मती ओजाःतेरा भगवानराः नपाय सरवन 19:13 - Korwa Bible

¹³ ईसू तिःई खेपाकेडखन लइंकू अरजीवा लगा होड़कू ईसू एचेरे लइंकूकू अगूकुःआ। हना ञेलतेडखन चेलाकूतेन हँकूकू डंटावतेरा।

मती ओजाःतेरा भगवानराः नपाय सरवन 19:13 Σταυροειδείς Αναφορές

मूक चेलाकू 2:39

नाःआ जबान अपे लगा अरू अपेरिकुःआ लइंकू लगा अरू लंकारे इदानकुःआ हँकुःआ होड़कू लगा, अबूरीग परबू भगवान राःकूता हँकुःआ जमा होड़कू लगा इदा।”

1 कुरिंती 7:14

तोनोंगीग बिसवासी अइमीरीग हेरेलतो मेरेय बिसवासगेतान हों, हाँयग अइमी बिसवासगेतान अते हाँयगरीग हेरेलतो हों सुदे बड़ाँव जुवाःता अरू हनन इया बिसवासी मरदरीग एरात मेरेय बिसवासगेतान हों, हाँयग मरद बिसवासगेतान अते हाँयगरीग एरात हों सुदे बड़ाँव जुवाःता। निही दो अपेरिकुःआ लइंकू सुद ओरोकू दोहोकुःआ, मनदो नुँहू हँकू सुद इदानकुःआ।

मती ओजाःतेरा भगवानराः नपाय सरवन 20:31

दो होड़कू कलेकालकिन दोहोन लगाकू डंटावकिना। मनदो हँकिन अनउर हुमइसके खिररी घड़ीनकिन कताया, “ने परबू, ने दाऊद राजारीग नइड़-बाँस होड़, अलिंगमे मयावा।”

मती ओजाःतेरा भगवानराः नपाय सरवन 16:22

दो पतरस ईसू एटाः अगीय गोःयाडीग अरू डंटाव घड़ीने कताया, “ने परबू, नाःआ इया कोवान। आम सुदा नाःआ इया कहियो ओरो होयानेना।”

मती ओजाःतेरा भगवानराः नपाय सरवन 19:12

मनदो तोनोंग तोनोंग होड़कू जनम अते चकुराकू दोहोनता अरू तोनोंग तोनोंगकू होनोड़कू चकुराकू बड़ाँवकेडकुःआ अरू तोनोंग तोनोंग होड़कू भगवानराः राइज लगा बेगर बियाहते इदानकुःआ। बुझाव अवेनता, हाँयग होड़ ईंगराः कताय मनाः।”