मती ओजाःतेरा भगवानराः नपाय सरवन 8:3 - Korwa Bible

³ हनते ईसू आँयग तिःई लंबावतेडखन हाँये टोँवावतिरिया। अरू हननमेला हाँयग कुड़गा बेमारीतेय नपाययान।

मती ओजाःतेरा भगवानराः नपाय सरवन 8:3 Σταυροειδείς Αναφορές

मती ओजाःतेरा भगवानराः नपाय सरवन 12:13

हनते तिःई कोकोड़ावतो होड़ एचेरे ईसू कताया, “आम तिःई लंबावगेमे।” दो हाँयग होड़ अनँयग तिःईय लंबावतेरा अरू हाँयराः एटाः तिःई इया हना तिःई हों नपाययान।

मरकूस 1:41

दो ईसू हाँये सोगावातिरिया। हनते तिःई लंबावतेडखन हाँये टोँवावतिरिया अरूय कताया, “ईंग चहाःतना, नपाय जुवाःमे।”

मरकूस 4:39

दो ईसू रेमनेनखन हना गड़रा घटा रोंकाः लगाय कतातेरा। दो हननमेला होय अरू लहरा रोंकावयान अरू होय ओहेन मधिमयान।

मरकूस 5:41

हनते ईसू हाँयग एराहोनराः तिःई साबतेडखने कताया, “तलीता कूमी!” (नाःआराः मतलोब नाःआ हवे, ने एराहोन रिमुःमे।)

मरकूस 7:34

हनते ईसू सेरमो अगी संगीलतेडखने सहेडतेरा। अरू हाँय एचेरेय कतातेरा, “एफाता!” (नाःआ लबदराः मतलोब गीग जुवाः हवे।)

मरकूस 9:25

ईसू ञेलतेडकुःआ होड़कू मुरुक बतकाव वेग घड़ीन मिनीरेकू जुमाःआ। दो हाँय भूत डंटावतेडखने कताया, “ने कोंदा अरू भइरा भूत, ईंग आमिंग कतावातना, नाँय अतेम उडुंग जुवाः अरू कहियो नाँय एचेरे अलोम जवाःगुः।”

लूका 4:27

भगवानराः बड़रा कतायीग होड़ एलीसाराः जूगरे इसराएल देसरे मुरुक बगरा कुड़गा होड़कू दोहोना। मनदो हँकू अते तोनोंगीग होड़ भगवान मेरेय नपायगडीग। सिरिया देसरीग नामान ञावीग कुड़गा होड़ एकला भगवान नपायतिरिया।”

लूका 5:13

दो ईसू तिःई लंबावतेडखन हाँये टोँवावतेरा अरूय कताया, “ईंग चहाःतना। आम नपाय जुवाःमे।” अरू हननमेला हाँय कुड़गा बेमारीतेय नपाययान।

लूका 7:14

हनते ईसू गोएगतो होड़ एचेरे सेनेवाडखन टटड़ाय टोँवावतेरा। दो तूल अअगुःआकू हँकुःआ होड़कू चड़ाँयानकू। हनमेला ईसू कताया, “ने डिंघा, आम एचेरे ईंग कतायतना, रिमुःमे।”

एहुना 11:43

नाःआ इया कतातेडखन मुरुक सटीते ईसू कतातेरा, “ने लाजर, उडुंग वेगमे।”

एहुना 15:24

तोनोंगीग होड़ नुँहू वरी मेरेय एचेगरा हना बुता ईंग हँकू तलारे मेरिंग एचेकेः दो, हँकू एचेरे कसूरराः बोझा ओरो होयाकुःआ। मनदो हँकू ईंग अरू ईंगराः बुताकू ञेलकेरा अरू ईंग अरू ईंग अपांग बनरकू हिनइस-बिनइसवारा।

एहुना 5:21

अपात गोएगतो होड़कूय जियाव रेमा, हनन इया बेटात हों हाँय चहाःता हँकुःआ होड़कू जीवे एमेवाकूता।”