मती ओजाःतेरा भगवानराः नपाय सरवन 7:6 - Korwa Bible

⁶ सुद इदा हना जिनिसकून कुतुकू एचेरे अलोपे एमेय। हँकुःआ कुतुकू तयोमरे आमकू हवाःगोडता। अरू मुतीकून सुकरीकू मड़ंगरे अलोपे तेकेगे। नाःआ इयापे एचेय दो, सुकरीकू हना मुतीकूनकू चोडगोडता।

मती ओजाःतेरा भगवानराः नपाय सरवन 7:6 Σταυροειδείς Αναφορές

मती ओजाःतेरा भगवानराः नपाय सरवन 15:26

दो ईसू हाँयग अइमीय कतावाड, “लइंकूराः रुटी गोःकेडखन कुतुकू एचेरे तेकेगे दो नपाय कोवानेःआ।”

मती ओजाःतेरा भगवानराः नपाय सरवन 24:10

हना कटसिया मेला मुरुक होड़कू बिसवास अड़ाःकेडखनकू कुदा जुवाःता। मुरुक होड़कू एटाः होड़कूकू एचे साबता अरूकू हिनइस-बिनइस होड़ेंगता।

मती ओजाःतेरा भगवानराः नपाय सरवन 7:5

ने पचघुचिया होड़कू, मड़ंगरे अपेराः मेडरे बोलोकिया हना चइलापे उडुंगवा। हनाते अपे सउंगताकूराः मेडरे बोलोकिया हना गुंडा उडुंग लगा नपायतेपे ञेल अवेयता।

2 कुरिंती 11:26

कइन तुरहा सेन वेगरे ईंग लगा नईकूनराः सिकिसता, इनिग होड़कू अते सिकिसता, ईंगरिकुःआ जइत सगा होड़कू अते सिकिसता, बेगर एहूदाकू अते सिकिसता, सहररे सिकिसता, टयंगाब ततेररे सिकिसता, समुंदररे सिकिसता अरू लबरा बिसवासी होड़कू अते सिकिसता होयानेना।

पिलिपी 3:2

खखतना लगाकू कतायता हँकुःआ कुतुकू इया बेलूर होड़कू अते सवासितीपे दोहोन।

इबरानी 10:29

दो अँननपे ओंगले, भगवानरीग बेटाय आड-बेकारवाता अरू मयावाबूता हाँयग सुद बिरुवाय बेग-हतावाता अरू होड़कू सुदगेता हना कता-जमकावतोराः बलंगी सदाःआ इदा माःआने ओंगलेता, हाँयग होड़ भगवान तुमिन बगराय डंडियावगेयता।

इबरानी 6:6

हँकू भगवानरीग बेटात, अरू कुरूसरे ठोंकावकिडिगखन जमाकू मड़ंगरेकू एचे बेग-हतावायता। हनालगा हँकू बिसवास अतेकू एटाः जुवाः दो, बिसवासरे अरू कहियो ओरोबू कुदा अवेतेडकुःआ।

2 पतरस 2:22

हँकू लगा मड़ंगराः कता सताय इदा, “कुतू अनँयगराः उलात अरूय जड़ाःगेता,” अरू “ऊमतो सुकरी हनानाः सिकलारे अरूय घोलंडाव लेटाःता।”

उदुःतो कताकून 22:15

कुतू इया होड़कू, अरू पपंगाड़ होड़कू, अरू सनहा-सनही होड़कू, अरू ञेड एएंडा होड़कू, अरू मुरती सेवा होड़कू, जमा बरानाः लबरा चहाः होड़कू अरू अडिग होड़कू, हँकू जमाकू हना सहरराः बहरीकू दोहोनता।