मती ओजाःतेरा भगवानराः नपाय सरवन 17:3 - Korwa Bible

³ असाका भगवानराः बड़रा कता होड़किन मोसेस अरू इलियाह, ईसू सुदा बुतुड़ूकिन एचे ञेलयान।

मती ओजाःतेरा भगवानराः नपाय सरवन 17:3 Σταυροειδείς Αναφορές

मती ओजाःतेरा भगवानराः नपाय सरवन 17:2

हंडा चेलाकू ञेनेल ञेलरे हाँयराः मुरइत बदलावयान अरू हाँयराः सुरइत बेर इया विड़चेड़नेना अरू हाँयराः सोनहे मरसल इया फक-फक उजड़यान।

मती ओजाःतेरा भगवानराः नपाय सरवन 17:4

दो पतरस ईसू एचेरेय कतातेड, “ने परबू, अबू नंडा इदानबुःआ दो नपाय इदा। आम चाहाःतान दो, नंडा ईंग पेयटोंग कुंबायिंग तुलाता, मीटोंग आम लगा, मीटोंग मोसेस लगा अरू मीटोंग इलियाह लगा।”

मरकूस 9:4

दो हनमेला असाका भगवानराः बड़रा कता होड़किन, मोसेस अरू इलियाह हंडाकिन एचे ञेलयान। अरू ईसू सुदाकिन बड़राःआ।

लूका 1:17

हाँयराः जीव इलियाहराः जीव इया जंगरते दोहोनता अरू हाँय एंगात अपात अरू लइंकू एचे राजू नमा गोटकूताय अरू भगवानराः बड़रा मेरकू मनवेता हँकूराः जीव कसूर अते एचे कुदाकेडखने नपायगोडता। नाःआ इया हाँय परबू वेग अते मड़ंग होड़कूराः जीवे संजोड़ता।

लूका 16:16

मोसेसराः नियम अरू भगवानराः बड़रा कता होड़कूराः कता, बतिसमा एमेयीग होड़ एहुना वरीकू पपरसारा। अरू हनानाः बेला वरीते भगवानराः राइजराः नपाय सरवनकू परसार अअगूतना। अरू जमा होड़कू भगवानराः राइजरे रेनहा-पेलहाकू बोलता।

लूका 24:27

हनते भगवानराः कागदरे मोसेस अरू एटाः जमा भगवानराः बड़रा कता होड़कू ओजाःकेरा हनाते अनँयग बदीरे ओजाःतो दोहोना हना जमा ईसू हँकिने कता समझावतेडकिना।

लूका 24:44

तयोमरे हाँय हँकू एचेरेय कताया, “ईंग अपे सुदा दोहोन मेलायिंग कतातेरा, मोसेसराः नियम कागदरे, भगवानराः बड़रा कता होड़कूराः कागदरे अरू सेरेंगकून कागदरे ईंग बदीरे ओजाःतो इदा, हना जमा कता हनन इया होनोयाः इदा।”

लूका 9:33

हँकिन बना होड़ ईसू अते सेनराः बेला होयानेन दो पतरस ईसू एचेरेय कताया, “ने मालिक, अबू नंडा इदानबुःआ दो नपाय इदा। दो अले पेयटोंग कुंबाले तुलाता, मीटोंग आम लगा, मीटोंग मोसेस लगा अरू मीटोंग इलियाह लगा।” पतरस मेरेय सुदीया हाँय चिलाय कताःआ, हना।

एहुना 1:17

भगवानराः नियम मोसेसतेय एमेकेरा मनदो ईसू मसीते भगवान अबूय मयावारा अरू अनँयगराः सताय अबूय एचे उदुःवारा।