मरकूस 12:7 - Korwa Bible

⁷ मनदो अधियादारकू अँननकू अँकू कता होड़ेंगा, ननाँय इताड गोःयीग होड़ हवे। दबूपे, नाँयबू ञेड एंडा। हनते नाःआ जमा अँननबूराः होया जुवाःता।

मरकूस 12:7 Σταυροειδείς Αναφορές

मती ओजाःतेरा भगवानराः नपाय सरवन 2:16

तयोमरे हरदोस राजा सुदीगोतेडे, “हँकुःआ कनहूनदार होड़कू ईंगकू अडिगकेरा।” दो हरदोस राजा मुरुके रीसनेन अरू हाँय आँयगरिकुःआ होड़कू बेतलेहेमरेय वारगोतेडकू। हाँय कनहूनदारकू अतेय सुदीतेरा हना बेला इया बेतलहेम सहररिकुःआ बार बरिस अते हुडिंग हुडिंग जमा हेरेल होनकूय एचे ञेड एंडा गोतेडकू।

मती ओजाःतेरा भगवानराः नपाय सरवन 21:34

हनते जोःराः बेला सोदोरनेन दो हाँयग मालिक अधियादारकू एचेरे आँयग बंटा अगू लगा हड़वाहाकूतेने वारगोतेडकू।

मरकूस 12:12

मूक पुजउरी अरू नियम चेडदार होड़कू अरू एहूदा मूक होड़कू सुदीगोतेडकू, ईसू अबू बदीरे नाःआ कहड़ीय कताकेरा, माःआन। हनालगा हँकू हाँय साबगेय लगाकू ओंगोलतेरा। मनदो हँकू ईसू साब अते होड़कूकू बोरोवाःआ अरू हँकू हाँय अड़ाःवडीगखन तोराकू।

मरकूस 12:6

टुटीगरे मिनी होड़ हाँयरीग दुलार बेनेटात एकला बनसावनेना। अरू हाँय नाःआ ओंगोलतेडखने वारतिरिया, हँकुःआ होड़कू ईंग बेटाकू मान मरजइतता।

मरकूस 12:8

अरू हँकू हाँय साबतिडीगखनकू ञेड गोएग एंडागोतेडीग अरू हाँयराः मुरदा अंगूर बगइचाराः बहरीकू तेके एंडागोतेड।”

मूक चेलाकू 2:23

भगवान मड़ंगरेय ओंगोल दोहोतेरा हना ओंगोल अरू बुइद इया नाँयग होड़ अपे एचेरेय जिमातिरिया अरू बेगर एहूदाकूराः संघराते अपे हाँय कुरूसरेपे ठोंकाव गोएग एंडागोतेडीग।

मूक चेलाकू 5:28

अरू मूक पुजउरी हँकू एचेरेय होंबोरतेरा, “अपे एचेरे मड़ंग मेरले कतागाड जा, ईसूराः ञावते अपे होड़कू अहापे चेडकू, माःआन? अरू अपे एरुसलेम सहररिकुःआ जमा होड़कूराः लुतूर पेरेगवामिनपे चेडगोतेडकुःआ। नाःआते अपे गोएगनेना हाँयग होड़राः डंड अले चोटरे लछावगे लगापे ओंगलेतना जा?”

मूक चेलाकू 7:52

अपेरिकुःआ खुटिपरिया होड़कू भगवानराः बड़रा कता होड़कू जमाकूकू संतावतेरा। अपेरिकुःआ खुटिपरिया होड़कू बेगर गारबार होड़राः बदीरे मड़ंगरेकू कतातेरा हँकुःआ होड़कू होंकू ञेड गोएग एंडातेडकुःआ। अरू नुँहू अपे ईसू चुबिलीतेडखनपे एचे ञेडतिरिया।

इबरानी 1:2

मनदो नाःआ टुटीगगुः अते मड़ंगाः दिनरे भगवान अनँयगरीग बेटातते अबू सुदाय बड़राकिया। आँयगरीग बेटात जमा जिया-जइतकूनरीग इताडदार हवे अरू हाँय अते जमा राइजबड़ी भगवान तुलाकेरा।