मती ओजाःतेरा भगवानराः नपाय सरवन 26:4 - Korwa Bible

⁴ हँकू ईसू कलेकाल एचे साबकिडिगखन ञेड एंडागेय लगाकू ओंगलेःआ।

मती ओजाःतेरा भगवानराः नपाय सरवन 26:4 Σταυροειδείς Αναφορές

मती ओजाःतेरा भगवानराः नपाय सरवन 12:14

मनदो फरीसी होड़कू हंडा अते तोराकू अरू ईसू ञेड एंडाय लगाकू ओंगोलतेरा।

मती ओजाःतेरा भगवानराः नपाय सरवन 23:33

ने महुरा बींग इया होड़कू, भगवान अपे डंडियावकेडखन नरगरे सोलोंगपे अते करा उड़ीपे बनसावगुःता?

मरकूस 14:1

बार दिन तयोमरे पसहा परोब अरू रुटीराः परोब निचकाःआ। मरंग पुजउरीकू अरू नियम चेडदार होड़कू ईसू कलेकाल एचे साबकिडिगखन ञेड एंडागेय लगाकू ओंगलेःआ।

एहुना 11:53

दो हना अते हँकुःआ एहूदाकूरिकुःआ मूक होड़कू ईसू ञेड गोजेय लगा बुइदकू तुलाःआ।

मूक चेलाकू 13:10

“आम कलउरीग बेटात अरू जमा सताय कतारीग मुदइ हवे। आम जमा बरानाः लबरा अरू अडिग अकामते पेरेगतो इदानमेःआ। परबूराः बदीरे सनातायतो इदा हना कता एचे बदलावाडखन लबरा कता तुला अते तोरेम दोहोन।

मूक चेलाकू 7:19

हाँय अबूरिकुःआ होड़कू अँकूरिकुःआ डेंबाकू गोएग जुवाः लगा हँकू अँननकूरिकुःआ डेंबाकू बहरीकू एचे उडुंगगोतेडकू। नाःआ इया हाँयग मिसिरी राजा हँकू अडिगतेडकूखन मुरुक गराह गिराह कटसियाय एमेवातेडकुःआ।

2 कुरिंती 11:3

अपे सुधिया अरू सुद जीवते मसीपे दुलारतना। दो बींग, हववा अडिगतेडखने बहकावतिरिया, हनन इया मसीराः हना दुलार अते लबरा चेडदार होड़कू अपेकू बहकावगोडता माःआनतिंग बोरतना।