पिलिपी 2:22 - Korwa Bible

²² मनदो अपे सुनुदीकेरा तिमुतियूस बिसवासगेयीग होड़ हवे माःआन अनँयग उदुःकिया, अरू मी होड़ बेटा अपात सुदाय बुताता, हनन इया हाँय ईंग सुदा भगवानराः नपाय सरवन परसारगे लगा ईंगे सेवा देंगवाकेरा।

पिलिपी 2:22 Σταυροειδείς Αναφορές

मूक चेलाकू 16:2

लुसतरा अरू इकुनियुमरिकुःआ बिसवासी होड़कू हाँय बदीरे नपायकू कताया।

रूमी 5:4

अरू सहाव घड़ीनबू दोहोन अते नपाय लूर-नेवनतेकुःआ होड़कूबू बड़ाँःता, अरू नपाय लूर-नेवनते अबू जीवरे असरा बगरनता। हनालगा कटसियारे हों बहालगुःतनाबू।

1 कुरिंती 16:10

अपे सुसुदीतना, तिमुतियूस ईंग इया परबूय सेवातना। हाँय अपे एचेरेय सेन दो बेगर बोरतेय दोहोन लगापे संघरावाय।

1 कुरिंती 4:17

नाःआ लगा ईंग अपे एचेरे ईंगरीग दुलार बेटा इयायीग तिमुतियूसिंग वारतना। हाँय परबू लगा बिसवासगेयीग इदानिया। जमा ततेरराः कलसियारिकुःआ होड़कू सरवनिंग चेडकूता हना चेड इया ईसू मसी लगा करा इयायिंग जियाःतना हना हाँय अपे एचेरेय कता उदुःगेता।

2 कुरिंती 2:9

अपे जमा कताकूनपे मनाःतना जा कोवान हना अंदजाव लगा हों हना चिठीयिंग ओजाःतेरा।

2 कुरिंती 8:22

अले मी होड़ होड़, हँकिन सुदाले वारेयतना। अरू अले घड़ी घड़ीले अंदजावतिरिया अरू हाँय मुरुक कताकूनरे ओसताज इदानिया माःआनले सुदीगोतेडिया। अरू अपे एचेरे हाँयके मुरुक भरसा इदा। हनालगा हाँय अनउर ओसताज इदानिया।

2 कुरिंती 8:24

हनालगा अपे एटाः होड़कूपे दुलारता हनन इया हँकुःआ होड़कू होँपे दुलारकू। दो अपे बदीरेले भल-भलायनेना हना हँकू सताय हवे माःआनकू सुदीबाःगोडता, अरू अपे सतायतेपे दुलारतना माःआन जमा कलसियारिकुःआ होड़कू होंकू सुदीबाःगोडता।

2 कुरिंती 8:8

ईंग अपे मेरिंग हुकुमवापेतना, मनदो एटाः कलसियारिकुःआ होड़कू बिहिरीकू एमे लगा ओसताज इदानकुःआ अरू हनानाः बिहिरी एमे बदीरे अपेराः दुलार सताय इदा जा कोवान हना अउल-तउलगे लगा नाःआ इयायिंग कतायतना।

पिलिपी 1:12

दो ईंगरिकुःआ अजी बोपोहकूतिंग, अपे नाःआ कता सुनुदीबाःगोडपे लगायिंग चहाःतना। ईंग जीवरे होयानेना हना जमा कटसियाकूनते भगवानराः नपाय सरवन मुरुक बगरा होड़कू अयुमे लगा होयाकिया।

पिलिपी 1:16

हँकुःआ होड़कू दुलारते नपाय सरवनकू कता उदुःगेतना, अरू ईंग बदीरेकू सुसुदीतना, हाँय नपाय सरवन सताय हवे माःआने कताय अते, जेहेलरे इदानिया, माःआन।

पिलिपी 1:5

हनालगा अपेयिंग उहियारपेता, हना जमा बेला मुरुक बहालते, अपे लगा भगवान एचेरेयिंग अरजीता।

पिलिपी 1:7

नुँहू ईंग जेहेलरे इनिदानिंग मेला अरू मड़ंगरे नपाय सरवन, सताय हवे माःआनिंग कनता कताय मेला, अपे भगवानराः मया इया ईंगपे सेवा देंगवातेरा। अपे ईंगराः जीवरे इदानपेःआ। हनालगा अपे बदीरे नाःआ इयायिंग ओंगले दो नपाय इदा।

पिलिपी 2:20

तिमुतियूस अड़ाःवाडखन इनिंग इया अपे बदीरेय ओंगोलगोड ञवनता, एटाः तोनोंगीग होड़ ईंग एचेरे कोवाया।

1 तिमुतियूस 1:18

ने ईंग बेटा तिमुतियूस, आमिंग हुकुमवामतना, भगवानराः बड़रा कता होड़कूते सुद बिरुवा आम बदीरेय कतातेरा हना कता इया भगवानराः सरवन लगा,

1 तिमुतियूस 1:2

बिसवास बदीरे ईंग बेटा इया इदानमेःआ आम लगा नाःआ चिठीयिंग ओजाःगेतना। अबूरीग अपांग भगवान अरू परबू ईसू मसी, अपेकिन मयावा अरूकिन सोगावा, अरू सलसतरेकिन दोहो ओवापे।

1 तिमुतियूस 4:6

नाःआ कताकून जमा बिसवासी होड़कूम चेडगोड ञवन दो, ईसू मसीरीग नपाय सेवकिया होड़मे बड़ाँःता। आम मनाः घड़ीन दरवामेःआ हना बिसवास अरू सताय सरवनराः कताकूनते आमराः पला दरी होनोयागोड ञवनता।

2 तिमुतियूस 1:2

ईंगरीग दुलार बेटा, आम लगा नाःआ चिठीयिंग ओओजाःतना। अबूरीग अपांग भगवान अरू परबू ईसू मसी, अपेकिन मयावा अरूकिन सोगावा, अरू सलसतरेकिन दोहो ओवापे।

2 तिमुतियूस 3:10

ने तिमुतियूस, ईंग करा उड़ी भगवानराः सरवन होड़कूयिंग चेडतेरा अरू ईंगराः लूर-नेवन अरू ईंगराः बिसवास अरू ईंग करा इयायिंग सहावगोड ञवना अरू करा इया होड़कूयिंग अलार-दुलारकेरा अरू करा उड़ी कटसियायिंग सहाव पारगोतेडा हना होंम सुसुदीतना।

तितूस 1:4

मिनी बिसवासते इदानलिंग अते ईंगरीग सताय बेटा तितूस, आम लगा नाःआ चिठीयिंग ओजाःगेतना। अपांग भगवान अरू अबूरीग सडावदार ईसू मसी आमकिन मयावा अरूकिन सलसतमे।