मती ओजाःतेरा भगवानराः नपाय सरवन 8:4 - Korwa Bible

⁴ हनते ईसू हाँय एचेरेय कताया, “नाःआ कता आम तोनोंगीग एचेरे अलोम बड़रा। मनदो आम पुजउरी एचेरे सेनेकियानखन एचे जासगुःमे, अरू आम सुद होयाः लगा मोसेस हुकुमकेरा, हना नियम इया बलिदानमे देगगे, जेमहा जमा होड़कू सुदीगोड, आम नपाययना, माःआन।”

मती ओजाःतेरा भगवानराः नपाय सरवन 8:4 Σταυροειδείς Αναφορές

मती ओजाःतेरा भगवानराः नपाय सरवन 10:18

अरू ईंग ञाव बदीरे राजाकू अरू हातपात होड़कू मड़ंगरे अपेकू ओर गोःयाता। हनमेला अपे हँकू एचेरे अरू बेगर एहूदाकू एचेरे ईंगराः हिदइतदारकूपे दोहोनता।

मती ओजाःतेरा भगवानराः नपाय सरवन 16:20

हनते ईसू सेतावतेडकूखन चेलाकूतेन एचेरेय कतातेड, “अपे तोनोंगीग एचेरे ईंग बदीरे, माँय मसी हवे, माःआन अलोपे कताय।”

मती ओजाःतेरा भगवानराः नपाय सरवन 17:9

अरू हँकू पहाड़ अतेकू उतराःआ हनमेला ईसू चेलाकूतेने हुकुमवातेडकुःआ, “मनुवारीग बेटात गोएगतो अते अरीन जियाव रिमुः वरी, अपे ञेलकेरा हना तोनोंगीग एचेरे अहापे उदुःगे।”

मती ओजाःतेरा भगवानराः नपाय सरवन 3:15

मनदो ईसू हाँय एचेरेय कतातेड, “नुँहू नाःआ इया होनोयाः ओवामे। भगवान एचे लगाय ओंगलेतना, हना होयाः लगा नाःआ इयालंग एचेय दो नपाय दोहोनता।” हनते एहुना ईसूराः कताय मनावयान।

मती ओजाःतेरा भगवानराः नपाय सरवन 5:17

“भगवानराः नियमकून अरू भगवानराः बड़रा कता होड़कूराः चेडतो लाय एंडागे लगायिंग वेगकिया, माःआन अपे अलोपे ओंगले। मनदो हना जमाकून पुरावगे लगायिंग वेगकिया।

मती ओजाःतेरा भगवानराः नपाय सरवन 6:1

“अपे होड़कू एचे उदुःवा लगा धरमराः नपाय बुताकून अलोपे एचेय। नाःआ इयापे एचेय दो, सेरमो देसरे इदानिया अपेरीग अपांग अते हना नपाय बुताराः इमान कहिसाः ओरोपे पवावनेना।

मती ओजाःतेरा भगवानराः नपाय सरवन 9:30

दो हँकिनराः मेड नपाययान। हनते ईसू हँकिन सेतावतेडखने कताया, “नाःआ कता अबा तोनोंगीग एचेरे अहाबा कताय।”

मरकूस 13:9

हनमेला अपे जगलेपे दोहोन। तोनोंग तोनोंग होड़कू पंचाइतरेकू साब इदीपेता अरू अरजी ओड़ाःरे अपेकू एचे ञेडपेता। ईंगराः ञाव बदीरे राजाकू अरू हातपात होड़कू मड़ंगरे अपेकू एचे चड़ाँपेता। अपे हनमेला हँकू मड़ंगरे ईंगरिकुःआ हिदइतदारकूपे होयाःता।

मरकूस 3:12

मनदो ईसू हँकू एचेरे सेतावतेडखने कताया, “ईंग बदीरे होड़कू एचेरे अहापे कता उदुःगे।”

मरकूस 5:43

हनते हाँय हँकू एचेरे हुकुमवाडखने कतातेरा, “नाःआ कता तोनोंगीग एचेरे अपे अहापे उदगे”, अरूय कताय, “नाँय जोम लगा कहिसाः एमेवायपे।”

मरकूस 6:11

तोनोंग सहररिकुःआ होड़कू अपे मेरकू नेत-नेवारपे अरू अपेराः कता मेरकू अयूमगे दो हना सहर अते सेनेन सेन मेला काटराः धुंदराकून कोटा एंडागोडपे। दो नाःआ हँकुःआ होड़कू भगवान डंडियावकूता हनाराः चिनहा इया दोहोनता।”

मरकूस 7:36

दो ईसू होड़कू एचेरेय कतातेड, “नंडा होयाकिया हना अपे तोनोंगीग एचेरे अलोपे उदुःगे।” मनदो ईसू अलोपे कताय माःआने कतातेरा, हिनिनमिन अरूकू कता उदुः होड़ेंगा।

मरकूस 8:30

दो ईसू सेतावतेडकूखने कतावाडकू, “ईंग बदीरे नाःआ कता तोनोंगीग एचेरे अहापे कताय।”

मरकूस 9:9

पहाड़ अते उतराः मेला हाँय हँकू एचेरेय हुकुमतेरा, “मनुवारीग बेटात गोएगतो होड़कू अते अरीने जियाव रिमुः वरी, अपे नाःआ कता तोनोंगीग एचेरे अहापे कताय।”

लूका 17:14

ईसू हँकू ञेलवाडखने कताया, “अपे दूपे, भगवान ओड़ाःरीग पुजउरी एचेरे सेनेकियानखनपे एचे जासगुः।” दो हँकू सेनेन सेन दुनूररे बेमारीतेकू नपाययान।

लूका 21:13

हनमेला अपे ईंगरिकुःआ हिदइतदारकू बड़ाँः लगा दाव होयाःता।

लूका 4:41

भूतकू मुरुक बगरा होड़कू अतेकू उडुंगयान अरू खिररी घड़ीनकू कताया, आम भगवानरीग बेटा हवे, माःआन। हँकुःआ भूतकू सुसुदीःआ ईसू, मसी हवे, माःआन। हनालगा हाँय हँकूय डंटावतेरा अरू मेरेय बड़रा ओवागाडकू।

लूका 5:14

हनते ईसू हाँये हुकुमवातेरा, “नाःआ कता तोनोंगीग एचेरे अलोम कताय। मनदो आम भगवानरीग पुजउरी एचेरे सेनेकियानखन एचे जासगुःमे। अरू मोसेस हुकुमकेरा, हना नियम इया आम सुदगुः लगा बलिदानमे देगगे, जेमहा जमा होड़कू सुदीगोड, आम नपाययना, माःआन।”

लूका 8:56

दो हाँयरिकिनाः एंगात अपात मुरुककिन बयावयान। मनदो ईसू हँकू एचेरेय कतातेरा, “नाःआ कता तोनोंगीग होड़कू एचेरे अहापे उदुःगे।”

लूका 9:21

हनते ईसू हँकू सेतावतेडखने कताया, “अपे नाःआ बड़रा तोनोंगीग एचेरे अलोपे कताय।”

एहुना 5:41

“ईंग होड़कूराः मान मरजइत मेरिंग चहाःता।

एहुना 7:18

अनँयग ओंगोलतेय कतायता हाँयग होड़ अनँयग मान मरजइतगुः लगाय चहाःता। मनदो तोनोंगीग हाँये वारकेरा हनाँय मान मरजइतगे लगाय चहाःता दो, हाँय सताय होड़ हवे अरू हाँय एचेरे तोनोंगाः गारबार मेर दोहोनता।

एहुना 8:50

ईंग इनिंग एचे मान मरजइतगुः लगा मेरिंग चहाःता। मनदो ईंगराः मान मरजइते चहाःता मी होड़ इदानिया, अरू हनाँय सताय फड़ियावदार हवे।