26 दो अपे चिला ञेल लगापे सेनेडा? अपे भगवानराः बड़रा कतायीग होड़ ञेल लगापे सेनेडा जा? हाव। ईंग अपे एचेरेयिंग कतायतना, एहुना जमा भगवानराः बड़रा कता होड़कू अते हों मरंगीग हवे।
“ने बाबू, आम भाबी भगवानराः बड़रा कता होड़ हवे, माःआनकू कतावामता। अरू परबू वेग अते मड़ंग, आम हाँय लगा दूरमे संजोड़ता।
मोसेसराः नियम अरू भगवानराः बड़रा कता होड़कूराः कता, बतिसमा एमेयीग होड़ एहुना वरीकू पपरसारा। अरू हनानाः बेला वरीते भगवानराः राइजराः नपाय सरवनकू परसार अअगूतना। अरू जमा होड़कू भगवानराः राइजरे रेनहा-पेलहाकू बोलता।
मनदो मनुवाकू होरते माःआनबू कताय दो जमा होड़कू सुसुदीतनाकू, एहुना भगवानराः बड़रा कतायीग होड़ हवे, माःआन अरू हँकू अबू दिरिकूनतेकू तेके ञेड एंडागोडबूता।”
अपे नपाय सोनहेय तुसिंगतेरा हाँयग होड़ ञेल लगापे सेनेडा जा? बुरी। नपाय नपायकू तुसिंगता अरू मुरुक बहालरेकू दोहोनता हँकुःआ होड़कू दो राजा ओड़ाःरेकू दोहोनता।
नाँयग होड़ बदीरे भगवानराः कागदरे नाःआ इया ओजाःतो इदा, अयुमेमे, आम मड़ंगरे सेनेकियानखन आमराः दूरे सोएगगोड लगा ईंग इनिंगरीग बराहील आम अते मड़ंगिंग वारेयता।
एहुना विड़चेड़तो अरू सलगाःतो ढिबरी इयाय दोहोना अरू अपे तोनोंग बेला वरी हाँयराः कता मरसल इया भगवानराः सतायरे सलाः लगापे संघरावाया।”