अरू मुरती सेवा होड़कू अरू जमा लबरा होड़कू, हँकू जमाकू हना सेंगेल अरू हितकाःतो लेटे दिरिराः हुडिंग समुंदररेकू रेमगे बोलोगोडकूता। अरू ननानाः हवे बार नमार गुजुः।”

उदुःतो कताकून 22:15

कुतू इया होड़कू, अरू पपंगाड़ होड़कू, अरू सनहा-सनही होड़कू, अरू ञेड एएंडा होड़कू, अरू मुरती सेवा होड़कू, जमा बरानाः लबरा चहाः होड़कू अरू अडिग होड़कू, हँकू जमाकू हना सहरराः बहरीकू दोहोनता।

उदुःतो कताकून 3:9

अपे ईंगपे अयूम! अदोम होड़कू भगवानरिकुःआ होड़कू ना लवे। मनदो अँनकू लबराकियानखनकू कतनता, अले भगवानरिकुःआ होड़कू हवे, माःआन। हँकू कलउराः गउदारिकुःआ होड़कू हवे। ञेलपे, ईंग हँकू अपे मड़ंगरेयिंग अगुकूता अरू अपेराः काट कुटीरेकू उकुड़ोमगुःता। हनते हँकू सुदीगोडता, ईंग अपेयिंग दुलारता।