लूका 9:54 - Korwa Bible

⁵⁴ दो हना ञेलवाडखन ईसूरिकिनाः चेलाकिन एहुना अरू एकूब कतातेरा, “ने परबू, अले सेरमो अते सेंगेल एचे लोजोरकेडखन नँकुःआ होड़कू एचे लो एंडागोडकू लगा आम चहाःतना जा?”

लूका 9:54 Σταυροειδείς Αναφορές

मरकूस 3:17

ईसू बुअनरगिस माःआने कतावाया हँकिन जबदीरीग बेटा एकूब अरू आँयग बोहोत एहुना, (बुअनरगिसराः मतलोब ठेड़ररेरिकिनाः बेटाकिन हवे),

लूका 9:55

मनदो ईसू उलटावनेन अरू हँकिने डंटावतेडखने [कताया, “अबा करा इया जीवकिनाः होड़किन हवे? मनुवारीग बेटात होड़कू ञेड एंडाकू लगा मेरेय वेगगना, मनदो हाँय होड़कू बनसावकू लगाय वेगकिया।”

उदुःतो कताकून 13:13

हाँय मुरुक मरंग मरंग बयाव जुवाः इयाःआ चिनहाय उदुःवाकुःआ अरू होड़कू ञेने ञेल मेला हाँय सेरमो अते ओतरे सेंगेले एचे उयुःआ।

उदुःतो कताकून 13:3

हाँयग जानरराः मीटोंग बोःरे गोएग जुवाः इयाःआ मीटोंग घाव दोहोना। मनदो हना गोएग जुवाः इयाःआ घाव ओरेगयान। अरू चउंदीसरिकुःआ जमा होड़कू हाँयग जानर तयोम तयोम बयावगुः घड़ीनकू सेना।