मरकूस 3:20 - Korwa Bible

²⁰ हनते ईसू मीटोंग ओड़ाःरेय बोलोनेना। हंडा हों मुरुक होड़कू जुमावनेना अरू ईसू अरू आँयगरिकुःआ चेलाकू जोम लगा हों मेरकू अवेया।

मरकूस 3:20 Σταυροειδείς Αναφορές

मरकूस 1:45

मनदो हाँय हान अगीते सेनेडखन जमा होड़कू एचेरेय कताया, ईसू ईंगे नपायकेरा, माःआन। हनालगा ईसू तोनोंगाः सहररे ओरोय सेने अवेगान अरू हाँय टयंगाब ततेररेय दोहोना। हनारे हों होड़कू एटाः एटाः देस अगीते ईसू एचेरेकू वेजेडा।

मरकूस 2:1

तोनोंग दिन तयोमरे ईसू कपरनहूम सहर अगीय कुदा वेगा। दो हंडाकुःआ होड़कू अयूमतेरा, ईसू अनँयग ओड़ाःरेय सोदोरयना, माःआन।

मरकूस 3:19

अरू ईसू तयोमरेय एचे साबतिरिया हाँयग जूदा इसकरियोती।

मरकूस 3:7

हनते ईसू अरू आँयगरिकुःआ चेलाकू हना सहर अते गलीलराः हुडिंग समुंदर अगीकू सेनेडा अरू गलील छतर अरू एहूदिया छतर अते मुरुक होड़कू हंडा हाँय तयोम तयोमकू सेनेडा।

मरकूस 3:9

मुरुक होड़कू दोहोना हनालगा, ईसू आँयग चेलाकू एचेरेय कतातेड, “मीटोंग डोंगा ईंग लगा सपड़ावगोडपे जेमहा नँकुःआ होड़कू ईंगकू अलोकू रेहेड-तेपेडगे।”

मरकूस 6:31

मुरुक बगरा होड़कू सेन वेगा दो ईसू अरू आँयगरिकुःआ मूक चेलाकूके जोजोम लगा हों मेरकू ओवाया। हनालगा ईसू हँकू एचेरेय कतातेड, “दोबू अबू रिंग-रोंग ततेररे गुनमिनबू लोड़ोनता।”

मरकूस 7:17

हनते ईसू होड़कू अगीते तोराय अरू मीटोंग ओड़ाःरेय बोलोयान। हाँयरिकुःआ चेलाकू हाँय एचेरे नाःआ कहड़ीराः मतलोबकू होंबोरतेरा।

मरकूस 9:28

ईसू ओड़ाःरेय वेजेड दो आँयगरिकुःआ चेलाकू एकलाकू होंबोरतिरिया, “ने गुरुजी, अले चिला लगा हाँयग भूत मेरले उडुंग अवेगडीग?”

लूका 6:17

ईसू हना तयोमरे पहाड़ अते आँयगरिकुःआ मूक चेलाकू सुदाय उतराव वेजेडा अरू मुरुक बगरा चेलाकू सुदा डंडहारेकू चड़ाँनेन। एहूदिया छतररिकुःआ अरू एरुसलेम सहररिकुःआ अरू सूर अरू सइदा सहररिकुःआ मुरुक होड़कू हों हंडाकू वेजेडा।