मती ओजाःतेरा भगवानराः नपाय सरवन 9:1 - Korwa Bible

¹ हनते ईसू डोंगारेय देगनेन अरू हुडिंग समुंदर पारनेनखन आँयग दोहोना हना कपरनहूम सहररेय कुदा सेनेडा।

मती ओजाःतेरा भगवानराः नपाय सरवन 9:1 Σταυροειδείς Αναφορές

मती ओजाःतेरा भगवानराः नपाय सरवन 4:13

तोनोंग दिन तयोमरे ईसू नसरत सहर अते उडुंगनेनखन, जबुलून अरू नपताली गोतोररिकुःआ होड़कू दोहोना हना छतरराः, हुडिंग समुंदरते धरीराः कपरनहूम सहर सेनेडखन हंडाय दोहोना।

मती ओजाःतेरा भगवानराः नपाय सरवन 7:6

सुद इदा हना जिनिसकून कुतुकू एचेरे अलोपे एमेय। हँकुःआ कुतुकू तयोमरे आमकू हवाःगोडता। अरू मुतीकून सुकरीकू मड़ंगरे अलोपे तेकेगे। नाःआ इयापे एचेय दो, सुकरीकू हना मुतीकूनकू चोडगोडता।

मती ओजाःतेरा भगवानराः नपाय सरवन 8:18

ईसू मुरुक बगरा होड़कू आयँगराः चइरो गतररे ञेलतेडकू दो हाँय चेलाकू एचेरेय हुकुमतेरा, “दोबू अबू नाःआ हुडिंग समुंदर मार परोमबू सेने पारता।”

मती ओजाःतेरा भगवानराः नपाय सरवन 8:23

हनते ईसू डोंगारे दुड़ुःनेनखने सेना अरू आँयगरिकुःआ चेलाकू हों हाँय सुदाकू दोहोना।

मरकूस 5:21

हनते ईसू डोंगारे हना हुडिंग समुंदर अरू पारनेनखन मार परोमे कुदा सेनेडा अरू हना समुंदर धरीरेय दोहोना। दो मुरुक होड़कू ईसूराः चइरो गतरकू जुमावयान।

लूका 8:37

हँकू मुरुककू बोरोयान अरू गरासीन छतररिकुःआ होड़कू ईसू एचेरेकू कतातेड, “आम अले सिमान अते सलाव जुवाःमे।” दो ईसू अरू आँयगरिकुःआ चेलाकू सेन लगा डोंगारेकू देगनेना।

लूका 8:40

ईसू गलील छतररेय कुदा वेगा दो मुरुक बगरा होड़कू हाँयकू ततंगीःआ अरू हाँयकू नेत-नेवारतिरिया।

उदुःतो कताकून 22:11

बेलूरकू एचेयता हँकुःआ होड़कू, बेनेलूरकू एचे ञवन, अरू मइलाल जीव होड़कू मनइलावकू दोहो ञवन, मनदो नपाय होड़कू ननपायकू एचे ञवन, अरू सुद होड़कू सुनुदकू दोहो ञवन।”