मरकूस 6:2 - Korwa Bible

² लोड़ोनराः दिन हाँय अरजी ओड़ाःरे होड़कूय चेचेडा अरू मुरुक होड़कू हना कता अयूमवाडखनकू बयावयान। हँकू कताया, “नाँय करतेय चेडकिया अरू नाःआ इया कनहून इये चेडकिरिया? नाँय तोनोंग मेला होड़कू मेरकू ञेलगरा हना बयाव जुवाः इयाःआ बुता करा इयाय एचेयता?

मरकूस 6:2 Σταυροειδείς Αναφορές

मती ओजाःतेरा भगवानराः नपाय सरवन 4:23

हनते ईसू जमा गलील छतररे सेनेडखन हँकूराः अरजी ओड़ाःकूनरेय चेडतेडकुःआ। हाँय होड़कू एचेरे भगवानराः राइजराः नपाय सरवने परसारतेरा अरू अबड़ाहा होड़कू अरू जमा बरानाः बेमरियातेकू दोहोना हँकुःआ होड़कूय नपायगोड ञवना।

मती ओजाःतेरा भगवानराः नपाय सरवन 7:28

ईसू नियम चेडदार होड़कू इया मेरेय चेडगाड, मनदो हातपात पवावतो होड़ इयाय चेडतेरा।

मरकूस 1:39

दो ईसू गलील छतरराः एटाः सहरकूनरे सेन घड़ीन हँकूराः अरजी ओड़ाःकूनरे परसार इदीःआ अरू होड़कू अते भूतकू होंय उडुंग इदीया।

मरकूस 10:1

हनते ईसू कपरनहूम सहर अते एहूदिया छतरराः सियाँ सरहद होरते एरदन नई मार परोमरेय सेनेडा अरू मुरुक बगरा होड़कू हाँय एचेरेकू जुमावनेना। हनमेला ईसू हँकुःआ होड़कू, हाँय मड़ंगे चेडा हना इयाय चेडकुःआ।

लूका 2:47

ईसूराः कनहून अरू हाँयराः बड़रा अयूमकेडखन जमा होड़कू बयावयान।

लूका 4:15

अरू हाँय एटाः एटाः अरजी ओड़ाःकूनरे होड़कूय चेडतेरा अरू जमा होड़कू हाँय बदीरेकू भल-भलाययान।

एहुना 6:42

अरू हँकू कतातेड, “नाँय उसूपरीग बेटात ईसू हवे जा? हाँयरिकिनाः एंगा-अपाकिन हों सुसुदीतनाबू। दो नाँय करा उड़ीय कता अवेयता, ईंग सेरमो देस अतेय उतराव वेगकिया, माःआन?”

एहुना 7:15

दो एहूदा मूक होड़कू बयावनेनखनकू कताया, “नाँयग होड़ तोनोंगीग गुरुजी अते मेरेय चेडगना दो, नाँय नाःआमिन करा इयाय सुदीकेरा?”