मती ओजाःतेरा भगवानराः नपाय सरवन 10:6 - Korwa Bible

⁶ मनदो अपे इसराएल जइतरिकुःआ केड़ेत भेड़ाकू इया इदानकुःआ हँकुःआ होड़कू एचेरेपे सेन।

मती ओजाःतेरा भगवानराः नपाय सरवन 10:6 Σταυροειδείς Αναφορές

मती ओजाःतेरा भगवानराः नपाय सरवन 18:10

“अपे ईंगपे अयूम, ईंग एचेरेकू बिसवासगेता हँकुःआ होड़कू अते तोनोंगीग हुडिंगीग होड़ अहापे आड-बेकारवाय। सेरमो देसरे नँकूरिकुःआ अगुरादार बराहीलकू, हंडा इदानिया ईंगरीग अपांग भगवान सुदा सगर बेला इदानकुःआ।

मती ओजाःतेरा भगवानराः नपाय सरवन 18:11

[मनुवारीग बेटात केड़ेत होड़कू ञामकेडखन सडावकू लगाय वेगकिया।]

लूका 24:47

होड़कू हनाँयराः ञावते एरुसलेमते बुँहड़ीवाडखन जमा जइत होड़कू एचेरेकू परसारगेता, होड़कू कसूर अते जीवकू कुदाता दो हँकूराः कसूर ईसूराः ञावते भगवान बराव एंडागोडताय, माःआन।

मूक चेलाकू 13:46

दो पउलूस अरू बरनाबास डिनीड़ते हँकुःआ होड़कू एचेरेकिन कता कुदातेरा, “अलिंग अपे एहूदाकू एचेरे भगवानराः सरवन मड़ंगरे ककता दोहोना, मनदो अपे हना सरवनपे टड़ाव एंडाकेरा अरू नाःआते सुदीगोडतापे ओरो टुटीगनेना हना जीव लगा भगवान अपे मेरेय सुनावगाडपेःआ। नुँहू अलिंग बेगर एहूदाकू एचेरे भगवानराः नपाय सरवनलिंग कता उदुःता।

मूक चेलाकू 18:6

मनदो एहूदाकू हाँय मुरुककू घंटावतिडिया, अरू ओपताय घड़ीनकू कतावाया दो, पउलूस आँयगराः सोनहे मीटोंग चिनहा इया हँकूराः बदीरेय कोटातेडखने कताया, “भगवान अपेय डंडियाता हनाराः जिमेवारी अँननपेराः होयाःता। नुँहू वरीते ईंग बेगर एहूदाकू एचेरे भगवानराः नपाय सरवनिंग कता उदुःता।”

मूक चेलाकू 26:20

मड़ंगरे दिमसकूस सहररिकुःआ होड़कू, अरू हनते एरुसलेमरिकुःआ होड़कू, अरू जमा एहूदिया राइजरिकुःआ होड़कू, अरू बेगर एहूदाकू जमाकू अँकूराः जीव कसूर अते भगवान अगी कुदाकेडखन, भगवानराः ओंगोल इयाःआ बुताकूनकू एचेय लगा ईंग परसारगोड ञवना।

मूक चेलाकू 3:26

भगवान आँयग बेटात ईसू गोएगतो होड़कू अतेय जियाव रेमकिरिया अरू हाँय अपे अँननपेराः कसूर अते जीव एचे कुदाकेडखन अपेराः जीव ननपायगे लगाय वारतिरिया।”

1 पतरस 2:25

मड़ंग अपे भेड़ाकू इया बेगर सरवाहातेपे दँड़ा हड़ाःआ, मनदो नुँहू अपे अपेरीग सरवाहा अरू तिहादार एचेरेपे कुदा वेगकिया।