मरकूस 4:1 - Korwa Bible

¹ एटाः दिन ईसू हुडिंग समुंदर धरीरे होड़कूय चेडा। हाँय एचेरे मुरुक होड़कू जुमावनेना। हनालगा ईसू मीटोंग डोंगारे देगनेनखने दुड़ुःयान अरू जमा होड़कू हुडिंग समुंदर धरीरे ओतरेकू दोहोना।

मरकूस 4:1 Σταυροειδείς Αναφορές

मरकूस 2:13

हनते ईसू हुडिंग समुंदर धरीरे अरूय सेनेडा। हनमेला मुरुक होड़कू ईसू एचेरेकू वेजेडा अरू हाँय हँकूय चेडा।

मरकूस 3:7

हनते ईसू अरू आँयगरिकुःआ चेलाकू हना सहर अते गलीलराः हुडिंग समुंदर अगीकू सेनेडा अरू गलील छतर अरू एहूदिया छतर अते मुरुक होड़कू हंडा हाँय तयोम तयोमकू सेनेडा।

मरकूस 3:9

मुरुक होड़कू दोहोना हनालगा, ईसू आँयग चेलाकू एचेरेय कतातेड, “मीटोंग डोंगा ईंग लगा सपड़ावगोडपे जेमहा नँकुःआ होड़कू ईंगकू अलोकू रेहेड-तेपेडगे।”

मरकूस 4:36

ईसू डोंगारेय दुड़ुःनेना, हना डोंगारे आँयग चेलाकू होंकू देगनेना अरू हँकू हना समुंदर मार परोम तोराकू। एटाः एटाः होड़कू एटाः डोंगारेकू देगनेनखन हँकू सुदाकू सेना।

मरकूस 5:2

ईसू डोंगा अतेय उतरावनेन दो, भूत समसावनेना मी होड़ मड़गट अते उडुंगकियानखन ईसू सुदाय जुमावनेना।

मरकूस 5:21

हनते ईसू डोंगारे हना हुडिंग समुंदर अरू पारनेनखन मार परोमे कुदा सेनेडा अरू हना समुंदर धरीरेय दोहोना। दो मुरुक होड़कू ईसूराः चइरो गतरकू जुमावयान।