लूका 5:30 - Korwa Bible

³⁰ हना अयूमतेडखन फरीसी होड़कू अरू नियम चेडदार होड़कू ईसूरिकुःआ चेलाकू एचेरे कुरबुराः घड़ीनकू कताया, “अपे चिला लगा मलगुजारी गोः होड़कू अरू एटाः कसूर होड़कू सुदापे जोम ञूयता?”

लूका 5:30 Σταυροειδείς Αναφορές

मती ओजाःतेरा भगवानराः नपाय सरवन 5:46

मनदो अपे अपेकू दुलारता हँकू एकलापे दुलारकू दो अपे भगवान अगीते तोनोंगाः इमानपे पवाःता जा? नाःआ इया मलगुजारी गोः होड़कू हों मेरकू एचेयता जा?

मती ओजाःतेरा भगवानराः नपाय सरवन 9:11

दो फरीसी होड़कू नाःआ ञेलतेडखन ईसूरिकुःआ चेलाकू एचेरेकू होंबोरतेड, “अपेरीग गुरुजी चिला लगा मलगुजारी गोः होड़कू अरू एटाः कसूर होड़कू सुदाय जोमता?”

मरकूस 2:16

दो एहूदाकूरिकुःआ नियम चेडदार होड़कू अरू फरीसी होड़कू ईसू, मलगुजारी गोः होड़कू अरू एटाः कसूर होड़कू सुदाय जोमा हनाकू ञेला अरू हाँयगरिकुःआ मूक चेलाकू एचेरेकू होंबोरतेड, “अपेरीग गुरुजी चिला लगा मलगुजारी गोः होड़कू अरू एटाः कसूर होड़कू सुदाय जोमता?”

मरकूस 7:3

(फरीसी होड़कू अरू जमा एहूदाकू अँकूरिकुःआ खुटिपरिया होड़कूराः रिती-बिधी इयाकू सलाःआ अरू हँकूराः रिती-बिधी इया तिःई अरीनकू अचंगगुः वरी हँकू तोनोंगाः जिनिस मेरकू जोमा।

मरकूस 9:16

दो ईसू हँकू एचेरेय होंबोरतेड, “अपे नँकू सुदा चिलापे अड़ा-चउकीतना?”

लूका 18:11

दो फरीसी होड़ चड़ाँवाडखन नाःआ इयाय अरजीःआ, ने भगवान, ईंग एटाः होड़कू इया इनिग होड़, सहे कसूर होड़, सहे सनहा होड़ कोवायिंगा। ईंग नाँयग मलगुजारी गोः होड़ इया हों कोवायिंगा। हनालगा आम ईंग धनियाबादिंग ओवामता।

लूका 19:7

नाःआ ञेलवाडखन होड़कू ईसूराः बदीरे कुरबुराः घड़ीनकू कताया, “माँय कसूर होड़राः ओड़ाःरे गुतियाय सेनेकिया।”

लूका 5:17

मी दिन ईसू मीटोंग ओड़ाः पेंदारेय चेचेडा। दो एरुसलेम सहर अते, गलील छतर अरू एहूदिया राइजराः जमा गाँव अते फरीसी होड़कू अरू नियम चेडदार होड़कू हों हना ओड़ाःरेकू दुड़ुःकुःआ। हनमेला होड़कू नपायकू लगा भगवानराः जंगर ईसू एचेरे दोहोना।

लूका 5:21

फरीसी होड़कू अरू नियम चेडदार होड़कू अँननकू जीवरेकू ओंगोलतेरा, भगवान बदीकेडखने कतायतना नाँयग होड़ इये हवे? भगवान अड़ाःकेडखन इये कसूरे बराव एंडा अवेयता, माःआन।

लूका 7:34

मनुवारीग बेटात जमाकूने जोम ञूःआ अरू अपे कतायता, माँय हरहा होड़ अरू मतवाड़ होड़ हवे। अरू माँय कसूर होड़कू अरू मलगुजारी गोः होड़कूरीग सउंगता हवे, माःआन।

लूका 7:39

ईसूय राःतेरा हाँयग फरीसी होड़ हना ञेलतेडखन अनँयग जीवरेय ओंगोलतेरा, नाँय दो कसूर अइमी हवे। ईसू सतायरे भगवानराः बड़रा कतायीग होड़ दोहोकुः दो सुदीगोडकेःआय करा इयायीग अइमी ईंग काटे टोँवावतना, माःआन।

मूक चेलाकू 23:9

हंडा हँकुःआ होड़कू मुरुक खिररी घड़ीनकू कता होड़ेंगा अरू फरीसी होड़कू दोहोना, हँकुःआ चेडदार होड़कू चड़ाँनेनखन पउलूस बदीरे हुमइसकेकू कताया, “अले नाँयग होड़ एचेरे तोनोंग गारबार मेरले ञामतना। होनायाःकून करे तोनोंगीग सेरमो देसरीग बराहील सहे भूत हाँय एचेरे तोनोंगाःय कतातेरा।”