मरकूस 16:13 - Korwa Bible

¹³ हँकिन हों ईसू ञेलतेडखन ईसूरिकुःआ अदोम चेलाकू एचेरे एरुसलेम सहर अगी कुदा सेनेडखनकिन कता उदुःवाकुःआ। मनदो हँकिनराः बड़रा हों हँकू मेरकू बिसवासगाड।

मरकूस 16:13 Σταυροειδείς Αναφορές

मती ओजाःतेरा भगवानराः नपाय सरवन 28:17

हँकू ईसूकू ञेलतेरा दो, हँकू हाँयकू सलामतेरा। मनदो अदोम चेलाकू मेरकू बिसवासगाड।

मरकूस 16:11

“ईंग ईसू जियाव रेमतोयिंग ञेलतिरिया।” मरियम नाःआ कताय कता उदुःआ, मनदो हँकू मेरकू बिसवासगाड।

मरकूस 16:14

हना तयोमते हँकू गारहगोटोंग मूक चेलाकू जोजोम लगाकू दुड़ुःकुःआ दो, ईसू हँकू एचेरे अनँयग एचे ञेलेयान। ईसू जियाव रेमयनाय, हना होड़कू उदुःवाकुःआ, दो हँकू मेरकू बिसवासगाड अते ईसू हँकूराः बेगर बिसवास अरू केटेग जीव अतेय डंटावतेडकुःआ।

लूका 16:31

इबराहीम हाँय एचेरेय कताया, मोसेस अरू भगवानराः बड़रा कता होड़कूराः सरवन हँकू मेरकू मनाः दो गोएगतो होड़कू अते तोनोंगीग जियाव रिमुः हों हँकू कसूर अते जीव ओनोरोकू कुदातेरा।”

लूका 24:11

अइमीकू कताया हना बड़रा हँकू लगा लबरा कहड़ी इया लगावनेना। अरू हना बड़रा हँकू मेरकू बिसवासगाड।

लूका 24:41

हँकुःआ होड़कू मुरुककू बहालयान। हनारे हों हँकू नाःआ जमा कता सताय हवे माःआन मेरकू बिसवासगेःआ। दो ईसू हँकू एचेरेय होंबोरतेरा, “नंडा कहिसाः जोम लगा इदा जा?”

एहुना 20:25

तयोमरे एटाः चेलाकू हाँय एचेरेकू कतातेड, “अले ईसूले ञेलतेरा।” मनदो हाँय हँकू एचेरेय कताया, “ईंग हाँयराः तिःईरे काटीराः दुलूयिंग ञेल अरू हना दुलूरे ईंगराः अंगरी मेरिंग सोलोंगे अरू हाँय पंजररे ईंगराः तिःई मेरिंग सोलोंगे वरी ईंग ओरोयिंग बिसवासतेरा।”

एहुना 20:8

हना तयोमरे मड़ंगरेय सोदोरनेना हाँयग चेला हों लात पेंदारेय बोलोयान अरू ञेलतेडखने बिसवासतेरा।