लूका 9:2 - Korwa Bible

² हनते हाँय हँकू भगवानराः राइज बदीरे परसारगे लगा अरू बेमरियाकू नपायकू लगाय वारगोतेडकू।

लूका 9:2 Σταυροειδείς Αναφορές

मती ओजाःतेरा भगवानराः नपाय सरवन 10:5

नँकुःआ बारहो मूक चेलाकू ईसू नाःआ हुकुम एमेवातेडकूखने वारतेडकुःआ, “बेगर एहूदाकू एचेरे सहे समरिया छतररिकुःआ होड़कू एचेरे अलोपे सेन।

मती ओजाःतेरा भगवानराः नपाय सरवन 13:19

भगवानराः राइज बदीराः सरवन अयूमकेडखन मेरेय बुझाःता हाँय, दूर धरीरे लोजोरनेना हना बिहान इयायीग होड़ हवे। अरू हाँय अयूमतेरा हना सरवन कलउ वेगवाडखने गोःयाता।

मती ओजाःतेरा भगवानराः नपाय सरवन 24:14

अरू भगवानराः राइजराः नपाय सरवन चउंदीसराः जमा जइत होड़कू एचेरेकू परसारगेता। अरू हना तयोमरे चउंदीस टुटीग जुवाःता।

मती ओजाःतेरा भगवानराः नपाय सरवन 3:2

“भगवान अपे एचेरे राइजगे लगाय बुँहड़ीकेरा। हनालगा अपे कसूर अते जीवपे कुदा।”

मरकूस 16:15

हनते ईसू हँकू एचेरेय कतातेरा, “अपे नाःआ जमा चउंदीसरिकुःआ होड़कू एचेरे सेनेकियानखन नपाय सरवनपे परसारगोड।

मरकूस 6:12

दो हँकू, मूक चेलाकू सेनेवाडखनकू परसारगोतेड, अपे कसूर अते जीवपे कुदा, माःआन।

लूका 10:1

हना तयोमरे ईसूके सेन दोहोना हना सहरकूनरे सतरगोटोंग चेलाकू बबर होड़ बबर होड़ चेलाकूतेने वार मड़ंगतेरा।

लूका 10:11

अपे बदीरे भगवान एचेरे हिदइत दोहोन लगा नाःआ सहरराः धुंदरा अलेराः काट अते कोटा एंडायतनाले। मनदो अपे नाःआ सुसुदी लगा इदा, भगवान अपे एचेरे राइजगे लगाय बुँहड़ीकेरा, माःआन।

लूका 10:9

हंडाकुःआ बेमरियाकू नपायगोडकूपे अरू हँकू एचेरेपे परसारगे, भगवान अपे एचेरे राइजगे लगाय बुँहड़ीकेरा, माःआन।

लूका 16:16

मोसेसराः नियम अरू भगवानराः बड़रा कता होड़कूराः कता, बतिसमा एमेयीग होड़ एहुना वरीकू पपरसारा। अरू हनानाः बेला वरीते भगवानराः राइजराः नपाय सरवनकू परसार अअगूतना। अरू जमा होड़कू भगवानराः राइजरे रेनहा-पेलहाकू बोलता।

लूका 9:11

होड़कू सुदीगोतेड ईसू करा अगी तोराया हना, अरू हाँय अगीकू तजाःयान। अरू ईसू सुदा बहालतेकू जुमावयान। दो हाँय हँकू एचेरे भगवानराः राइज बदीरेय कता उदुःगेःआ अरू हाँय एचेरेकू वेजेडा, हँकुःआ बेमरियाकू जमाकूय नपायतेरा।