मरकूस 7:3 - Korwa Bible

³ (फरीसी होड़कू अरू जमा एहूदाकू अँकूरिकुःआ खुटिपरिया होड़कूराः रिती-बिधी इयाकू सलाःआ अरू हँकूराः रिती-बिधी इया तिःई अरीनकू अचंगगुः वरी हँकू तोनोंगाः जिनिस मेरकू जोमा।

मरकूस 7:3 Σταυροειδείς Αναφορές

मरकूस 7:13

नाःआ इया अपेराः रिती-बिधी होड़कूपे चेडकूता अरू भगवानराः नियमकूनपे चलाःगोडता। अरू अपे नाःआ इयाःआ एटाः एटाःकूनपे एचेयता।”

मरकूस 7:5

दो फरीसी होड़कू अरू एहूदा नियम चेडदार होड़कू ईसूरिकुःआ चेलाकू एचेया हनाकू ञेलतेड अरू हाँय एचेरेकू होंबोरतेड, “ने गुरुजी, चिला लगा आमरिकुःआ चेलाकू अबू खुटिपरियारिकुःआ होड़कूराः रिती-बिधी इया मेरकू सलाःतना अरू मइलावतो तिःईतेकू जोमतना?”

लूका 11:38

दो ईसू एहूदाकूराः रिती-बिधी इया तिःई मेरेय अचंगान। हना ञेलतेडखन फरीसी होड़ बयावयाने।

एहुना 2:6

दो हंडा छोगोटोंग कुंडाकूनकू मंडावतो दोहोना। हना मेमेडटोंग कुंडाकूनरे अंदांज अससी अते मी सव बीस लिटर वरी दाः सयोबा। नाःआ कुंडाकून एहूदाकू अँनकूराः रिती-बिधी इया बुहालगुः लगाकू उपयोतगेःआ।

गलातिया 1:14

अले एहूदाकूराः रिती-बिधी इया नियम मनाः लगा, ईंग इनिंग घुरी-परी होड़कू अते ओसताजिंग दोहोना।

कुलूसी 2:8

होड़कू अँननकूराः कनहून अरू सदाःआ बड़राते, अहाकू मोहाव अवेपे लगा सवासितीपे दोहोन। हँकूराः बड़रा मसीराः ओंगोल इया कोवानेःआ, मनदो होड़कूराः रिती-बिधी अरू नियमकून अते इदा। हँकू राइजबड़ी बदीरे मड़ंग जूगरिकुःआ होड़कूराः चेडतो अतेकू चेडकूता।

1 पतरस 1:18

अपे नपायतेपे सुदीयतना, अपेरिकुःआ खुटिपरिया होड़कू सलाव वेगा हना बेगर मतलोबाः लूर-नेवन अते, लाय एंडा जुवाःता हना चाँदी सहे सोनाते भगवान अपे मेरेय सडावगाडपेःआ,