लूका 6:27 - Korwa Bible

²⁷ मनदो ईंगराः बड़रापे अअयूमतना हँकू एचेरेयिंग कतायतना, अपेरिकुःआ मुदइ होड़कूपे अलार-दुलार। अपेकू आड-बेकारवाता हँकू सुदा नपायपे एचेय।

लूका 6:27 Σταυροειδείς Αναφορές

मरकूस 4:24

ईसू अरूय कतातेड, “अपे अयुमेतना हना कता बदीरे नपायतेपे ओंगले। अपे सोंगगेता, हनानाः तंबीरे अपे लगा हों सोंगवापेता अरू हनाते बगराय एमेवापेता।

लूका 23:34

दो हनमेला ईसू भगवान एचेरेय अरजीःआ, “ने अपांग, नँकुःआ होड़कू मेरकू सुदीयतना, नँकू चिलाकू एचेतना। हनालगा नँकूराः कसूरमे बराव एंडागोड।” हँकुःआ सइनाकू चीट-पोटतेडखन हाँयराः सोनहे अँननकू हटिंगयान।

लूका 6:22

मनुवारीग बेटात बदीरे होड़कू अपेकू हिनइस-बिनइसवापेता, अरूकू उडुंग एंडागोडपेता, लंदा एरंगवापेताकू अरू बेलूरकू कतावापेता दो, अपेराः जीव-जहन भगवान भलावाडखने नपायगेता।

लूका 6:35

मनदो अपे मुदइकूपे दुलार अरू नपायकूपे। ईंग गोः कुदायतिंग, माःआन ओंगोलवाडखन अलोपे एमेय। नाःआ इया अपे एचेयतान दो, सतायरे अपे भाबी भगवानरिकुःआ लइंकू हवे, माःआन एटाः होड़कू एचेरेपे उदुःगुःता अरू अपे लगा भगवान मरंग इमाने एमेता। भगवान मेरकू धनियाबादगेयता हँकुःआ होड़कू अरू अँननकूराः नफा लगाकू ओंगलेता हँकुःआ होड़कू होंय सोगावकूता।

लूका 8:15

नपाय ओतरे लोजोरनेना हना बिहान नाःआ इया होड़कू हवे, हँकू सरवन अयूमवाडखन मुरुक नपायते अँकू जीवरेकू दोहोगोडता अरू सहाव घड़ीन नपायते जोःओ जोःता।”

लूका 8:18

हनालगा अपे मुरुक तिंगीडवा घड़ीन ईंग बड़रापे अयूम। तोनोंगीग एचेरे कहिसाः इदान दो, हाँयके भगवान अरूय एमेवायता। मनदो तोनोंगीग एचेरे कहिसाः कोवानेःआ दो हाँय, ईंग एचेरे इदा, माःआने ओंगलेता हना हों हाँय अते भगवान गोःयाता।

लूका 8:8

अरू अदोम बिहान नपाय ओतरे लोजोरनेना अरू हना नपाय ओमोननेन अरू सव मन वरी मुरुके बुता अदेरकेरा।” नाःआ कतावाडखन ईसू हंडाकुःआ होड़कू एचेरे हुमइसकेय कतातेरा, “अयूम अवेयता हाँयग होड़, नपायतेय अयूम ठुड़ावागे।”

मूक चेलाकू 10:38

अरू सुद बिरुवा अरू आँयग जंगर एमेवातेडीगखन भगवान नसरतरीग ईसूय एटाःतिडिया। भगवान ईसू सुदाय दोहोन अते, हाँय एटाः एटाः गाँव सहरकून सेनेडखन नपाय बुताय बुतातेरा अरू भूतकू समसावनेना हँकुःआ होड़कूय नपायगोतेडा।

मूक चेलाकू 16:28

मनदो पउलूस खिररी घड़ीने कताया, “आम अनम जीव अहम लाय एंडागे। अले जमा होड़कू ननंडा इदानलेःआ।”

मूक चेलाकू 7:60

हनते हाँय उकुड़ोमनेनखने खिररीःआ, “परबू, नँकुःआ होड़कूराः कसूर अँननकू बदीरे अलोम ओंगोल दोहोगे।” नाःआ कतावाडखन हाँय गोएगयाने।

गलातिया 6:10

हनालगा अबू जमाकू सुदा होया अवेन हनामिन, बिसेक बिसवासी होड़कू संघरागोड ञवन लगा इदा।

1 तिसलूनिका 5:15

तोनोंगीग अपे सुदा बेलूरे एचेय दो, हान इया अपे बदला अहापे कुदागे। मनदो अपे जमा बेला बिसवासी होड़कू लगा अरू एटाः होड़कू नपाय एचेगोड ञवन लगा ओसताजपे दोहोन।

3 एहुना 1:11

ने ईंग सउंगता, तोनोंगीग होड़राः बेलूर लूर-नेवन इया अलोम जियाः, मनदो नपाय लूर-नेवनतेकुःआ होड़कू इयाम जियाः। तोनोंगीग होड़ नपाय नपाय बुताय एचेयता हाँय भगवानरीग होड़ हवे। मनदो बेलूर बुताय बुताता हाँयग होड़ भगवान कहियो मेरेय ञेलगरिया।