मरकूस 15:14 - Korwa Bible

¹⁴ दो हँकू एचेरे पिलातूस कतातेरा, “नाँय चिला लगायिंग एचे ठोंकाव गोजेय? नाँय चिलाय कसूरकेरा?” मनदो हँकुःआ होड़कू अरू खिररीवाडखनकू कताया, “नाँय कुरूसरेम एचे ठोंकाव गोजेय।”

मरकूस 15:14 Σταυροειδείς Αναφορές

मती ओजाःतेरा भगवानराः नपाय सरवन 27:19

पिलातूस गदीरे फड़ियावगे लगाय दुड़ुःआ हनमेला आँयगरीग अइमी हाँय एचेरे मीटोंग सरवने वारतेरा, “हाँयग सुधिया होड़राः जीवरे तोनोंगाः अलोम एचे। हाँय बदीरे ईंग मीटोंग सपनायिंग ञेलकेरा अरू हनाते नुँहू वरी ईंगराः जीव ओंगोल कुंभलाःतना।”

मती ओजाःतेरा भगवानराः नपाय सरवन 27:4

“ईंग बेगर कसूर होड़ एचे साबतिरिगखनिंग कसूरकेरा।” मनदो हँकू कतातेड, “हनारे अले लगा तोनोंगाः मतलोब कोवानेःआ। हना दो अनम ञेल।”

मती ओजाःतेरा भगवानराः नपाय सरवन 27:54

मी सव सइना होड़कूरीग हातपात होड़ अरू ईसूकू अगुरातेरा हँकुःआ होड़कू ओत डोलोवतो अरू नाःआ जमाकून ञेलतेडखन मुनुरुककू बोरोयान अरूकू कतातेड, “सतायरे नाँय भगवानरीग बेटात दोहोना।”

मरकूस 15:13

दो हँकुःआ होड़कू खिररीवाडखनकू कतातेड, “नाँय कुरूसरेम एचे ठोंकाव गोजेय।”

मरकूस 15:15

हनते हँकुःआ होड़कूराः जीव बहालगुः लगा पिलातूस बराबा हँकू लगाय अड़ाःगोतेडीग अरू ईसू गुरुंदते एचे ञेडवडीगखन कुरूसरे ठोंकाव गोएगगे लगा रूमी सइना होड़कू एचेरेय जिमागोतेडीग।

लूका 23:21

मनदो हँकू अरू खिररीवाडखनकू कताया, “कुरूसरेम एचे ठोंकावगेय, कुरूसरेम एचे ठोंकावगेय।”

लूका 23:4

हनते पिलातूस मरंग पुजउरीकू अरू एटाः होड़कू एचेरेय कताया, “नाँयग होड़ एचेरे ईंग तोनोंगाः गारबार मेरिंग ञाम अवेयतना।”

लूका 23:41

अलंग बना होड़लंग कसूरकेरा अरू हनाराः डंडलंग पवावकिया। नाँयग होड़ दो तोनोंगाः मेरेय कसूरगरा। हनते हों नाँयकू डंडियावगोतेडा।”

लूका 23:47

मी सव सइनाकूरीग हातपात होड़ हंडाय दोहोना। हाँय हंडा होयानेना हना जमा ञेलतेडखन भगवाने जागतेरा अरू ईसू बदीरेय कताया, “सनातायरे नाँयग होड़ बेगर कसूर होड़े दोहोना।”

एहुना 18:38

दो पिलातूस होंबोरतेड, “सताय चिला हवे?” हनते हाँय एहूदा होड़कूरिकुःआ मूक होड़कू एचेरे बाहरी अरू सेनेडखने कताया, “हाँय एचेरे तोनोंगाः गारबार मेरिंग ञामगडा।

एहुना 19:6

मरंग पुजउरीकू अरू हातपात होड़कू ईसूकू ञेला दो हँकू मुरुक सटीतेकू कताया, “नाँय कुरूसरेम एचे ठोंकावगेय, कुनुरूसरेम एचे ठोंकावगोडेय।” मनदो पिलातूस कतातेरा, “ईंग नाँय एचेरे कहिसाः कसूर मेरिंग ञामगडा। हनालगा अँननपे गोःकिडिगखन कुरूसरेपे ठोंकावगेय।”

मूक चेलाकू 13:28

हाँय एचेरे तोनोंगाः कसूर मेर दोहोगान, हनारे हों हँकू पिलातूस एचेरे हाँय ञेड एंडागेय लगाकू असेतिरिया।

मूक चेलाकू 19:34

मनदो हँकू सुदीगोतेड, नाँय एहूदा होड़ हवे माःआन। हननमेला हँकू बार घंटा वरी मिनीनेनखन खिररी घड़ीनकू कताया, “इपीसी सहररीग अरतिमीस देबी मरंग इदानिया! इपीसी सहररीग अरतिमीस देबी मरंग इदानिया!”

इबरानी 7:26

इनीसू हमा अबू जुकूर मरंग मूक पुजउरी। हाँय सुद अरू बेगर गारबार अरू बेगर कसूरीग इदानिया। नुँहू हाँय सेरमो देसरे मुरुक मान मरजइत सुदा इदानिया।

1 पतरस 1:19

मनदो बेगर गारबार अरू बेगर कसूरते इदानिया हाँयग भेड़ा होन ईसू मसीराः मुरुक किमइताः बलंगीते भगवान अपेय सडावकेडपेःआ।