मती ओजाःतेरा भगवानराः नपाय सरवन 2:2 - Korwa Bible

² हँकू हंडा सोदोरनेनखनकू होंबोरतेड, “एहूदाकूरीग राजा करेय जनमावकिया? अले हाँयरीग इपील सेरमोरेले ञेलतिरिया अरू हाँय सलामगेय लगाले वेगकिया।”

मती ओजाःतेरा भगवानराः नपाय सरवन 2:2 Σταυροειδείς Αναφορές

मती ओजाःतेरा भगवानराः नपाय सरवन 2:3

नाःआ कता हरदोस राजा अरू एरुसलेमरिकुःआ होड़कू अयूमतेड दो हँकूराः जीव मुरुक बोरोयान।

मती ओजाःतेरा भगवानराः नपाय सरवन 21:5

“सीयोन सहररिकुःआ होड़कूपे कतावा, ञेलेयपे, अपेरीग राजा अनँयग आँयग हुडिंगे ओंगलुःता, अरू गदहा होन चोटरे दुडुःकियानखन अपे एचेरे दरवाया।”

मती ओजाःतेरा भगवानराः नपाय सरवन 27:11

दो ईसू एहूदिया छतररीग मरंग हातपात होड़ पिलातूस मड़ंगरेय चड़ाँनेन दो हाँय ईसू एचेरेय होंबोरतेरा, “आम एहूदाकूरीग राजा हवे जा?” दो ईसू कता कुदातेरा, “हाव, हनन इयाम कताकेरा।”

लूका 19:38

“परबूराः ञावतेय वेगता हाँयग राजा भगवान भलावायता। नुँहू सेरमो देसरे सलसत होयाः, अरू सेरमो देसरीग भगवानराः जाग होयाः।”

लूका 2:11

तिसिंग दाऊदराः सहर बेतलहेमरे, अपे लगा मी होड़ सडावदार जनमावकिया। अरू हनाँय हवे, परबू मसी।

लूका 23:3

दो पिलातूस ईसू एचेरेय होंबोरतेरा, “आम एहूदाकूरीग राजा हवे जा?” ईसू हाँय एचेरेय कताया, “आम अनम नाःआ इयाम कतायतना।”

लूका 23:38

अरू ईसूराः बोःते सेरमो कठवाराः हुडिंग पटरारे नाःआ इया ओजाःतो दोहोना, नाँय एहूदाकूरीग राजा हवे, माःआन।

एहुना 1:49

नतनएल कतातेरा, “ने गुरुजी, आम भगवानरीग बेटा अरू इसराएल जइत होड़कूरीग राजा हवे।”

एहुना 12:13

दो हँकू किता डइड़ साबतेडखन हाँय सुदा जुमाः लगाकू सेनेडा। अरू मुरुक सटीतेकू कताया, “होसनना! परबूराः ञावतेय वेगता हाँयग होड़राः जीव भगवान भलावाय, इसराएलरीग राजाराः जीव भगवान भलावाय।”

एहुना 18:37

हनते पिलातूस कतातेड, “दो आम राजा हवे जा?” दो ईसू कतातेड, “आम कतायतना, ईंग राजा हवे। ईंग सतायराः बदीरे कनाता लगा नाःआ चउंदीसरे जनमावनेनखनिंग वेगकिया। सतायरेय बिसवासगेता हाँयग होड़ ईंगराः कताय मनाःता।”

एहुना 19:19

पिलातूस ईसू बदीरे मीटोंग जाः सरवन एचे ओजाःतेडखन हना कुरूसरेय एचे ठोंकावतेरा। हना सरवन नाःआ इया ओजाःतो दोहोना, नसरेतरीग ईसू, एहूदाकूरीग राजा।

एहुना 20:28

दो तोमा कतातेड, “ने ईंगरीग परबू अरू भगवान।”

एहुना 5:23

नाःआते होड़कू अपातकू मान मरजइतता हनन इया बेटात होंकू मान मरजइतता। अरू बेटात मेरेय मान मरजइतगेयता हाँयग होड़, बेटाते वारकेरा हाँयग अपात हों मेरेय मान मरजइतगेयता।”

एहुना 9:38

हनते हाँय कताया, “ने परबू, ईंग बिसवासगेतानिंग।” हनते हाँय उकुड़ोमनेनखन ईसूय जागतेरा।

इबरानी 1:6

अरू भगवान अनँयग मरंगीग बेटात चउंदीसरेय वारेय मेलाय कतायता, “ईंगरिकुःआ जमा सेरमो देसरिकुःआ बराहीलकू हाँयपे जाग।”

उदुःतो कताकून 22:16

ईंग ईसू, आम नाःआ कताकून जमा कलसियारिकुःआ होड़कू एचेरेम कता उदुः लगा, ईंगरीग बराहील आम एचेरेयिंग वारकिरिया। ईंग दाऊद राजारीग डइड़-पखुड़ा अरू नइड़-बाँस होड़ हवे, अरू ईंग टेडेगता हाँयग अंगुः इपील हवे।”