लूका 7:12 - Korwa Bible

¹² हाँय सहरराः हता दुवार अगीय सोदोरनेन दो होड़कू मी होड़ गोएगतो होड़कू तूल अगुःआ। गोएगतो होड़ मी होड़ रंडियाहीनरीग मिनी होड़ बेटाते दोहोना। अरू हना गाँवरिकुःआ मुरुक बगरा होड़कू हाँयग रंडियाहीन सुदाकू दोहोना।

लूका 7:12 Σταυροειδείς Αναφορές

लूका 7:11

तोनोंग दिन तयोमरे ईसू नयीन सहररेय सेनेडा। चेलाकूतेन अरू एटाः एटाः होड़कू हों ईसू सुदाकू दोहोना।

लूका 7:13

ईसू रंडियाहीन ञेलतेडखने सोगावातेडिया अरू हाँय एचेरेय कताया, “अहम इयाम।”

लूका 8:52

हंडा जमा होड़कू हाँयग लँइग लगाकू इयामा अरू ईसू हँकू एचेरेय कताया, “अहापे इयाम। नाँय मेरेय गोएगगना। नाँय दो अपीगतनाय।”

एहुना 11:19

दो मारता अरू मरियम कता बहालकिन लगा मुरुक एहूदाकूरिकुःआ मूक होड़कू हंडाकू वेजेडा।

मूक चेलाकू 9:39

दो पतरस हँकिन सुदाय सेनेडा। अरू हाँय हंडाय सोदोरनेन दो हँकू हाँय हना ओड़ाःराः सेरमो दोहोना हना छिनारेकू गोःतिरिया। हंडा मुरुक रंडियाहीनकू दोहोना, अरू हँकू हाँयग तबीता, हँकू सुदा दोहोन मेला हँकू लगाय सोःतेरा हना सोनहे, पतरस एचेरेकू उदुःतेडखन फिकीर घड़ीनकू इयामा।

मूक चेलाकू 9:41

दो पतरस हाँयराः तिःईरे साबतिरिगखने एचे चड़ाँतिरिया। हनते हाँय रंडियाहीनकू अरू बिसवासी होड़कूय राःतेरा अरू हाँयग तबीता जीयते जिमावातेडकुःआ।

एकूब 1:27

टुरा होड़कू अरू रंडियाहीनकू अँनकूराः सिकिसता मेलारेय संघरावाकूता अरू अनँयग जीव चउंदीसराः कसूर अतेय बनसावता हाँयग होड़राः लूर-नेवन अबूरीग अपांग भगवान मड़ंगरे, सुद अरू बेगर गारबारतेःआ लूर-नेवन हवे अरू हनानाः भगवान जुकूर इदा।