मती ओजाःतेरा भगवानराः नपाय सरवन 4:22 - Korwa Bible

²² अरू हँकिन ओहेन डोंगा अरू अँकिनरीग अपात अटूतेडखन ईसूरिकिनाः चेलाकिन बड़ाँवयान।

मती ओजाःतेरा भगवानराः नपाय सरवन 4:22 Σταυροειδείς Αναφορές

मती ओजाःतेरा भगवानराः नपाय सरवन 10:37

अनँयग एंगात सहे अपात, ईंग अते बगराय दुलारगेयता हाँयग होड़, ईंग जुकूर कोवाया। अरू ईंग अते बगरा, बेटात सहे बिटीते दुलारता हाँयग होड़ हों ईंग जुकूर कोनोवाया।

मती ओजाःतेरा भगवानराः नपाय सरवन 4:21

हनते हँकू अरू तोरेकू सेनेड दो जबदीरिकिनाः बेटाकिन एकूब अरू एहुना, ईसू ञेलतेडकिना। हँकिन अपात सुदा डोंगारे दुड़ुःकेडखन जालकू तुला सोझावा। दो ईसू हँकिन होंय राःतेरा,

मती ओजाःतेरा भगवानराः नपाय सरवन 4:23

हनते ईसू जमा गलील छतररे सेनेडखन हँकूराः अरजी ओड़ाःकूनरेय चेडतेडकुःआ। हाँय होड़कू एचेरे भगवानराः राइजराः नपाय सरवने परसारतेरा अरू अबड़ाहा होड़कू अरू जमा बरानाः बेमरियातेकू दोहोना हँकुःआ होड़कूय नपायगोड ञवना।

मरकूस 1:20

दो ईसू हँकिन ओहेने राःतेडकिनाः अरू हँकिन अँकिनरीग अपात जबदी, डोंगारे एटाः मंजुरियाकू सुदा अटूतिरिगखन ईसूरिकिनाः चेलाकिन बड़ाँवयान।

लूका 14:26

“तोनोंगीग होड़ ईंगरीग चेला बड़ाँः इदान दो ईंग अते आँयग एंगात, अपात, एरात, लइंकू, वपक बोपोहकूतेन, अजी मेमेसकूतेन अरू आँयग जीव हों बगरा अलोय दुलारगे। नाःआ इया मेरेय एचेय होले, हाँय ईंगरीग चेला ओरोय बड़ाँव अवेनेना।

लूका 14:33

अपे ईंगपे अयूम। नाःआ इया तोनोंगीग अनँयगराः जमा जइतकून मेरेय अड़ाःगे दो, हाँय ईंगरीग चेला ओरोय बड़ाँव अवेनेना।

लूका 5:11

हनते हँकुःआ होड़कू डोंगा, दाः धरीरेकू ओर उडुंगतेरा अरू हँकू जमा बरानाः अड़ाःतेडखन ईसूरिकुःआ चेलाकू बड़ाँवयान।

2 कुरिंती 5:16

नुँहू वरीते होड़कूराः ओंगोल इया तोनोंगीग ओरोले फड़ियावतिरिया। मड़ंगरे मसी बदीरे चउंदीसरिकुःआ होड़कू फड़ियावगेःआ हनन इया अले होंले फड़ियावतिरिया। मनदो नुँहू वरीते अले हनन इया ओरोले फड़ियावतिरिया।