मरकूस 1:27 - Korwa Bible

²⁷ दो जमाकू बयावयानकू अरूकू कता होड़ेंगा, “नाःआ दो चिला हवे? नँवा चेड हवे जा? नाँय हुकुमगेतान दो भूतकू हों होड़कू अतेकू ञीर जुवाःता।”

मरकूस 1:27 Σταυροειδείς Αναφορές

मती ओजाःतेरा भगवानराः नपाय सरवन 15:31

कोंदा होड़कू बड़राःआ अरू लेचवा होड़कू नपाययान, अरू लंगड़ा होड़कू सेना अरू अंधा-अंधी होड़कूराः मेड ञेञेला दो, हँकुःआ होड़कू हना ञेलतेडखनकू बयावयान अरू इसराएल होड़कूरीग भगवानकू जागतिरिया।

मती ओजाःतेरा भगवानराः नपाय सरवन 8:9

ईंग होड़कूराः आड़रे इदानिंगा, अरू ईंगराः कता मनाः सइना होड़कू हों इदानकुःआ। ईंग मी होड़ एचेरेयिंग कतायता, दूमे, दो हाँय सलाव जुवाःताय अरू मी होड़ एचेरेयिंग कतायता, दबूमे, दो हाँय ईंग एचेरेय वेग जुवाःता। ईंग सेवकिया होड़ एचेरेयिंग कतायता, नाःआ बुताम एचे, दो हाँय हनानाः बुताय बुताता।”

मती ओजाःतेरा भगवानराः नपाय सरवन 9:33

ईसू हाँयग भूते उडुंगगोतेड दो, हाँयग होड़ बड़राःआय। जमा होड़कू बयावनेनखनकू कतातेड, “जमा इसराएल राइजरे नाःआ इया अले नुँहू वरी मेरले ञेलगरा।”

मरकूस 1:26

दो भूत हाँय एचे एकलावतिरिया अरू खिररीवाडखन हाँयग होड़ अतेय उडुंगनेना।

मरकूस 1:28

अरू ओहेन जमा गलील छतरराः डोबरा भइर ईसूराः ञाव जगावयान।

मरकूस 10:24

ईसूराः बड़रा अयूमवाडखन आँयगरिकुःआ चेलाकू बयावयानकू। मनदो ईसू अरूय कताया, “ईंगरिकुःआ वपक-बोपोहकूतिंग, अपे ईंगपे अयूम, भगवानराः राइजरे मी होड़ बोल लगा मुरुक मसकिल इदा।

मरकूस 10:32

दो ईसू अरू चेलाकू एरुसलेम सहर होर दूररेकू सेना। अरू हाँय हँकू मड़ंग मड़ंगगे सेना। चेलाकू मुरुककू बयावयान अरू हँकू देह दूरकू वेगा, हँकुःआ होड़कू बोरोयानकू। अरू हँकू सेनेन सेन दूररे ईसू आँयग बारहगोटोंग मूक चेलाकू एचेरे मड़ंगरे होयाःता हना कताय उदुःवातेडकुःआ,

मरकूस 16:5

मड़गट लात पेंदारेकू बोलोनेन दो हंडा मी होड़ डिंघा उजड़ सोनहे तुसिंगतो खउना गतर दुड़ुःतोकू ञेलतिरिया अरू मुरुककू बयावयान।

मरकूस 16:6

दो हाँय कतावातेडकू, “अहापे बयाःआ। कुरूसरेकू ठोंकाव ञेडतिरिया हाँयग नसरतरीग ईसूपे ञामतना जा? हाँय नंडा कोवाया। हाँय जियाव रेमयनाय। हाँय दोहोना हना मनेनपे ञेल।

मरकूस 7:37

होड़कू मुरुक बयावनेनखनकू कताया, “ओहरे! नाँयग होड़ तोनोंगाःय एचेयता दो हना जमा ननपाय इदा। नाँयराः कतारे बहिरा होड़कू होंकू अयुमेता अरू कोंदा होड़कू होंकू बड़राता।”

लूका 4:36

हनते जमाकू मुरुककू बयावयान अरूकू कता होड़ेंगा, नाँय करा इयाय हुकुमतेरा? नाँयराः हुकुमते भूतकू हों होड़कू अतेकू ञीर जुवाःता। हनालगा नाँयके मुरुक जंगर अरू हातपात इदा, माःआन।

लूका 9:1

हना तयोमरे ईसू आँयगरिकुःआ बारहो मूक चेलाकूय राःतेड अरू हँकूके भूतकू उडुंगकू लगा अरू बेमरियाकू नपायकू लगा हातपाते एमेवातेडकुःआ।

मूक चेलाकू 17:19

हनते हँकू हाँय अरियूपगुसराः मरंग पंचाइतरेकू अगूतिरिया अरू हाँय एचेरेकू कतातेरा, “आम चेड उदुःगेतना हना नँवा चेड अले होंम कता उदुःवा हान चिला हवे, माःआन।