मरकूस 7:7 - Korwa Bible

⁷ हँकुःआ होड़कू बेगर मतलोब ईंगकू जागतना, अरू हँकूराः चेड जमा होड़कूराः ओंगोलते इदा, हना नियमकून हवे।

मरकूस 7:7 Σταυροειδείς Αναφορές

मती ओजाःतेरा भगवानराः नपाय सरवन 15:9

नँकू होड़कूराः तुलात नियमकूनकू चेडकूता अरूकू कतायता, नाःआ भगवान अगीते हवे, माःआन। हनालगा नँकू बेगर लूर ईंगकू जागतना।”

मती ओजाःतेरा भगवानराः नपाय सरवन 6:7

भगवान मेरकू सुदीयता हँकुःआ होड़कू अरजी मेला, बेगर ओंगोलते भरमाः घड़ीनकू कतागोड ञवनता। हँकू ओंगलेता, नाःआ इया अले अरजी दो भगवान अलेराः अरजीय अयुमेता, माःआन।

1 कुरिंती 15:14

अरू ईसू मसी गोएगतो होड़कू अते मेरेय जियाव रेमकुः दो, अलेराः परसार हों सदाःआ होयाकुःआ अरू अपेराः बिसवास हों सदाःआ होया जुवाःकुःआ।

1 कुरिंती 15:58

दो ईंगरिकुःआ अजी बोपोहकूतिंग, अपे ईसू एचेरेपे बिसवासगोड ञवन, अरू अलोपे टास-मासगुः। अनंगेर अंगेरते परबू लगापे बुतागोड ञवन। अपे सुदीबाःका, परबू लगापे मिहनइतगेतना हान, सदाःआ ओनोरो होयानेना।

कुलूसी 2:22

नाःआ जमा नियमकून होड़कूराः ओंगोल इयाःआ चेडतो हवे, अरू हन उपयोतगे घड़ीन लुलिग जुवाःता।

तितूस 3:9

मनदो अड़ा-चउकीकू रिमुःता हना बेलूर बड़रा अरू खुटीपहारराः सदाःआ कहड़ीकून अरू एहूदाकूराः नियम बदीरे कड़ीग अरू बेलूर बेलूर कता होड़ेंग अते आम तोरेम दोहोन। नाःआ इयाःआ बड़राकून बेगर लूर इदा अरू तोनोंगाः नफा ओरो होयानेना।

एकूब 1:26

तोनोंगीग होड़ ओंगलेतना, ईंग भगवानराः ओंगोल इयायीग होड़ हवे, मनदो हाँय सोझायीरे बड़राता दो हाँय अनँयग आँयग अडिगगुःतना अरू हाँयराः लूर-नेवन भगवान जुकूर कोवानेःआ।

एकूब 2:20

आम बोको होड़ इदानमेःआ। आम मेरेम सुदीयता जा, बेगर बुताते दोहोनता हना बिसवास बेगर लूर दोहोनता।

उदुःतो कताकून 22:18

ईंग एहुना, नाःआ कागदरे ओजाःतो इदा हना जमा कतत सरवनकू बछाःता हँकुःआ होड़कू सेताव घड़ीनिंग कतायतना, तोनोंगीग होड़ नाःआ कागदराः कतत सरवनरे अरूय मेसागे दो, नाःआ कागदरे ओजाःतो इदा हना जमा हइजाकून भगवान हनाँयग होड़े एचे सहावता।