लूका 7:6 - Korwa Bible

⁶ दो ईसू हँकू सुदा हातपात होड़राः ओड़ाः अगीय सेनेडा। हाँय ओड़ाः अगीय सोदोरनेन दो हातपात होड़ आँयगरिकुःआ सउंगताकू ईसू एचेरे वारतेडकूखने एचे कता उदुःतेरा, “ने परबू, आम अलोम हलकइनगुः। आम ईंग ओड़ाः वेग जुकूर ईंग कोवायिंगा।

लूका 7:6 Σταυροειδείς Αναφορές

मती ओजाःतेरा भगवानराः नपाय सरवन 20:28

मनुवारीग बेटा अनँयग एचे सेवान लगा मेरेय वेगगना। मनदो हाँय जमा होड़कूय सेवा लगा अरू अनँयग जीव एमे अटूकेडखन होड़कू सडावकू लगाय वेगकिया। हनन इया अपे हों एटाःकूपे सेवाकू।”

मती ओजाःतेरा भगवानराः नपाय सरवन 3:11

अपे कसूर अते जीवपे कुदागे लगा, दाःते बतिसमायिंग एमेयतना। मनदो ईंग तयोमरेय वेगता, हाँयग होड़ ईंग अते मरंग इदानिया। हाँयराः चाटी रेम जुकूर हों कोवायिंगा। हाँय सुद बिरुवाते अरू सेंगेलते अपे बतिसमाय एमेवापेता।

मरकूस 5:24

दो ईसू हाँय सुदाय सेनेडा। अरू सेनेन सेन दूररे मुरुक होड़कू हों रेहेड-तेपेडकू सेनेडा।

लूका 5:8

नाःआ ञेलतेडखन सिमोन पतरस ईसू मड़ंगरे उकुड़ोमवाडखने कतातेड, “ने परबू। ईंग कसूर होड़ हवे। ईंग अते सलाव जुवाःमे।”

लूका 7:4

हँकुःआ मूक होड़कू ईसू एचेरे सेनेकियानखन मुरुक अरजी घड़ीनकू कताया, “हाँयग होड़ आम संघरावाय जुकूर इदानिया।

लूका 7:5

हाँय अबू एहूदाकूय दुलारता अरू अबू लगा मीटोंग अरजी ओड़ाःए एचे तुलाकेरा।”

लूका 7:7

ईंगराः ओंगोलरे ईंग आम एचेरे सेन जुकूर हों कोवायिंगा। हनलगा ईंग आम एचेरे मेरिंग सेनेगान। ईंग हों होड़कूराः आड़रे इदानिंगा अरू ईंगराः कता मनाः सइना होड़कू हों इदानकुःआ।

लूका 8:49

हनमेला आईरराः ओड़ाः अते तोनोंगीग होड़ वेगनेनखन आईर एचेरेय कताया, “आम बिटी गोएगयनाय। गुरुजी अलोम हलकइनगेय।”

मूक चेलाकू 10:38

अरू सुद बिरुवा अरू आँयग जंगर एमेवातेडीगखन भगवान नसरतरीग ईसूय एटाःतिडिया। भगवान ईसू सुदाय दोहोन अते, हाँय एटाः एटाः गाँव सहरकून सेनेडखन नपाय बुताय बुतातेरा अरू भूतकू समसावनेना हँकुःआ होड़कूय नपायगोतेडा।

एकूब 4:10

परबू भगवान मड़ंगरे हुडिंगपे ओंगलुः दो, हाँय अपे मरंगे बड़ाँवपेता।

एकूब 4:6

मनदो भगवान होड़कू अरूय मयावाकूता। हनालगा भगवानराः कागदरे नाःआ इया ओजाःतो इदा, “भगवान बड़वार होड़कूय हिनइस-बिनइसवाकूता, मनदो हुडिंगकू उंगलुःता हँकुःआ होड़कूय मयावाकूता।”