मरकूस 4:19 - Korwa Bible

¹⁹ मनदो हना सरवन चउंदीसराः ओंगोल, आन-धानराः ओंगोल अरू तोनोंग तोनोंग ललचीरे तेन जुवाःता अरू जोःओ मेर जोःता।

मरकूस 4:19 Σταυροειδείς Αναφορές

मती ओजाःतेरा भगवानराः नपाय सरवन 13:22

अरू जनुम बुदारे लोजोरनेना हना बिहान, भगवानराः सरवनकू अयुमेता हँकुःआ होड़कू हवे, मनदो हना सरवन चउंदीसराः ओंगोल अरू आन-धानराः ओंगोलते तेन जुवाःता। हनालगा हान मेर जो अवेनता।

मती ओजाःतेरा भगवानराः नपाय सरवन 19:23

हनते ईसू चेलाकूतेन एचेरेय कतातेड, “अपे ईंगपे अयूम, गिरहत होड़कू भगवानराः राइजरे बोल लगा मुरुक मसकिल इदा।

मती ओजाःतेरा भगवानराः नपाय सरवन 3:10

नुँहू सींग दूब घींग लगा वके सपड़ावतो इदा। नपाय जोःओ मेर जोःता हना जमा सींग दूबकून, घींगकेडखन सेंगेलरेकू बाल लोगोडता।

मरकूस 4:18

एटाः होड़कू जनुम बुदारे लोजोरनेन हना बिहान इया होड़कू हवे। हँकू सरवनकू अयुमेता,

लूका 10:41

परबू ईसू मारता एचेरेय कताया, “ने मारता, आम मुरुकमे ओंगोलेता अरूम हदराःता।

लूका 21:34

“जोम ञूयते अरू बुनूलते अरू चउंदीसराः एटाः एटाः ओंगोल कुहकाःते अपेराः जीव अलो बेरुजगुः लगा सवासितीपे दोहोन। निही दो हना टुटीगगुःराः दिन अपे जीवरे फंदा इया असाका वेगता।

एहुना 15:2

ईंग सुदा मिनी दोहोनता अरू मेर जोःता हना नइड़ भगवान गेडगोडता अरू जोःता हना नइड़ अरू जोः लगाय कुड़गावगोडता।

रूमी 12:2

अपे चउंदीसरिकुःआ होड़कू इया अहापे सलाः। मनदो भगवान अपेराः ओंगोल नँवाकेडखन बदलाव ओवायपे, जेमहा अपे भगवान ननायगुःता अरू जमालेःआते सताय अरू ननपाय हवे, हाँयराः हनानाः हिछापे सुदी अवेय।

इपीसी 2:2

हनमेला अपे हों चउंदीसरिकुःआ होड़कूराः लूर-नेवन इयापे जियाःआ अरू सेरमोरेकू दँड़ाता हँकुःआ भूतकूरीग राजा कलउराः कतापे मनेवाःआ। अरू कलउ, भगवानराः कता मेरकू मनाःता हँकुःआ होड़कूराः इंदरीरेय बुतातना।

इपीसी 6:12

अबूराः लड़ाइ होड़कू सुदा कोवानेःआ। मनदो सेरमोरेकू दोहोनता हँकुःआ भूतकूरिकुःआ परधानकू अरू हातपातदारकू सुदा अरू अंदरारेकू दोहोनता हँकुःआ जंगरदार भूतकू सुदा अरू बेलूरकू एचे बुताकूता हना सेरमोरिकुःआ सइनाकू सुदा अबूराः लड़ाइ इदा।

पिलिपी 4:6

तोनोंग इयाःआ ओंगोल कुहकाःरे अपे अलोपे दोहोन। मनदो जमा बरानाः लगापे अरजीगोड ञवन। अरू धनियाबाद घड़ीन अपे लगा हुडिंग बगरा इदा हना भगवान एचेरेपे असेय।

1 तिमुतियूस 6:17

नाःआ चउंदीसरिकुःआ गिरहत होड़कू एचेरे नाःआ कताम हुकुमवाकू, अहापे बड़वार अरू चबा जुवाःता हना ढिबुवारे अहापे असरा। मनदो अबू बहालरे दोहोन लगा जमा जिनिसकून मिनी जीवकेडखने एमेवाबूता हाँयग भगवान एचेरेपे असरा।

2 तिमुतियूस 4:10

करेसकेस गलातिया राइज अगी अरू तितूस दलमतिया राइज अगी तोराकिना। अरू देमास नाःआ चउंदीसराः जिनिसकून नपाय मंजूरवातेडखन ईंगे अड़ाःगोतेडिंग अरू तिसलूनिका सहर अगी तोराय।

2 पतरस 1:8

नाःआ कताकून अपेराः जीवरे इदा अरू बडेनता दो, अबूरीग परबू ईसू मसीराः कनहून बदीरे अपेराः जीव बेगर लूर अरू सदाःआ ओरो होयानेना।

जूदा 1:12

अपे बिसवासी होड़कू जोम लगापे जुमाःता हनमेला हँकुःआ लबरा चेडदारकू दाः पेंदारे ओकोत दोहोनता हना दिरिकून इया इदानकुःआ अरू मुरुक डीड़ते अरू बेगर गियुःते अपे सुदाकू जोमता। हँकू अँननकू बदीरेकू ओंगलेता हँकुःआ सरवाहाकू इया इदानकुःआ, अरू भेड़ाकू लगा तोनोंगाः संघरा मेरकू एमेयता। हँकुःआ होड़कू बेगर दाःते दोहोनता अरू होयते सलाःता हना बदरी इयाकू दोहोनता। हँकुःआ होड़कू, बार पुरती गेएगनेना अरू रवीगतो दोहोनता अरू गोसोत जोःओते इदा हना सींग इया इदानकुःआ।