पिलिपी 2:17 - Korwa Bible

¹⁷ भगवान एचेरे अपेराः बिसवास अरू सेवा भगवान लगा दाः बलिदानकू दूलता हना इया इदा। अरू हना बलिदान पुरावगे लगा ईंगके गुजुः हों पराः, हनारे हों ईंग अपे सुदायिंग बनाहाल जुवाःता।

पिलिपी 2:17 Σταυροειδείς Αναφορές

मूक चेलाकू 20:24

मनदो ईंग ईंगराः जीव इनिंग लगा तोनोंग नपाय इया मेरिंग ओंगोलतना, जेमहा परबू ईसू ईंग एचेरेय जिमाकेरा हना बुता अरू सेवायिंग एचे पुराव अवेय। अरू हना बुता ननानाः हवे। भगवान जमा होड़कूय मयावारा हना नपाय सरवन होड़कू एचेरेयिंग परसार उदुःगे लगा इदा।

मूक चेलाकू 21:13

दो पउलूस कता कुदातेरा, “अपे चिला लगा ईंगराः जीवपे इयाम अदरुजीतना? ईंग ईसूराः बदीरे तोलुः लगा अरू गुजुः लगा हों सपड़ावतो इदानिंगा।”

रूमी 12:1

हनालगा ईंगरिकुःआ अजी बोपोहकूतिंग, भगवान अबूय मयावारा हना कता उहियारकेडपेखन अपे एचेरे गोड़न पइयन घड़ीनिंग असेयतना। अपे अँननपेराः देह भगवान ननायगुःता हना सुद अरू जीयत बलिदान इया जमालेःआपे जिमागोड। नाःआ भगवान सेवाराः सताय लूर हवे।

रूमी 15:16

बेगर एहूदाकू लगा ईसू मसीरीग मूक चेलाय बड़ाँवकिडिंगा अरू ईंग मी होड़ पुजउरी होड़ इया भगवानराः नपाय सरवनिंग परसार उदुःगेतना, जेमहा हँकू भगवान ननायगुः लगा सुद बिरुवाते सुदकेडकूखन बलिदान इयायिंग जिमा अवेकू।

2 कुरिंती 12:15

हनालगा ईंग बहालते ईंगराः जमा जिनिसकून अरू ईंग इनिंग हों अपे लगा जिमागुः लगा सपड़ावतो इदानिंगा। ईंग अपे मुरुक बगरायिंग अलार-दुलारपेतान दो अपे ईंग गुनमिनपे अलार-दुलारगींगता जा?

2 कुरिंती 4:12

दो अले ईसू मसी बदीरे परसारगेतान अते गुजुः सेंगसारेले पारता अरू हना सरवन बिसवासकेडखन अपे जिनीवपे पवाःता।

2 कुरिंती 6:10

अले फिकिराः होड़कू इया इदानलेःआ, मनदो जमा बेला बनाहालतेले दोहोनता, गरीब होड़ इया इदानलेःआ मनदो मुरुक होड़कूले गिरहतगोडता। अले एचेरे कहिसाः कोवानेःआ, मनदो अले एचेरे जमालेःआ इदा।

2 कुरिंती 7:4

ईंग मीटोंग ऊबमिनाः कता हों ईंग जीवरे दोहोकेडखन अपे एचेरे मेरिंग कता उदुःगेतना। ईंग अपे बदीरे भल-भलायतो इदानिंगा। अपे बदीरे ईंग अहाल-बहाल इदानिंगा अरू ईंगराः जमा कटसियारे ईंग मुरुक बनाहालते इदानिंगा।

पिलिपी 1:20

ईंगराः चहाः अरू असरा ननानाःरे टक-टक इदा, ईंग भगवान मड़ंगरे कहियो ओरोयिंग गियूनेना, मनदो ईंग ईसू मसीराः बदीरे डीड़कियानखनिंग जियाव अवेन, जेमहा ईंग गुजुः सहे जीयतिंग दोहोन, ईंगराः जीवते, ईसू मसीराः मान मरजइत नुँहू अरू मड़ंगरे हों होनोयागोड ञवन।

पिलिपी 2:18

ननन इया अपे हों ईंग सुदापे बनाहाल जुवाः।

पिलिपी 2:30

हाँय ईसू मसीराः बुता बदीरे गोनेगगुःरेय दोहोना अरू अनँयग जीव गुजुः जियाः ओंगोल अड़ाः एंडाकेडखन अपे ईंग मेरपे एमे अवेवागडिंग हना संघरा हाँय एमेवातिरिंगा।

पिलिपी 4:18

अपे इपापुरूदितूसते ईंग लगापे वारतेरा हना संघरा, ईंग पवावकियानखनिंग संतोकयना। नुँहू ईंग एचेरे तोनोंग इयाःआ हुडिंग बगरा कोवानेःआ अरू जनामालेःआ इनिदा। अपेराः संघरा भगवान लगा नपाय महक एमेयता हना बलिदान इया इदा अरू हनाते हाँय ननाययना।

कुलूसी 1:24

अपे लगा कटसियायिंग सहावतना अते, ईंग बहाल इदानिंगा। अरू मसी, कलसिया लगा कटसियाय सहावतेरा, हनन इया ईंग हों कलसिया लगा कटसियायिंग सनाहाव ञवनतना।

1 तिसलूनिका 2:8

अले अपे मुरुकले दुलारपेःआ अरू हनाते भगवानराः नपाय सरवनले कताया, हनमेला अलेराः जीव हों एमेवापे लगा हों सपड़ावतोले दोहोना।

2 तिमुतियूस 4:6

दाः बलिदानकू दूलता हान इया ईंगराः सेरतिंग अधे वेगतना।

1 पतरस 2:5

दो जीयत दिरिकून इया सुद बिरुवा अपे भगवानराः सताय ओड़ाःरे एटाः होड़कू सुदा जोड़ावकेडपेखन सुद पुजउरीकू तुलापेतना, जेमहा भगवान ननायगुःता हना सुद बलिदानकून, अपे ईसू मसीतेपे देग अवेयता।

1 एहुना 3:16

ईसू मसी अबू लगाय गोएगनेना अरू अबूय एचे उदुःवाडा करा इया होड़कू अलार-दुलाररे दोहोन इदा। हनन इया अबूरिकुःआ बिसवास वपक बोपोहकू लगा अबू हों अबूराः जीव एएमे इदा।