मरकूस 10:14 - Korwa Bible

¹⁴ नाःआ ञेलवाडखन ईसू रीसयाने अरूय कतावाकुःआ, “लइंकू ईंग एचेरेपे वेग ओवाकू। हँकू अहापे रोंकावकू। नँकुःआ लइंकू इया इदानकुःआ, हँननकुःआ होड़कूराः हवे भगवानराः राइज।

मरकूस 10:14 Σταυροειδείς Αναφορές

मती ओजाःतेरा भगवानराः नपाय सरवन 18:10

“अपे ईंगपे अयूम, ईंग एचेरेकू बिसवासगेता हँकुःआ होड़कू अते तोनोंगीग हुडिंगीग होड़ अहापे आड-बेकारवाय। सेरमो देसरे नँकूरिकुःआ अगुरादार बराहीलकू, हंडा इदानिया ईंगरीग अपांग भगवान सुदा सगर बेला इदानकुःआ।

मती ओजाःतेरा भगवानराः नपाय सरवन 18:4

नाँयग लँइग इया अनँयग हुडिंगे ओंगोलगुःता हाँयग होड़ भगवानराः राइजरे भगवान मरंगे बड़ाँवगेयता।

मती ओजाःतेरा भगवानराः नपाय सरवन 19:14

दो ईसू कतातेड, “लइंकू अहापे रोंकावकू। ईंग एचेरेपे वेग ओवाकू। नँकुःआ लइंकू इया इदानकुःआ हँननकुःआ होड़कूराः हवे भगवानराः राइज।”

मती ओजाःतेरा भगवानराः नपाय सरवन 5:10

नपाय बुताकू बुतातान अते संतावरेकू पराःता हँकुःआ होड़कूराः जीव भगवान भलावाडखने नपायगेयता, अरू भगवानराः राइजरे हँकू बोलो अवेनता।

मती ओजाःतेरा भगवानराः नपाय सरवन 5:3

“भगवानराः कताकून बदीरे गरीब इदानकुःआ हँकुःआ होड़कूराः जीव-जहन, भलावाडखने नपायगेयता, अरू सेरमो देस हँननकूराः हवे।

मरकूस 3:5

ईसू हँकुःआ होड़कूराः कटकट जीवतेय रीसयान। हनते ईसू चइरो गतर होड़कू ञेलवाडखन तिःई कोकोड़ावतो होड़ एचेरेय कताया, “आम तिःई लंबावगेमे।” दो हाँय अनँयग तिःईय लंबावगोतेड अरू हाँयराः तिःई नपाययान।

मरकूस 8:33

हनते ईसू उलटावनेनखन एटाः चेलाकू होरे ञेलतेरा अरू पतरस डंटावतेडखने कताया, “ने कलउ, ईंग मड़ंग अते तोरेनमे। आम भगवानराः कता इया कोवान, मनदो होड़कूराः कता इयाम ओंगोलतना।”

एहुना 3:3

दो ईसू हाँय एचेरेय कता कुदातेरा, “आम ईंगमे अयूम, तोनोंगीग होड़ अरू मी तुरहा, मेरेय जनमाः दो हाँय भगवानराः राइजरे ओरोय मेसा अवेनेना।”

एहुना 3:5

दो ईसू कतातेरा, “ईंगमे अयूम! तोनोंगीग होड़ भगवानराः राइजरीग होड़ बड़ाँः लगा इदान दो हाँय दाः अरू भगवानराः सुद बिरुवाते जनमावगुः लगा इदा।

मूक चेलाकू 2:39

नाःआ जबान अपे लगा अरू अपेरिकुःआ लइंकू लगा अरू लंकारे इदानकुःआ हँकुःआ होड़कू लगा, अबूरीग परबू भगवान राःकूता हँकुःआ जमा होड़कू लगा इदा।”

मूक चेलाकू 3:25

अपे भगवानराः बड़रा कता होड़कूरिकुःआ नइड़-बाँस होड़कू इदानपेःआ अरू भगवान अबूरिकुःआ खुटिपरिया होड़कू सुदाय जबानतेरा हना जबानराः इताडदारकू इदानबुःआ। अरू भगवान अबूरीग खुटिपरिया होड़ इबराहीम एचेरे नाःआ इयाय जबानतेरा, आमरिकुःआ नइड़-बाँस होड़कूते, चउंदीसरिकुःआ जमा जइत होड़कू ननपायकू दोहोनता।

रूमी 11:16

अपे ईंगपे अयूम! अपे सुवेडतो गुंडा अते मी बंटा भगवान लगापे एमेय दो हना जमा गुंडा सुद जुवाःता। अरू जेर नपाय इदान दो हनाराः डइड़कून हों नपाय दोहोनता।

रूमी 11:28

इसराएल होड़कू नपाय सरवन बिसवासगे लगा मेरकू चहाःता। हनालगा हँकू भगवानरिकुःआ मुदइ होड़कू हवे। अरू हनाते अपे लगा नफा होयाकिया। मनदो भगवान इसराएल होड़कूरिकुःआ खुटिपरिया होड़कू एचेरे मड़ंगरेय जबानकेड अते, हाँय हँकू सुनाव दोहोकेडकूखने दुलारकेडकुःआ।

1 कुरिंती 14:20

ने ईंगरिकुःआ अजी बोपोहकूतिंग, अपे लइंकू इया अहापे ओंगले। मनदो अपे सयाँड़ होड़कू इयापे ओंगले अरू बती लइंकू इया सुझिया होड़कूपे बड़ाँः।

1 कुरिंती 7:14

तोनोंगीग बिसवासी अइमीरीग हेरेलतो मेरेय बिसवासगेतान हों, हाँयग अइमी बिसवासगेतान अते हाँयगरीग हेरेलतो हों सुदे बड़ाँव जुवाःता अरू हनन इया बिसवासी मरदरीग एरात मेरेय बिसवासगेतान हों, हाँयग मरद बिसवासगेतान अते हाँयगरीग एरात हों सुदे बड़ाँव जुवाःता। निही दो अपेरिकुःआ लइंकू सुद ओरोकू दोहोकुःआ, मनदो नुँहू हँकू सुद इदानकुःआ।

इपीसी 4:26

अपे रीस जुवाः दो, अहापे कसूरगे। बेर बुडाः वरी हना रीस अलोपे दोहो ओवा,

2 तिमुतियूस 1:5

आम ईसू मसी एचेरे बेगर गारबारतेम बिसवासकेरा हनायिंग उहियारतना। हनन इया आमरीग जियाम लोइस अरू आमरीग एंगाम ऊनिस हों बिसवासतेरा। अरू ईंग सुसुदीतनायिंग आम हों हना इयाम बिसवासगेतना।

2 तिमुतियूस 3:15

लनँइग वरीते नपायतेम सुदी अगूयतना हना सरवन भगवानराः कागदरे ओजाःतो इदा। हनानाः सरवन ईसू मसी एचेरे बिसवासकेडखन सडाः लगा कनहून एमेवामता।

1 पतरस 2:2

बती लइंकू इया अपे हों सुद दूद इया इदा हना भगवानराः सरवन लगापे रोयोँन, जेमहा हना सरवनतेपे बड़ियाड़ इदीन अरू जमालेःआतेपे सडाव जुवाः।

उदुःतो कताकून 14:5

हँकू कहियो मेरकू लबरागान अरू बेगर गारबारते इदानकुःआ।