मरकूस 16:1 - Korwa Bible

¹ लोड़ोनराः दिन पारयान दो मगदलियायिन मरियम अरू एकूबरीग एंगात मरियम अरू सलोमी ईसूराः मुरदारे तिलाःगे लगा नपाय महका हना जिनिसकूनकू किजातेरा।

मरकूस 16:1 Σταυροειδείς Αναφορές

मरकूस 14:3

बेतनिया गाँवरे सिमोन ञावीग मी होड़ होड़ दोहोना। हाँय मड़ंगरे कुड़गा होड़े दोहोना। आँयग ओड़ाःरे जोजोम लगा ईसू दुड़ुःनेना। दो मी होड़ अइमी मुरुक सुघर दिरिराः बोतोलरे मुरुक किमइतराः अरू नपाय महका हना जटामसी सुनुमे अगूतेरा। अरू हाँय बोतोल राबतेडखन हना सुनुम ईसू बोःरेय दूलगोतेड।

मरकूस 14:8

नाँयग अइमी एचे अवेःआ हनानाःए एचेकेरा। नाँय ईंगकू तील अते मड़ंग ईंग धाररे सुनुमे तिलाःकेरा।

मरकूस 15:40

मुरुक बगरा अइमीकू तोरेते ईसूकू ञेञेला। हँकू अते मगदलियायिन मरियम, हुडिंगीग एकूब अरू ओसेसरीग एंगात मरियम अरू सलोमी दोहोना।

मरकूस 15:42

दो सिंगाड़यान अरू लोड़ोनराः दिन वेग अते मड़ंग सपड़ाःराः दिन दोहोना।

मरकूस 15:47

मगदलियायिन मरियम अरू ओसेसरीग एंगात मरियम ञेञेलाकिन हाँय करेकू मंडावकिरिया।

मरकूस 16:2

हपताराः मड़ंग एतवार दिन अंगुः निंदावा मड़गटरेकू सेनेडा।

मरकूस 16:8

हँकू बोरतेकू एकलाःआ अरूकू बयावयान। हनालगा हँकू लात मड़गट अते उडुंगनेनखनकू ञीरयान। हँकू मुरुककू बोराः। हनाते तोनोंगीग एचेरे कही माःआन मेरकू साला।

लूका 23:54

हना दिन लोड़ोनराः दिन अते मड़ंग दिन दोहोना। अरू होड़कूके लोड़ोनराः दिन लगा सपड़ाः दोहोना।

लूका 23:56

हनते हँकू ओड़ाः कुदा सेनेकियानखन नपाय महक सकमकून अरू सुनुमकू सपड़ाव दोहोतेरा। हनते हँकू नियम इया लोड़ोनराः दिनरेकू लोड़ोनेना।

लूका 24:1

हपताराः मड़ंग दिन, एतवार दिन अंगुः मेला हँकुःआ अइमीकू हँकू सपड़ाव दोहोतेरा हना नपाय महक जिनिसकून मड़गट लातरेकू गोःतेरा।

एहुना 19:25

ईसू कुरूसरे ठोंकावतोय दोहोना, हंडा हाँयरीग एंगात अरू इहड़ोएंगतो, कोलोपासरीग एंगातुकू मरियम अरू मगदलियायिन मरियम, नँकुःआ जमाकू हंडा चड़ाँतकू दोहोना।

एहुना 19:31

हना दिन पसहा परोब लगा सपड़ावगेराः दिन दोहोना। एटाः दिन मरंग लोड़ोनराः दिन दोहोना। हनालगा हना दिन एहूदाकू तोनोंगीग गोएगतो होड़ कुरूसरे मेरकू दोहो ओवाया। दो हँकू पिलातूस एचेरेकू कतातेरा, “ने साहेब, कुरूसरेकू ठोंकावकेडकुःआ हँकुःआ होड़कूराः काट एचे टोटाः एंडाकेडखन हँकूराः मुरदाम एचे उतराव एंडागोड।”