पिलिपी 1:14 - Korwa Bible

¹⁴ ईंग जेहेलरे इदानिंगा, हनालगा बिसवासी होड़कू अते मुरुक होड़कू, भगवान एचेरे भरसातेडखन बेगर बोरते नपाय सरवन कता उदुःगे लगा अनउरकू डीड़यान।

पिलिपी 1:14 Σταυροειδείς Αναφορές

मरकूस 3:3

ईसू हाँयग तिःई कोकोड़ावतो होड़ एचेरेय कताया, “जमा होड़कू तलारे चड़ाँनमे।”

लूका 1:74

अबूरिकुःआ मुदइ होड़कू अतेय सडावबूता अरू बेगर गारबार अरू सुद जीवते

2 कुरिंती 3:12

दो अले एचेरे नाःआ इयाःआ नाय नपाय असरा इदान अते डीड़कियानखनले कतायता।

2 कुरिंती 7:4

ईंग मीटोंग ऊबमिनाः कता हों ईंग जीवरे दोहोकेडखन अपे एचेरे मेरिंग कता उदुःगेतना। ईंग अपे बदीरे भल-भलायतो इदानिंगा। अपे बदीरे ईंग अहाल-बहाल इदानिंगा अरू ईंगराः जमा कटसियारे ईंग मुरुक बनाहालते इदानिंगा।

इपीसी 3:13

दो अपे लगा कटसियायिंग सहवेतना, हना बदीरे अपे अहापे ओंगोल हदराः। नाःआते अपेराः मान मरजइत होयाःता।

पिलिपी 1:20

ईंगराः चहाः अरू असरा ननानाःरे टक-टक इदा, ईंग भगवान मड़ंगरे कहियो ओरोयिंग गियूनेना, मनदो ईंग ईसू मसीराः बदीरे डीड़कियानखनिंग जियाव अवेन, जेमहा ईंग गुजुः सहे जीयतिंग दोहोन, ईंगराः जीवते, ईसू मसीराः मान मरजइत नुँहू अरू मड़ंगरे हों होनोयागोड ञवन।

पिलिपी 1:7

नुँहू ईंग जेहेलरे इनिदानिंग मेला अरू मड़ंगरे नपाय सरवन, सताय हवे माःआनिंग कनता कताय मेला, अपे भगवानराः मया इया ईंगपे सेवा देंगवातेरा। अपे ईंगराः जीवरे इदानपेःआ। हनालगा अपे बदीरे नाःआ इयायिंग ओंगले दो नपाय इदा।

पिलिपी 4:1

दो ईंगरिकुःआ अजी बोपोहकूतिंग, ईंग अपेयिंग दुलारता अरू अपे ञेञेल लगायिंग उंभराःतना। अपे बदीरे ईंग बहालिंग दोहोनता अरू अपे भगवान अगीते ईंगराः बनी इया इदानपेःआ। हनालगा अपे ईंग कताकेरा, हनन इया बिसवासरे बड़ियाड़गुःपे।

कुलूसी 4:4

अरू अले उउदुः लगा इदा, हनन इया थित-थितारले उदुः अवेय लगा होँपे अरजीगोड ञवन।

कुलूसी 4:7

ने अजी बोपोहकूतिंग, अलेराः हाल चाले कता उदुःवापे लगा ईंगरीग दुलार सउंगता अरू सेवा देंगवा होड़ तुकिकूस अपे एचेरेयिंग वारेयतना। हाँय परबूराः सेवा लगा बिसवासगेयीग इदानिया।

1 तिसलूनिका 2:2

अरू अले अपे एचेरे वेग अते मड़ंग पिलिपी सहररिकुःआ होड़कू अले संतावतेडखनकू एचे बेग-हतावातेडलेःआ। मनदो भगवान डीड़े एमेवातेडलेःआ अरू हँकू मुरुककू घंटावतेडलेःआ अते हों अपे एचेरे सेनेडखन भगवानराः नपाय सरवनले उदुःतेरा।

2 तिमुतियूस 2:9

अरू हनानाः सरवन लगा कटसिया सहाव घड़ीन ईंग जेहेलरे इदानिंगा। मनदो भगवानराः सरवन तोलतो कोवानेःआ।