लूका 22:34 - Korwa Bible

³⁴ दो ईसू कताया, “पतरस, ईंग आम एचेरेयिंग कतायतना। तिसिंग कुकुड़ा अरीन कुकूड़चुः अते मड़ंग आम पेय तुरहा ईंगमे आड-बेकारवाता, ईंग नाँय मेरिंग सुदीयतना, माःआन।”

लूका 22:34 Σταυροειδείς Αναφορές

मती ओजाःतेरा भगवानराः नपाय सरवन 26:34

दो ईसू पतरसे कतावाड, “ईंग कताम अयूम, तिनिसिंग रइत कुकुड़ा कुकूड़चुः अते मड़ंग आम पेय तुरहा ईंगमे आड-बेकारवाता।”

मती ओजाःतेरा भगवानराः नपाय सरवन 26:74

हनते पतरस अनँयग आँयग सती-सरापगुःआय अरू किरिया जोमवाडखने कताया, “हाँयग होड़ ईंग मेरिंग सुसुदीतना।” ओहेन कुकुड़ा कुकूड़चुःनेना।

मरकूस 14:30

दो ईसू पतरसे कतावाड, “ईंग कताम अयूम, आम तिनिसिंग रइत कुकुड़ा बार तुरहा कुकूड़चुः अते मड़ंग पेय तुरहा ईंगमे आड-बेकारवाता।”

लूका 22:33

दो हाँय ईसू एचेरेय कता कुदातेरा, “ने परबू, ईंग आम सुदा जेहेलरे सेन लगा अरू गुजुः लगा हों सपड़ावतो इदानिंगा।”

लूका 22:35

हनते ईसू हँकू एचेरेय कताया, “उहियारगेपे, ईंग अपे बेगर बगली, झोला अरू चाटीतेयिंग वारतेडपेःआ, हनमेला अपे लगा तोनोंगाः हुडिंग बगरा होयानेना जा?” हँकू कताया, “तोनोंगाः जिनिस अले लगा हुडिंग बगरा मेर होयागान।”

लूका 22:61

परबू ईसू उलटावनेनखन पतरस अगीय ञेलतेरा। दो ईसू मड़ंगरेय कतातेरा हना बड़रा हाँय उहियार अगूतेरा, तिसिंग कुकुड़ा अरीन कुकूड़चुःते मड़ंग आम पेय तुरहाम आड-बेकारवायिंगता, माःआन।

एहुना 13:38

दो ईसू कतातेड, “ईंग लगा आमराः जीवमे एनेमेगोडता जा? ईंगमे अयूम! कुकुड़ा अरीन कुकूड़चुः अते मड़ंग आम पेय तुरहा ईंगमे आड-बेकारवाता।”

एहुना 18:27

पतरस अरूय आड-बेकारवातिरिया अरू हननमेला कुकुड़ा कुकूड़चुःनेना।