मरकूस 1:22 - Korwa Bible

²² हाँय नियम चेडदार होड़कू इया मेरेय चेडगाडकू, मनदो हातपात पवावतो होड़ इयाय चेडतेडकुःआ। हनालगा जमा होड़कू हाँयराः चेडतो अयूमवाडखनकू बयावयान।

मरकूस 1:22 Σταυροειδείς Αναφορές

मती ओजाःतेरा भगवानराः नपाय सरवन 13:54

अरू अनँयगराः छतररे सोदोरनेनखन भगवानराः अरजी ओड़ाःरे होड़कूय चेडा। दो होड़कू बयावनेनखनकू कतातेड, “नाँयग होड़ नाःआ इयाःआ कनहून अरू मुरुक जंगरराः बुता करतेय पवावकिया?

मरकूस 1:23

हनमेला भूत समसावनेना मी होड़ होड़ हना अरजी ओड़ाःरेय वेजेडा। हाँय खिररी घड़ीने कताया,

लूका 2:47

ईसूराः कनहून अरू हाँयराः बड़रा अयूमकेडखन जमा होड़कू बयावयान।

लूका 21:15

हननमेला अपे हँकू सुदा बड़रा लगा कनहूनिंग एमेवापेता। अपेराः हना बड़रा अयूमकेडखन अपेरिकुःआ मुदइ होड़कू ओरोकू हरुवाव अवेतेडपेःआ अरू ओरोकू घंटाव अवेतेडपेःआ।

लूका 4:32

ईसू हातपात पवावतो होड़ इयाय चेडकुःआ अरू हँकुःआ होड़कू हाँयराः बड़रा अयूमवाडखनकू बयावयान।

एहुना 7:46

दो हँकू कतातेड, “तोनोंगीग होड़ हाँयराः कता इया मेरकू कतागरा।”

मूक चेलाकू 6:10

मनदो हाँय हँकूराः कताकून कता कुदागे लगा भगवानराः सुद बिरुवा हाँय कनहूने एमेवातिरिया। हनालगा हँकू हाँय एचेरे मेरकू कता कुदा अवेगाड।

2 कुरिंती 4:2

मनदो ओनोक दनंगकू एचेयता हना गियुः इयाःआ बुताकूनले अड़ाः एंडागोतेरा। अले चलहू होड़कू इया मेरले सलाःता अरू भगवानराः सरवनरे एटाः तोनोंगाः सरवन मेरले मेसायता। मनदो अले बदीरे भगवान सुनुदीबाःगोडता, हँकू जमा होड़कू एचेरे ईंगराः सताय सरवनकू कता उदुःगेता, माःआन। नाःआते अले बदीरे जमा होड़कू अँननकूराः इंदरीरेकू सुदीबाःगोडता, हँकू भगवान ननायगुः जुकूर इदानकुःआ, माःआन।