पिलिपी 2:7 - Korwa Bible

⁷ मनदो हाँय जमालेःआ अड़ाःतेडखन, मनुवाराः सुरइत मुरइतरेय जनमावनेना, अरू बेगारी होड़ इयाय बड़ाँवनेना।

पिलिपी 2:7 Σταυροειδείς Αναφορές

मती ओजाःतेरा भगवानराः नपाय सरवन 12:18

अयुमेपे! नाँय ईंग सुनावकेरा ईंगरीग सेवकिया हवे, ईंग हाँयिंग दुलारगेयता अरू हाँय सुदा ईंग मुरुक राजू नमा इदानिंगा। हाँय एचेरे ईंगराः बिरुवा दोहोनता, अरू हाँय बेगर एहूदाकू एचेरे हों नपाय फड़ियाव बदीरेय कता उदुःगेता।

मती ओजाःतेरा भगवानराः नपाय सरवन 20:28

मनुवारीग बेटा अनँयग एचे सेवान लगा मेरेय वेगगना। मनदो हाँय जमा होड़कूय सेवा लगा अरू अनँयग जीव एमे अटूकेडखन होड़कू सडावकू लगाय वेगकिया। हनन इया अपे हों एटाःकूपे सेवाकू।”

मरकूस 9:12

दो ईसू हँकू एचेरेय कतातेरा, “सतायरे इलियाह मड़ंग वेगकेडखन जमाकूने मंदरावगोडता। मनदो मनुवारीग बेटात बदीरे चिला लगा नाःआ इया ओजाःतो इदा, हाँय मुरुक कटसियाय सहावता अरू आड-बेकारवायताकू?

लूका 22:27

नँकिन बना होड़ते मरंगीग इये हवे, जोजोम लगाय दुड़ुःकिया हाँय जा जउःए पोरसातना, हाँय? जोम लगाय दुड़ुःकिया हनाँय हवे मरंगीग होड़। मनदो ईंग अपे एचेरे सेवकिया होड़ इया इदानिंगा।

एहुना 1:14

दो हना सरवन मनुवाराः सुरइत मुरइतरे होड़कू तलारेय डेरानेना। हाँय अपांग भगवानरीग मिनी होड़ बेटात इदानिया अरू अबू हाँय तुमिन मरंग इदानिया हनाबू ञेलतेरा। हाँयराः जीवरे जनामा सतायते अरू मयाते पेरेगतो दोहोना।

रूमी 1:3

नाःआ सरवन भगवानरीग बेटात, अबूरीग परबू ईसू मसी बदीरे इदा। हाँय होड़राः मुरइतरे दाऊद राजारीग नइड़-बाँस होड़तेय जनमावनेना।

रूमी 15:3

ईसू मसी हों अनँयग ननायगुः लगा तोनोंगाः मेरेय एचेगाड, अरू नाःआ बदीरे भगवानराः कागदरे ओजाःतो इदा, “ने भगवान, होड़कू आमकू एरांगवाता दो ईंग होंकू एरंगवायिंगता।”

रूमी 15:8

अपे ईंगपे अयूम! भगवान इसराएल होड़कूरिकुःआ खुटिपरिया होड़कू एचेरेय जबानतेरा, हना पुरावगे लगा ईसू मसी एहूदाकूरीग सेवादारे बड़ाँवनेना,

रूमी 8:3

दो अबू मोसेसराः नियमकून जमालेःआ मनाः लगाबू कुरनिसगे। हनते हों अबूराः कसूर लूर-नेवन मेर टुटीगगुःता। मनदो भगवान अबूय सडाव अवेता। हनालगा जमा होड़कूराः कसूर बराव एंडागे लगा, हाँय अनँयगरीग मिनी होड़ बेटात ईसू मसी, कसूरतो मनुवाराः सुरइत मुरइतरे, नाःआ चउंदीसरेय वारगोतेडीग। हनते हाँय जमाकूराः कसूर लगा डंडियावतेडखन ईसूय एचे बलिदानगोतेडीग।

2 कुरिंती 13:4

ईसू कुरूसरेय गोएगनेन मेला हाँय अबड़ावतोय ञिलुःआ। हनारे हों हाँय भगवानराः जंगरते जिनियत इदानिया। हनन इया अले हों हाँय इया अबड़ इदानलेःआ, मनदो भगवानराः जंगरते ईसू सुदा अले हों जीयतले दोहोनता, जेमहा अपे लगाले सेवागोड ञवन।

2 कुरिंती 8:9

अपे सुसुदीतना अबूरीग परबू ईसू मसी मयावाडबुःआ। हाँय सेरमो देसरे गिरहते दोहोन हों हाँय अपे लगाय गरीबयान, जेमहा हाँय गरीबगुः अते अपे भगवान बदीरेपे गिरहत जुवाः।

गलातिया 4:4

मनदो भगवान तोल दोहोतेरा हना बेलारे हाँय अनँयग बेटात नाःआ चउंदीसरेय वारतिरिया अरू हाँय मी होड़ अइमी एचेरेय जनमावनेना अरू नियम मनाः घड़ीने दोहोना।

पिलिपी 2:6

हाँय जमालेःआते भनगवाने दोहोना, हनते हों हाँय भगवान बरोबइर दोहोन लगा, मेरेय ओंगोल दोहोगाड।

इबरानी 12:2

अबूराः बिसवासे बुँहड़ीता अरूय उडु-बुडूगेता, हाँयग ईसू अगी सिरढीटबू ञेलगोड ञवन। हाँय कुरूसराः गुजुः बदीरे एचे बेग-हतान लगा मेरेय ओंगोल एरंगगान, मनदो हाँय दरवाःआ हना बहालराः कताकून लगा हना कटसियाय सहावतेरा। अरू हना तयोमते भगवानराः गदीराः खउना तिःई गतर हाँय दुड़ुःकिया।

इबरानी 13:3

जेहेलरे सींगतोकू दोहोनता हँकुःआ होड़कू अपे, अले हों सींगतो इदानलेःआ, माःआन ओंगोलकेडखन उहियारगोड अरू अले अँननले संतावतो इदानलेःआ माःआन ओंगोलकेडखन संतावतोकू दोहोनता हँकुःआ होड़कूपे उहियारगोड ञवन।

इबरानी 4:15

दो हाँय अबूराः अबड़ाव जीव-जहन बदीरेय सोगा अवेवाबूता। हनालगा अबू कबुलाःता हना बिसवासरे बड़ियाड़बू दोहोन,