मती ओजाःतेरा भगवानराः नपाय सरवन 2:13 - Korwa Bible

¹³ हँकुःआ कनहूनदारकू कुदायान, हना तयोमरे परबू भगवानरीग बराहील सपनारे उसूप एचेरे सेनेडखने कताया, “रिमुःमे, लँइग अरू एंगात गोःकेडखन मिसिरी देस अगीम ञीर। हरदोस राजा लँइग ञेड गोजेय लगाय ओंगलेतना। हनालगा ईंग आम एचेरेयिंग कतायता हना बेला वरी हंडाम दोहोन।”

मती ओजाःतेरा भगवानराः नपाय सरवन 2:13 Σταυροειδείς Αναφορές

मती ओजाःतेरा भगवानराः नपाय सरवन 1:20

दो उसूप नाःआ इयाय ओंगोल दोहोतेरा दो, परबू भगवानरीग बराहील सपनारे हाँय एचेरे एचे ञेलनेनखने कताया, “ने दाऊदरीग नइड़-बाँस होड़ उसूप, सुनुद बिरुवाते मरियम भरी-पावकिया। हनालगा हाँय आम अइमी बड़ाँः अते अहम बोर।

मती ओजाःतेरा भगवानराः नपाय सरवन 10:23

अपे दोहोनता हना सहररे होड़कू अपेकू संतावपे दो, हना सहर अते एटाः सहर अगीपे ञीर जुवाः। अपे ईंगपे अयूम, अपे इसराएलराः जमा सहरकूनरे अरीनपे दँड़ा पुरावगे अते मड़ंग, मनुवारीग बेटात वेग जुवाःता।

मती ओजाःतेरा भगवानराः नपाय सरवन 2:12

दो सेरमो देसरीग बराहील हँकू एचेरे सपनारे सेतावतेडकूखने कताया, अपे हरदोस राजा एचेरे अलोपे कुदा सेन, माःआन। हनालगा हँकू एटाः दूरते अँकूराः देसकू कुदा सेनेडा।

मती ओजाःतेरा भगवानराः नपाय सरवन 2:14

दो हाँय रेमनेनखन रनइत रइतरे लँइग अरू एंगात सुदा मिसिरी देसकू ञीरयान।

मती ओजाःतेरा भगवानराः नपाय सरवन 2:16

तयोमरे हरदोस राजा सुदीगोतेडे, “हँकुःआ कनहूनदार होड़कू ईंगकू अडिगकेरा।” दो हरदोस राजा मुरुके रीसनेन अरू हाँय आँयगरिकुःआ होड़कू बेतलेहेमरेय वारगोतेडकू। हाँय कनहूनदारकू अतेय सुदीतेरा हना बेला इया बेतलहेम सहररिकुःआ बार बरिस अते हुडिंग हुडिंग जमा हेरेल होनकूय एचे ञेड एंडा गोतेडकू।

मती ओजाःतेरा भगवानराः नपाय सरवन 2:22

अरकिलाउस आँयगरीग अपात हरदोस राजाराः बदलारे एहूदिया छतररे राइजगेतना, माःआन उसूप अयूमतेरा। दो हाँय एहूदिया छतर सेन लगाय बोरा। एटाः सपनारे भगवान हाँये सेतावतेरा दो, हाँय गलील छतर अगीय सेनेडा।

मूक चेलाकू 10:22

दो हँकू कताया, “कुरनेलियूस ञावीग रूमी देसराः सइना होड़कूरीग हातपात होड़ अले आम एचेरेय वारकेडलेःआ। हाँय भगवाने बोरोवाता अरू हाँयराः कताय मनाःता। एहूदाकू हाँय नपायतेकू मान मरजइतगेयता। आँयग ओड़ाःरे आम राःमे लगा अरू आम कतायता हना जमा कताकून मनावगे लगा हाँय एचेरे भगवानरीग सुद बराहील कतातेरा।”

मूक चेलाकू 10:7

दो बराहील तोराय हना तयोमरे कुरनेलियूस आँयगरिकिनाः बार होड़ सेवकियाकिन अरू आँयग सुदाय दोहोना मी होड़ बिसवासगेयीग सइना होड़, हँकूय राःतेरा।

मूक चेलाकू 12:11

हनते पतरस सुरतानेनखने कताया, “नुँहू बेगर जाःतेयिंग सुदीयतना भगवान आँयग बराहील वारतिरिगखन हरदोसराः तिःई अते अरू एहूदाकू ओंगोल दोहोतेरा हना जमा ओंगोलकून अतेय सडावकिरिंगा।”

मूक चेलाकू 12:7

दो असाका परबू भगवानरीग बराहील पतरस गेतेगा हना छिनारेय एचे ञेलयान अरू मरसल विड़चेड़नेना। हाँय परतस ढोकलाव बेरेडतिडिगखने कताया, “हलीमे, रिमुः।” अरू हननमेला हाँयकू तोलतेरा हना सिकिड़ीकून हाँय तिःईते कसड़यान।

मूक चेलाकू 16:36

दो हाँयग अगुरा होड़ पउलूस एचेरेय कताया, “फड़ियावदारकू आम अरू सिलास अड़ाःबा लगाकू हुकुमकेरा। नुँहू अबा दूबा। सलसततेबा सलाव जुवाः।”

मूक चेलाकू 5:19

मनदो रइत मेला परबू भगवानरीग बराहील हना जेहेलराः दुवारकूने गीगतेरा अरू हँकू बहरी उडुंग अगूतेडकूखन

मूक चेलाकू 7:19

हाँय अबूरिकुःआ होड़कू अँकूरिकुःआ डेंबाकू गोएग जुवाः लगा हँकू अँननकूरिकुःआ डेंबाकू बहरीकू एचे उडुंगगोतेडकू। नाःआ इया हाँयग मिसिरी राजा हँकू अडिगतेडकूखन मुरुक गराह गिराह कटसियाय एमेवातेडकुःआ।

उदुःतो कताकून 12:14

मनदो हाँयग अइमी मीटोंग मरंग कुड़ीडराः बारटोंग पंकीय पवावनेना, जेमहा हाँय टयंगाब ततेर अगीय दोन अवेन। हंडा हाँय मी बरिस, अरू बार बरिस अरू आधा बरिस वरी लाल मरंग बींग अते बनसावकियानखनकू पला दरीगेय।

उदुःतो कताकून 12:4

सेरमोरिकुःआ इपीलकू पेय बंटारे मी बंटा हाँयग लाल मरंग बींग अनँयगराः चड़रोमते ओतरेय झंटाव लोजोरगोतेडकू। हनते हाँयग लाल मरंग बींग हाँयग अइमीरीग लँइग जनमावगुः मेला ऊडगेय लगा अइमी मड़ंगरेय चड़ाँयान।

उदुःतो कताकून 12:6

अरू हाँयग अइमी, भगवान हाँय लगाय सपड़ाव दोहोतेरा हना टयंगाब ततेर अगीय ञीरयान। हंडा हाँय 1,260 दिन वरीकू पला दरीगेया।