लूका 7:8 - Korwa Bible

⁸ ईंग मी होड़ एचेरेयिंग कतायता, दूमे, दो हाँय सलाव जुवाःताय। अरू मी होड़ एचेरेयिंग कतायता, दबूमे, दो हाँय ईंग एचेरेय वेग जुवाःता। अरू ईंग सेवकिया होड़ एचेरेयिंग कतायता, बुतामे, दो हाँय बुताता। हनालगा आम कतागोड दो, ईंगरीग सेवकिया होड़ नपाय जुवाःता।”

लूका 7:8 Σταυροειδείς Αναφορές

लूका 7:7

ईंगराः ओंगोलरे ईंग आम एचेरे सेन जुकूर हों कोवायिंगा। हनलगा ईंग आम एचेरे मेरिंग सेनेगान। ईंग हों होड़कूराः आड़रे इदानिंगा अरू ईंगराः कता मनाः सइना होड़कू हों इदानकुःआ।

लूका 7:9

दो ईसू हना अयूमतेडखने बयावयान अरू उलटावकियानखन अनँयग देह दूरकू वेजेडा हँकुःआ होड़कू एचेरेय कताया, “अपेयिंग कतावातना, अबू इसराएल होड़कू एचेरे हों नाःआमिन बिसवास ईंग नुँहू वरी मेरिंग ञेलगरा।”

मूक चेलाकू 23:17

हनते पउलूस मी सव सइनाकूरीग हातपात होड़ राःकेडखन हाँय एचेरेय कताया, “नाँयग डिंघा होड़ मरंग हातपात होड़ एचेरेम गोःयाडीग। नाँयके हाँय एचेरे तोनोंगाः ककता लगा इदा।”

मूक चेलाकू 23:23

हनते हाँयग मरंग हातपात होड़ आँयगरिकुःआ मी सव सइनाकूरिकिनाः बारगोटोंग हातपात होड़किन राःतेडखने हुकुमवातेडकिन, “बार सव सइना होड़कू, सतरगोटोंग घोड़ा सलाव होड़कू अरू बरछा साबतो बार सव होड़कू कइसरिया सहररे तिनिसिंग खर-बियाड़ी रइत सेन लगापे सपड़ाव दोहोका।

मूक चेलाकू 23:26

अगम मान मरजइतगेयीग मरंग हातपात होड़ पेलिकस लगा कलाउदियूस लुसियास अगीते सलाम,

मूक चेलाकू 23:31

हाँय हुकुमवातेडकुःआ, हनन इया सइना होड़कू पउलूस रनातो रइतरे हँकू सुदाकू गोःयाय अरू अंतिपतिरिस सहररेकू गोः सोदोरतिरिया।

मूक चेलाकू 24:23

हनते हाँय मी सव सइनाकूरीग हातपात होड़ एचेरे पउलूस अगुरागेय लगाय हुकुमवातेरिया। मनदो हाँयरिकुःआ सउंगताकू हाँय संघरावाय अते मेरेय रोंकावगाडकू लगा अरू हुडिंग हुडिंग दँड़ा-पटे ओवाय लगा होंय हुकुमवातेरिया।

मूक चेलाकू 25:26

मनदो नाँय बदीरे कइसर मरंग राजा एचेरे तोनोंग इयाःआ ओजाःगे लगा ईंग एचेरे कोवानेःआ। हनालगा अपे जमाकू मड़ंगरे बिसेक, ने अगरिपा राजा, अनम मड़ंगरे नाँय ईंग अगूकिरिया, जेमहा आम जासकिरिगखन नाँय बदीरे कहिसाः ईंग ओजाःगे लगायिंग पवाः।

कुलूसी 3:22

ने सेवकियाकू, अपेरिकुःआ मालिककू अपेकू ञेलता, हनमेला एकला अहापे बुता बोनाः। मनदो अपे मिनी जीवते परबूराः अकूस मनाः घड़ीन हँकूराः जमा कताकूनपे मनाः।